Stríð er alltaf lausn við efnahagskreppum

Vesturlönd glíma nú við alvarlegustu efnahagskreppu síðan í kreppunni miklu á 3ja og 4ja áratugnum.  Hún var í raun ekki leyst fyrr en seinni heimstyrjöldin skall á.  Undanfarinn áratug hafa Bandaríkin með reglulegu millibili stofnað til styrjalda í austurlöndum fjær eða í mið-austurlöndum, fyrst í Afganistan og nú síðast í Líbýu.  þar sem þetta gekk fljótt og vel fyrir sig í Líbýu, að koma einum harðsjóra frá og deploya í staðinn ofbeldislýð sem er til í að afhenda vesturlöndum olíu á silfurfati, þá verður augljóslega að ráðast í næstu verkefni sem allra fyrst.  Hermönnum hefur verið fækkað bæði í Afganistan og Írak og því alveg bráðnauðsynlegt að redda þessu liði vinnu.

Ísrael sem á haug af kjarnorkuvopnum sjálft, er mikið í mun að andstæðingar þeirra standi ekki jafnfætis þeim hernaðarlega eins og sést þegar þeir líta á rakettur Palestínumanna sem gereyðingarvopn.  Reyndar er alls ósannað að Íranar hafa nokkurn áhuga á að eignast kjarnorkuvopn en með brjálæðingana í Ísrael sifellt hótandi og ógnandi nágrönnum sínum þá væri það svosem ekkert undarlegt.

Framhaldið er í raun algjörlega fyrirsjáanlegt.  Vesturlönd munu ljúga upp ástæðu til að ráðast á Íran, koma þar á leppstjórn líkt og í Írak og Líbýu sem afhendir þeim auðlyndir landsins á silfurfati.  Íran hefur engan hernaðarlegan styrk til að standast slíka árás.  Nokkrum árum síðar þarf svo að finna nýja óvini, hvort það verði Sýrland eða Saudi Arabia verður tíminn að leiða í ljós.

Vesturlönd eiga við alvarlegan tilvistarvanda að etja nú, kreppan verður ekki leyst, ekki einu sinni með því að stofna til minnihátta styrjalda í mið-austurlöndum.  Áhrif Bandarikjanna fara þverrandi í heiminum.  Bandaríkin ráðast nú á hvert það ríki sem vogar sér að nefna þann möguleika að hætta olíuviðskiptum í dollurum.  Þetta gerðu stjórnir bæði Íraks og Líbýu áður en ráðist var á löndin 

Rússar og Kínverjar bíða færis.  Þessi ríki vita að Vesturlönd með Bandaríkin í fararbroddi eru að grafa sér gröf.  Þolinmæði Kínverja og þrautseigja Rússa mun leiða til þess að Vesturlönd brotna upp innanfrá innan áratugs eða svo.  Ekki er víst að það gangi átakalaust fyrir sig.

Undirbúa stríð gegn Íran

Athugasemdir

[Anna Sigríður Guðmundsdóttir, 2.11.2011 kl. 19:54]

Ég bið alla góða vætti um að forða almenningi heimsins, frá að trúa því að stríð sé leiðin að friði. Því síður eru bankar heimsins að bjarga almenningi, heldur þvert á móti eru þeir að kúga og drepa almenning heimsins.

Það eru einfaldlega ekki til innistæður fyrir fyrir upplognum svika-skálda-skuldum heimsbankanna hættulegu og svikulu.

Það er á ábyrgð allra í þessu jarðlífi, að taka á málunum á upplýstan hátt.

Það er eina færa leiðin að réttlátu uppgjöri.

Það verður einfaldlega að núllstilla þennan svikula ójöfnunar-heim, og byrja upp á nýtt. Það getur enginn leyft sér að lifa á afrakstri og gróða, sem byggist á svikum falsi og lygum.

Ég hef ekkert meir að segja um málin akkúrat núna.

Gagnrýni um þessa athugasemd mína, með réttlátum rökum er lífsnauðsynleg fyrir alla.

M.b.kv.