Við verðum að fá þingmenn sem skilja ástandið

Kvótaerfinginn að vestan heldur lýðskruminu áfram, heimtar stjórn sem skilur vandann.  Vandinn er að hún skilur sjálf ekki vandann og hefur nákvæmlega engar lausnir.

Lilja vildi ekki þiggja aðstoð AGS.  Til allrar hamingju var ekki farið að ráðum hennar þar því þá væri ástandið hér skelfilegt.  Í gegnum AGS björgunarpakkann fékkst nauðsynlegt fjármagn til að halda þjóðfélaginu gangandi.

Lilja vildi hækka skatta enn meir.  Hafa fjölskyldurnar í landinu sem henni er svo umhugað um efni á því?  Svo ég svari fyrir mig, NEI.

Lilja hefur alltaf talað niður nauðsynlegar og sársaukafullar aðgerðir stjórnvalda án þess að benda á eina einustu raunhæfu lausn sjálf.  Það hefur nákvæmlega EKKERT vitrænt komið frá Lilju Mósesdóttur sem miðar að því að bæta ástandið, aðeins skýjaborgir um leiðréttingu skuldavanda sem er ekki framkvæmanlegur.  Þegar hafa skuldir heimilanna verið leiðréttar um tugi milljarða með 110% leiðinni og margir fengið úrræði langt umfram það.  Hvar á að taka peningana til frekari skuldalækkana?  Þeir vaxa því miður ekki á trjánum þó Lilja haldið það.

Vantar stjórn sem skilur vandann