Að kunna og kunna ekki að lesa í þjóðarpúlsinn.

Þetta er eiginlega kostuleg uppákoma og best að reyna að útskýra hana aðeins. Ólafur er vanur að lesa þjóðina eins og opna bók, hann stekkur alltaf á atkvæðin hvar sem þau eru en hann gerði fáheyrð mistök um daginn eftir hryðjuverkin þegar hann stökk á vagn fasisma og múslimahatursbylgjunnar.  Alþjóð veit að það stendur ekki á Ólafi að sitja dýrindis veislur með alræmdustu einræðisherrum heims og þjónum þeirra, svosem sendiherrum Sauda, án þess að trufla veislurnar með einhverju leiðindahjali um mannréttindi.  Það sem gerðist var að hann las stöðuna aldrei þessu vant vitlaust.  Hann hélt að meirihluti Íslendinga yrðu skyndilega fasistar og múslimahatarar þó hryðjuverk hafi verið framið í París.  Hann áttaði sig á þessu og þá var að stökkva á næsta vagn,,, það var nefnilega bylgjan sem nú er í gangi , meðaumkun með öldruðum og öryrkjum.  Þarna er sko nóg af atkvæðum á lausu eftir eindæma klaufagang ríkisstjórnarinnar.  Ég tek fram að það er algjörlega kýrskýrt að Ólafur er ekkert á förum frá Bessastöðum , hann ætlar sér næstu 4 árin þar.

Óli hringir , eða lætur einhvern hringja í Rúv því hann og Dorrit ætla í jólasveinaleik í Keflavík og gefa vesalingunum mat svo allir sjái.  Hann veit að nú er þjóðarhugur allt í einu hjá öldruðum og öryrkjum svona rétt fyrir jólin,fólkinu sem var svikið um afturvirkar kjarabætur.  Nú spilaði Óli trompinu fram, að einhverjum heilvita manni detti í hug að þessum tækifærissinna sé allt í einu umhugað um kjör þeirra verst settu ,það er svo allt önnur ella.

En auðvitað varð fjármálaráðherra brjálaður.  Eins og nýliðinn klaufagangur ríkisstjórnarinnar í málefnum aldraðra og öryrkja sé ekki nóg þá hellir Bjarni hreinlega olíu á eldinn með með því að hjóla í forsetann, þetta er orusta sem hann einfaldlega getur ekki unnið.  Bjarni les kolvitlaust í stöðuna og nú fuku sennilega þau fáu atkvæði sem sjallar og ríkisstjórnin átti enn meðal alraðra og öryrkja!

Bjarni hnýtir í Ólaf Ragnar

Þökk sé ríkisstjórn ríka fólksins

Þrátt fyrir gríðarlegan hagvöxt flytur fólk úr landi umvörpum.  Það er nær vonlaust fyrir ungt fólk að hefja búskap í dag, húsnæðis og leiguverð mjög hátt og aðstoð frá ríkisvaldinu nánast engin.  Vextir á húsnæðislánum eru margfaldir miðað við vexti erlendis svo við tölum nú ekki um verðtrygginguna sem Framsókn hafði lofað að afnema.

Heilbrigðiskerfið er í molum.  Þrátt fyrir gríðarlega aukningu í þjóðartekjum þá fer nánast ekkert af því í styrkingu innviða landsins.  Nei, við þekkjum okkar flokka, þeir moka þjóðartekjum til vina og vandamannna eins og þeir hafa alla tíð gert. 

Það er engin furða að fólk sé búið að fá nóg.

Fjöldi Íslendinga flytur úr landi

Klaufagang ekki bjargað með klúðri

Í minum huga eru það mistök að draga tillöguna til baka. Yfirdrifin viðbrögð Gyðinga sýna einmitt að það var þörf á henni.  Nú eru menn hræddir við einhverjar krónur og aura, missa einhvern bisness.  Ekki er drullað yfir ríkisstjórnina fyrir viðskiptabann Rússa sem líklega kostar okkur 40 milljarða.

Upphaflega tillagan var að því leyti klaufaleg að vera sett fram í tengslum við brotthvarf eins borgarfulltrúa úr pólitík, að öðru leyti var hún bara fín.  Ef það kostar að styðja mannréttindi þá verður bara svo að vera. Að draga tillöguna til baka lýsir gunguskap.  Dagur og félagar væru menn að meiru að standa með tillögunni.

Að meðaltali drepa Ísraelskir hermenn barn á herteknu svæðunum 3ja hvern dag.  Ísraelar drápu yfir 2000 óbreytta borgara á Gasa í fyrrasumar.  Ég persónulega hef lítinn áhuga á því að borgin mín eigi einhver viðskipti við lið sem hagar sér svona.

Menn hafa kallað tillöguna Gyðingahatur!!  Það er nú bara broslegt.  Ef við mótmælum t.d. mannréttindabrotum í Kína, lýsir það þá hatri á Asíukynstofni?  Þeir sem halda þvi fram að mótmæli við framferði Ísraelsstjórnar séu Gyðingahatur eru nú ekki alveg björtustu perurnar.

Samþykktu að draga tillöguna til baka

Best að hressa uppá minni mbl.is

Árið 2009 voru mótmæli á Austurvelli 17.júní svo kæri blaðamaður mbl.is , nei þetta eru EKKI fyrstu mótmælin á 17.júní. 

Það vildi þannig til að 17.júní 2009 mótmæltu þjóðremburugludallar með Jón Val í fararbroddi en þó þetta sé með öllu ómarktækt og sulturuglað lið þá verður víst að flokka þetta sem mótmæli. http://jonvalurjensson.blog.is/blog/jonvalurjensson/entry/898368/

Það væri því viðeigandi að mbl.is breytti þessari frétt enda er hún ekki rétt.

Fyrstu mótmælin á 17. júní?

Hryðjuverk ríkisstjórnarinnar til að þóknast LíÚ og landbúnaðarmafíunni á kostnað almennings í landinu um langa framtíð

Það væri nú gott og blessað ef næsta ríkisstjórn gæti bara sent bréf og tekið upp þráðinn að nýju.  Þannig er það þó ekki , jafnvel þó þjóðin samþykkti í þjóðaratkvæðagreiðslu að hefja aðildarviðræður að nýju.

Ríkisstjórnin hefur framið óafturkræft myrkraverk.  Það vita allir sem hafa eitthvað annað en hey eða slor á milli eyrnanna að það væri þjóðinni mjög í hag að ganga í ESB.  Þeir sem óttast það eru þeir sem í skjóli krónunnar nýðast á þjóðinni, LíÚ sem reyndar skipti um skammstöfun nýlega og þeir sem stjórna ríkisstyrktum landbúnaði í þessu landi.

Að afturkalla þessa umsókn VAR FULLKOMINN ÓÞARFI.  Allir vita að ríkisstjórn ríka fólksins og Líú hefur engan áhuga á ESB en þá átti hún bara að láta málið óhreyft OG LEYFA ÞJÓÐINNI AÐ ÁKVEÐA FRAMHALDIÐ SJÁLF EINS OG BÁÐIR SVIKAFLOKKARNIR LOFUÐU FYRIR KOSNINGAR. 

Nú hafa landráðamenn tekið þennan rétt af þjóðinni.  Þetta er svartur dagur fyrir þjóðina þó þetta sé gleðidagur fyrir bensíntittinn, Kaupfélag Skagfirðinga , Líú og hugsanlega aðra sem tengjast þessari mafíu.

Ísland af lista yfir umsóknarríki

Betra væri ef þessi trúður hefði rétt fyrir sér

Jón Bjarnason er eitthvað það svartasta afturhald sem sést hefur í Íslenskri pólitík.  Það væri þó svo sannarlega óskandi að hann hefði rétt fyrir sér og að umsóknin hefði ekki verið afturkölluð.  Skaðinn sem sjoppuafgreiðslumaðurinn frá Sauðárkróki og samtök eins og Heims(k)sýn hafa valdið er þó allt að því óafturkræfur.

Núverandi stjórnarflokkar lofuðu báðir fyrir kosningar að þjóðin fengi að kjósa um málið á þessu kjörtímabili og þeir ætla báðir að svíkja það eins og nánast öll önnur loforð sem þessir bófaflokkar gáfu.  Þeir einu sem eru ekki sviknir eru útgerðarmenn. Þeir eru líka þeir sem hagnast á að halda þjóðinni utan við ESB, og að halda í krónuna því með henni hafa þeir tangarhald á auðlindinni og halda þjóðinni í þrælakistu sinni. 

Þetta skilur ekki Jón Bjarnason end sprengir hann nú enga IQ skala blessaður maðurinn, allavega ekki uppávið.

Umsóknin ekki verið afturkölluð

vá "frábær" þjónusta

"Í frétt Huff­ingt­on Post seg­ir að t.d. hafi einn bíl­stjóri fengið stjörn­una fyr­ir að hjálpa manni sem ný­lega hafði misst út­lim að versla inn í stað þess að skutla hon­um ein­ung­is í búðina."

Já einmitt.  Þetta þykir nú bara algjörlega sjálfsögð þjónusta hjá leigubílstjórum á Íslandi.  Má vera að einn og einn nenni þessu ekki en ég hef ótal oft séð leigubílstjóra aðstoða eldra fólk eða fatlað frá bíl og að húsi og öfugt, jafnvel gott betur en það.

Málið er að uber er ekkert annað en sjóræningjastarfsemi sem funkerar ekki þar sem þessi þjónusta er í lagi.  Bílstjórarnir hafa yfirleitt ekki réttindi til að aka farþegum gegn gjaldi enda er búið að banna þetta í fjölmörgum löndum. 

 

 

Verðlauna „bílstjóra vikunnar“

Siðblint sjallahyski kolflækt í eigin lygavef

Þetta mál virðist engan endi ætla að taka.   Lygarnar eru endalausar, viðbjóðurinn takmarkalaus.  Allt eru þetta innmúraðir og innvígðir sjallar. Hanna Birna handvaldi bæði Gísla og Sigríði.

Nú liggur ljóst fyrir að Sigríður vissi frá upphafi hver lak skjalinu.  Hún sem yfirmaður rannsóknarinnar eftir að Hanna Birna bolaði Stefáni í burtu því hann var óþægur, hún Sigríður vissi þetta og nú á bara að reka hana.  Hún er ekkert annað en enn einn óhæfur, siðblindur og hraðlygni sjallinn sem hefur troðið sér á frekjunni inn í kerfið.

Hanna Birna er algjörlega ærulaus, rúin öllu trausti og það trúir því enginn maður á Íslandi að hún hafi EKKI vitað hver var sekur frá upphafi.

Þetta er ógeðslegt lið.

Bað Sigríði um upplýsingar um Omos

Siðblinda þessa hyskis er algjör

Maður er eiginlega algjörlega orðlaus og það gerist ekki oft.  Ég hélt satt að segja að Sjálfstæðisflokkurinn hefði einhvern snefil af siðferði en það hefur hann greinilega ekki.  Hvernig þingflokkurinn getur stutt ráðherra sem hefur brotið svo alvarlega af sér er óskiljanlegt, sorglegt og eiginlega sárgrætilegt fyrir alla þjóðina, ekki bara sjálfstæðismenn.  Ég hef heyrt í sumum sjálfstæðismönnum í dag sem meiraðsegja blöskrar þetta.  Þingflokkur Sjálfstæðisflokksins er gjörsamlega siðblindur eins og hann leggur sig.

Vissulega var Hanna Birna ekki sú brotlega í upphafi.  Hún hinsvegar þvældist fyrir málinu á allan hátt, réðist á fjölmiðla sem fjölluðu um málið, laug að þjóð og þingi vísvitandi og kenndi jafnvel Rauða krossinum um lekann, svona á sama plani og Gísli Freyr sem kenndi skúringakonum um lekann, vitandi þess að hann gerði þetta sjálfur.

Hvernskonar hyski ræður eiginlega ríkjum í þessu landi ?  Þetta er ekkert minna en sorglegt.

Hanna Birna nýtur stuðnings

Er Ísrael í Evrópu ?

Nei , Ísrael er ekki í Evrópu, það þarf ekki annað en að líta á landakort til að sjá það.  Hvern fjandann er þetta morðingjabæli að gera í Evrópukeppni ?  Varla hefðum við samþykkt að Suður Afríka tæki þátt Evrópukeppnum á tímum apartheit stefnunnar.  Hér er enginn munur.  Ísrael er stjórnað af samviskulausum barnamorðingjum, níðingum og slátrurum og meðan svo er á ekki að leyfa landinu að taka þátt í alþjóðlegu íþróttastarfi né öðrum alþjóðlegum verkefnum.

Eyjamenn spila ekki í Ísrael