Hvar er kattaþvottur sjálfstæðisflokksins ?

Bjarni Benediktsson hefur EKKI efni á því að saka menn um að reyna að hvítþvo sig frá eigin verkum þegar talað er um Icesave- sem er skilgetið afkvæmi sjálfstæðisflokksins í alla ættliði.  Sjálfstæðisflokkurinn gaf glæpamönnum sem voru flokkshollir innanbúðarmenn í Valhöll bankann,  bankinn var rekinn af sjálfstæðismönnum og seðlabankastjóri sem var að sjálfsögðu líka sjálfstæðismaður liðkaði fyrir Icesave með því að afnema bindiskildu á bankana um það leiti sem Icesave hóf svikastarfsemi sína í Hollandi.

Nú berast svo fréttir af því þessa dagana að spútnikmanneskjan í markaðssetningu Icesave sé sest á þing of fyrir hvaða flokk skildi það nú vera ?  Jú, að sjálfsögðu sjálfstæðisflokkinn!

Sjálfstæðisflokkurinn segist hafa tekið til hjá sér eftir hrunið, bíðum aðeins við.  Bjarni Ben Milestone - Þorgerður Katrín 800 milljónir í kúlulán, - Tryggvi Þór -300 milljónir í kúlulán - Árni Johnsen dæmdur þjófur -  Ásbjörn Óttarsson lögbrjótur -  Erla Ósk Icesave drottning.  KÆRU LANDSMENN, ÞETTA FÓLK SITUR Á ALÞINGIN ÍSLENDINGA FYRIR SJÁLFSTÆÐISFLOKKINN Í DAG!

Icesavesamningur Svavars og Indriða var vondur, mjög vondur.  En þegar ráðist er á þá félaga þá vilja aðstæður á þeim tíma gleymast.  ENGINN tók upp málstað Íslands á þessum tíma og þessir menn töldu sig bundna af minnisblaði fyrrverandi ríkisstjórnar sjálfstæðisflokks og samfylkingar þar sem talað var um allt að 7,4 % vexti í hinu fræga minnisblaði fjármálaráðerra SJÁLFSTÆÐISFLOKKSINS þegar sá hinn sami hafði LOFAÐ Bretum og Hollendingum að Icesave yrði greitt!  

Ég  held að Bjarni Benediktsson ætti að hætta að slá sig til riddara á kostnað þeirra sem hafa verið að reyna að leysa þennan svartapétur sem sjálfstæðisflokkurinn skellti framan í þjóðina.

 

„Reyna að þvo hendur sínar af eigin verkum“