Heykvíslahjörðin dugleg að blogga

Að sjálfsögðu reyna menn að leysa þetta mál.  Þjóðaratkvæðagreiðslan er algjörlega tilgangslaus því betra tilboð liggur þegar á borðinu.  En bloggarar hér gera það ekki endasleppt enda virðast þeir almennt frekar illa upplýstir um hvað þessi þjóðaratkvæðagreiðsla á að vera.  Hún er um tiltekinn samning sem þegar er úreltur og því ekki hægt að segja já, það segir sig alveg sjálft.   Hún er EKKI um hvort ríkið eigi að veita þessa ábyrgð yfirhöfuð en hvernig í ósköpunum sem það er hægt þá virðist stór hluti þjóðarinnar hafa gripið það í sig. 

Heykvíslahjörðin sem hefur stjórnað þessari umræðu undanfarnar vikur undir áróðri frá Indefence skilur ekki að tafir þessa máls kosta þjóðina tugi milljarða á mánuði og sennilega hafa tafirnar nú þegar kostað annan Icesave höfuðstól.  Heykvíslahjörðin vill lengja og dýpka kreppuna, auka atvinnuleysið og landflóttann, viðhalda lágu gengi krónunnar og halda lánshæfismati ríkisins í ruslflokki.  Hvernig fólk getur óskað þjóð sinni alls þessa er ráðgáta.

En það hlægilegasta af öllu er þegar bloggarar halda því fram að Bretar séu svo hræddir við okkur að þeir skjálfi á beinunum.  Ég er búinn að lesa nokkrar svoleiðis færslur og skemmta mér konunglega.  Já Bretar skíthræddir við 300 þúsund manna örþjóð sem er með allt niðrum sig í efnahagsmálum.  Að fá niðustöðu í þetta mál skiptir okkur öllu máli.  Fyrir Breta og Hollendinga er þetta klink sem hefur engin áhrif á þjóðarhag.  

 

 

Leynifundur um Icesave

Athugasemdir

[Elís Már Kjartansson, 28.2.2010 kl. 15:16]

Jæja Óskar minn þú vilt kannski upplýsa okkur hvernig þú færð það út að þessi þjóðaratkvæða greiðsla innihaldi ekki ríkisábyrgð? Það stendur klárt og skýrt á kjörseðli hvort við viljum veita Fjármálaráðherra fyrir hönd ríkissjóðs til að taka lán til að greiða innistæðureikninga í Hollandi og Brétlandi. Hvernig þú færð það út að það sé ekki verið að biðja ríkisjóð að ábyrgjast þessa reikninga er með ólikindum. Og þarf af auki er Iceave mál þetta úr höndum ríkisstjórnarinnar um leið og forsetinn notaði málskots réttinn með öðrum orðum þessi kosning er bara stóri dómur hvort þessi ábyrgð verður leyfð eða ekki. Sá samingur sem tekur gildi ef þessi fellur er marklaus hinsvegar vegna þess að brétar og hollendar hafa hafnað honum opinberlega. Semsagt ef þessu verður hafnað þá hafa stjórnvöld rétt til að hefja samninga á ný með þeim skilyrðum að þeir meiga ekki semja að ríkið ábyrgist eða það verði farinn dómstóla leið. En allt þetta tal þitt um að þessi samningur innifali ekki ríkisábyrgð sýnir mikla vanþekkingu þina á þessu máli. Icesave máli fjallar um það hvort Ísland eigi að bera ábyrgð á þessu þá með ríkisábyrgð þú skilur

[Elís Már Kjartansson, 28.2.2010 kl. 15:43]

afsakið það á að standa Leyfi fyrir aftan Fjármálaráðherra.

[Ómar Bjarki Kristjánsson, 28.2.2010 kl. 15:46]

Þetta er einhver vitlausasta frétt sem sést hefur í háa herrans tíð.

Hvað mundu ísl. segja ef svona frétt birtist í enskum fjölmiðlum, þ.e.a.s. meðþá einhversháttar öfugum formerkjum ?  Ja, eg er hræddur um að simmar og súmmar myndu tala um spuna !

En varðandi meinta hræðslu breta og þá við atkvæðagreiðslu aðallega (að manni skilst)  - eins langsótt og nokkur hlutur getur verið.

Sjáið til ef svo sniðugt væri og mikið brill, að þjóðaratkvæðagreiðslur væru haldnar um hvort Ríki greiddu skuldir sínar eða ekki- afhverju hafa ríki þá ekki gert meira af því ?  Aaa eg skil þau hafa ekki fattað það fyrr en núna !

En þá skiptir engu máli hvort atkvæðagreiðsla fer fram eða ekki- því ísland er jú hvort sem er búið að kynna til sögunar þessa stórkostulegu uppfinningu.  þ.e. hvort sem hún fer fram eða ekki.