Er þetta haft eftir 5 ára barni ?

Nei þetta er haft eftir formanni sjálfstæðisflokksins!  Mikið hlýtur það að vera ömurlegt fyrir þennan stóra flokk að hafa svona vingul og moðhaus fyrir formann.  Hann skiptir mun oftar um skoðanir heldur en nærbrækur að sögn kunnugra og nú lýsir hann eftir ESB sinnum!  Þeir eru margir en svona til að svara Bjarna held ég að langflestir vilji að sjálfsögðu fá að sjá hvað samningurinn býður uppá áður en það er skrifað undir.  Þannig hefur það alltaf verið.  Ég tel mig frekar hlyntan ESB en kvitta að sjálfsögðu ekki uppá hvað sem er.  Þessar bollaleggingar vafningsins og fasteignabraskarans í Macau eru útúr öllu korti eins og flest annað sem frá honum kemur.  --  Hvernig væri svo að láta vini þína skila bótasjóðnum sem þeir stálu Bjarni?

„Getur verið að þeir fyrirfinnist ekki?“

Athugasemdir

[Hreinn Sigurðsson, 24.8.2011 kl. 17:12]

Þú lætur eins og krakki sjálfur. Þessi þvæla um hvað samningurinn býður uppá er orðin þreytt. Auðvitað býður hann uppá aðild að ESB ekkert annað. Það er ekkert flókið að kynna sér hvað felst í þeirri aðild og þarf ekki að sóa miljörðum í það.

[Óskar Helgi Helgason (IP-tala skráð) 24.8.2011 kl. 17:33]

Sæll Nafni minn; æfinlega - sem og aðrir gestir, þínir !

Ég hygg; að Hreinn Sigurðsson, sá ágæti drengur, eigi kollgátuna, varðandi Evrópusambands ánauðina - við eigum; að tengjast bræðra þjóðum okkar, í Ameríkunum þrem, auk Asíu og Afríku, sterkari böndum, nafni minn.

Hins vegar; er ég sammála mati þínu, á Bjarna Benediktssyni yngra; í öllum meginatriðum. Hann; er sama flónið og uppskafningurinn, og þau : Jóhanna - Steingrímur, og Sigmundur Davíð, svo sem.

Með beztu kveðjum; úr Árnesþingi, sem jafnan /

Óskar Helgi Helgason 

[Gunnar Heiðarsson, 24.8.2011 kl. 17:37]

Þú ert nú frekar barnalegur Óskar. Það er ekki um það að ræða að við fáum að skoða pakkann og segja okkar álit áður en skrifað er undir.

Fyrst er skrifað undir, þá er samningurinn, ef hægt er að tala um samning, kynntur þjóðinni og síðan er kosið. Þessi kosning er þó einungis leiðbeinandi fyrir þingið, því lokaákvörðun um staðfestingu samningsins er þar.

Að vísu er einn varnagli sem þjóðin hefur og það er að forsetinn neiti að staðfesta samninginn og vísi honum aftur til þjóðarinnar. Þannig að þjóðin gæti þurft að segja nei í tvennum kosningum til að fella samningin, en seinni kosningin er þó alveg háð ákvörðun eins manns og ekki er víst að Óli verði enn forseti þegar að þessu kemur.

Hvað verður í pokanum vita allir sem vilja vita. Það var Alþingi sm sótti um inngöngu í ESB, ekki ESB sem sóttist eftir þáttöku okkar. Því segir sig sjálft að við verðum að aðlaga okkur að reglugerðum ESB. Varla dettur nokkrum manni í hug að ESB fari að aðlaga sig að reglugerðum Íslands!