Ögmundur greinilega búinn að taka ákvörðun- en þorir ekki að opinbera hana

Það fer ekkert á milli mála að Ögmundur ætlar ekki að veita neina undanþágu og sá Kínverski getur gleymt þessu.  Vandamálið fyrir Ömma er aðeins eitt:  Hann gerir yfirleitt ekki neitt sem gæti skapað honum óvinsældir, maðurinn er skíthræddur við almenningsálitið eins og svo oft hefur komið í ljós.  Hann passar sig á að vera í sumarfríi erlendis þegar mikilvægar atkvæðagreiðslur fara fram t.d. í Icesave ofl.

Þessvegna þorir Ömmi litli skræfa ekki að segja berum orðum NEI- hann ætlar sér að draga málið á langinn þar til Kínverjinn hættir við þetta því þá þarf skræfan ekki að taka ákvörðun.

Í annan stað er ég sammála Ömma litla í málinu.  Kína er að herja á bágstaddar þjóðir útum allan heim með fjármagn að vopni. Þeir kaupa upp hafnir í Grikklandi, hótel á Spáni og námur í mörgum bágstöddum Afríkuríkjum.  Nú svo er upplagt að komast bakdyramegin inn á klakann.  Dettur einhverjum heilvita manni í hug að einn Kínverji með fullar hendur fjár ætli sér að kaupa kalda eyðimörk á Íslandi til að reisa þar ferðamannastað fyrir milljarða?  Nei- það er að sjálfsögðu fiskur undir steini og Kínverjar hugsa marga leiki fram í tímann þegar kemur að bisnes.  Svo skildu menn hafa það hugfast að í Kína hreyfir sig enginn nema með vitund og vilja kommúnistaflokksins.  Bisssnes og stjórnmál eru eitt og hið sama í Kína.  Þar ræður ríkjum stjórn sem hikar ekki við að slátra eigin þegnum á torgum úti.  Þetta lið hingað, nei takk kærlega!

Ömmi litli skræfa á að sýna að hann hafi pung og klára málið með stóru og eftirtektarverðu Nei-i en skræfur með músahjarta gera ekki slíkt og þannig er Ömmi litli.

Olnbogar sig ekki áfram á Íslandi

Athugasemdir

[Sveinn (IP-tala skráð) 12.11.2011 kl. 17:41]

Reynum nú að sýna skynsemi.

[Kolbrún Hilmars, 12.11.2011 kl. 17:50]

Óskar, Ögmundi má vorkenna - það hlýtur að vera erfitt fyrir ráðherra að ganga á móti ágengum vilja samstarfsflokksins.

Að öðru leyti er ég sammála þér.

[nolli (IP-tala skráð) 12.11.2011 kl. 18:11]

Ögmundur er eins og flestir i hans flokki "ekki vaxnir upp úr sauðskinnstöflunum" og heldur því að allt utanfrá sé SLÆMT = hann leyfir nok ekki kinveranum að kaupa

[anna (IP-tala skráð) 12.11.2011 kl. 22:08]

Ef hann er hræddur um mannorð sitt skal hann hafna þessu því annars verður hann púaður niður! Í þeim stóra hóp af fólki sem ég umgengst er enginn sem vill að þetta land fari úr landi.

[Sólbjörg, 13.11.2011 kl. 10:10]

Tek undir með þér Anna, eins gott að Ögmundur sé maður til að standa með sanfæringu sinni og þeim yfrgnæfandi meirhluta þjóðarinnar sem vill ekki sjá að landið lenda í höndum kínverja. Ögmundur veit að honum verður ekki fyrirgefið ef hann heimilar söluna - hann veit líka að það er stutt í kosningar, grunar þó að það sé aukaatriði hjá Ögmundi, sem betur fer.

[Jón Páll Garðarsson (IP-tala skráð) 13.11.2011 kl. 19:39]

Eydimörkin verdu ekki notud fyrir hótel, þad eitt er víst. Kínverjar eru lævísir og hef ég áreydanlegar heimildir fyrir ad þar skal rækt baunagras stórt og mikid og festa vid tunglid. Svo geta þeir stjórnad ferd tunglsins med ad toga í spotta.