Blessuð blaðabörnin þekkja ekki muninn á fellibyl og hvirfilbyl

Í fyrirsögninni er talað réttilega um fellibyl.  Ef rétt er eftir Inu haft, þá nefnir hún alltaf fellibyl.  En blessað blaðabarnið fer svo að tala um hvirfilbylina Kenneth og Idai!

Það er eiginlega lágmarkskrafa til blaðamanna sem fjalla um erlend málefni að þau skilji svo algeng veðurfarshugtök.  Vissulega var hér um fellibyl að ræða en ekki hvirfilbyl enda er hvirfilbyljum aldrei gefin nöfn, það eru staðbundin og mjög stuttlíf veðurfarsfyrirbrigði sem gjarnan eiga sér stað í óstöðugu lofti, t.d. í kjölfar fellibylja.

Þetta er ítrekað að gerast á flestum miðlum, helst að Rúv virðist hafa þessa hluti á hreinu.  Ég skora á viðkomandi blaðamann að googla í sig smá þekkingu og leiðrétta svo greinina.


mbl.is Fellibylurinn ekki það hættulegasta
Tilkynna um óviðeigandi tengingu við frétt

Árásir Morgunblaðsins á WOWair aumkunarverðar

Undanfarin ár, mánuði, vikur og daga hefur Morgunblaðið reglulega reynt að tala Wow niður.  Síðustu daga, í mestu erfiðleikum sem fyrirtækið hefur staðið frammi fyrir hefur birst hver greinin af fætur annarri þar sem lúalega er ráðist á Wow air og þó einkum Skúla Mogensen.  Hann hefur þrátt fyrir allt staðið keikur og nú bendir allt til þess að hann standi þennan storm af sér og nokkuð ljóst að það er ekki með hjálp Mbl.

Allir þekkja auðvitað tengingar Mbl og sjálfstæðisflokksins við Icelandair og það batterý alltsaman. Sá sem skrifar þessa frétt, fyrrum formaður VR (útaf fyrir sig sprenghlægilegt) er nú ekki sá í fjölmiðlastéttinni sem er þekktastur fyrir að vera vandur að virðingu sinni.  Skítlegt eðli er kanski rétta orðið.


mbl.is Áætlun sem ekki stóðst
Tilkynna um óviðeigandi tengingu við frétt

Gríðarleg vanþekking þingmanna á leigubílamarkaðinum

Þingsályktunartillaga Viðreisnar um þessi mál er byggð á mikilli vanþekkingu.  Menn virðast sjá Uber og sambærileg fyrirtæki í hyllingum.  

Afhverju heldur fólk, þmt. þingmenn að verið sé að banna starfsemi Uber í fjölmörgum löndum? Til að hindra samkeppni og vernda einokun?  Ónei, þar sem Uber hefur hafið innreið hefur staða farþega undantekningarlaust versnað þó hugsanlega borgi þeir eitthvað lægra gjald. Ófá rán, nauðganir og annað í þeim dúr hafa átt sér stað fyrir tilstilli Uber bílstjóra enda ekkert eftirlit með þeim, ekki krafist sakavottorðs.  Það getur dæmdur morðingi nýkominn úr grjótinu verið undir stýri.

Þá er eitt atriði varðandi Uber sárasjaldan nefnt.  Uber höfuðstöðvarnar taka allt að 25% af fargjaldinu til sín!  Hvernig dettur fólki í hug að leigubílaþjónusta verði ódýrari þegar bílstjórninn þarf að greiða þennan kostnað ofan á allt annað sem fylgir þvi að reka leigubíl, td. 400 þúsund á ári í tryggingar?  

Það er sagt að leigubílar á Íslandi séu dýrir.  Miðað við hvað?  Tæland ? Spán?  Já, enda allt önnur efnahagssvæði og allt annar launastrúktúr meðal venjulegs fólks.  En hvað um Noreg, Danmörku, þe.lönd sem eru lík okkur efnahagslega?  Þar eru leigubílar ef eitthvað er dýrari en á Íslandi!

Ein rök heyrast gjarnan að það sé skortur á leigubílum því leyfum hafi ekki fjölgað í samræmi við aukinn ferðamannafjölda.  Stutt svar, algjört kjaftæði!

Það er skortur ca 2-3 klukkutíma á viku, þe. í 1-1,5 klukkustund yfir helgarnæturnar.  Á öllum öðrum tímum er of mikið af bílum!  Fjölgar Bónus kössum af því að það er mikið að gera milli kl 5 og 6 á föstudögum?  Held ekki.

En ok, jú ferðamönnum hefur fjölgað gífurlega síðustu 10 ár.  En þeir eru bara ekki mikið í leigubílum og hér eru nokkrar ástæður:  Þeir taka flestir rútu frá Leifsstöð enda byrjað að prangra miðum inná þá í flugvélunum.  Flestir aðrir taka bílaleigubíl og nota þá meðan þeir eru á landinu.  Þeir sem dvelja á hótelum í miðborginni hafa ekkert að gera við leigubíla þvi þeir eru í göngufæri við nánast allt sem vert er að sjá í borginni.  

En hvernig er leigubílstjórastarfið?  Þar sem ég þekki það nokkuð vel þá er hér smáhint:  Ef ég ætlað mér að vinna 40 tíma á viku frá 8-5 eins og flest fólk gerir og sleppa helgunum þá væri ég sennilega mun betur settur á atvinnuleysisbótum.  Hinsvegar með því að  vinna helgarnar sem flest fólk nennir ekki og þarf ekki að gera þá geta tekjurnar verið nokkuð góðar en það þarf að hafa fyrir  þeim og það er ekki fyrir alla að keyra drukkið eða dópað fólk í alls kyns ástandi eins og við lendum gjarnan í.

Dagvinnan er gjarnan þannig að leigubílstórinn bíður í 30-60 mínútur eftir túr og þó verðið lækkaði eitthvað eins og krafan virðist vera þá er ólíklegt að túrunum fjölgi af þeirri einföldu ástæðu að eftirspurnin er bara ekki meiri.  

Þá er enn einn ónefndur þáttur sem enginn hefur minnst á eða hefur skilning á virðist vera: Nokkuð stór hluti af dagvinnu bílstjórans er að keyra fatlað fólk, blinda , börn á vegum skóla/frístundaheimila ofl, aldraða á vegum dvalarheimila.  Allt eru þetta farþegar sem þarf sérstaka aðgát með, þeir hafa sínar sérþarfir.  Ef fótunum verður kippt skyndilega undan starfi bílstjóranna þá fara þeir að sjálfsögðu og fá sér aðra vinnu.  Ætla óþjálfaðir Úber bílstjórar sem hafa engu þekkingu eða kunnáttu á þjónustu við þessa hópa að taka þessa þjónustu að sér?  Gangi þeim vel!  

 


mbl.is Gefur lítið fyrir umsögn eftirlitsins
Tilkynna um óviðeigandi tengingu við frétt

Ef þú getur verið þingmaður þá ertu ekki öryrki

Ég hefði haldið að það að vera þingmaður sé fullt starf og erfitt starf að auki.  Þessvegna furða ég mig á því að fólk sem hefur verið 100% á örorkubótum treysti sér til þess að starfa sem þingenn.  Afhverju var þetta fólk þá bara ekki í venjulegri vinnu áður?

Einng  Guðmundi finnst alveg skelfilegt að missa bæturnar sínar þegar hann fer að fá á aðra milljón í mánaðarlaun! Ekki nóg með að ég og hinir skattborgararnir eigum að borga honum þingmannalaunin heldur ætlast hann helst til þess að við borgum honum áfram bætur. Vá!


mbl.is Fá ekki örorkubætur á Alþingi
Tilkynna um óviðeigandi tengingu við frétt

Kannanir gerðu ekki ráð fyrir leikriti i beinni rétt fyrir kosningar

Uppgerðarlegur grátur Ingu Sæland skilaði litla flokknum hennar yfir 5% múrinn og vel það.  Nokkrir öryrkjar stukku á þetta og kanski einhver gamalmenni sem trúðu engu illu uppá konuna.

Í mínum huga var Inga ekki að gera neitt annað en að redda sér góðum launum í ca 4 ár.

Sú stjórn sem hún virðist stefna að þ.e. FF, B, M og D er ömurlegasta afturhald sem sést hefur á Íslandi líklega frá upphafi.

Hún er á þingi fyrir öryrkja og aldraða að eigin sögn.  Framsóknarflokkurinn með Panamasvikarann innanborðs þá, og Sjálfstæðisflokkurinn neituðu að veita þessum hópum afturvirkar hækkanir í frægri atkvæðagreiðslu.  Hvernig dettur nokkrum manni í hug að þessir flokkar séu að fara að gera eitthvað fyrir þessa hópa núna?

Inga veit það líka, hún er langt frá því að vera heimsk.  En heiðarleg er hún heldur ekki.  Þetta verða mestu svik Íslandssögunnar við aldraða, öryrkja og láglaunafólk ef af þessari hörmungarstjórn verður.


mbl.is Kannanir misstu af Flokki fólksins
Tilkynna um óviðeigandi tengingu við frétt

Svona á að afgreiða fasista

Úrslitin eru auðvitað ekkert annað en niðurlæging fyrir fasistatíkina Le Pen.  Auðvitað beitti hún bolabrögðum daginn fyrir kosningar þegar stuðningsmenn hennar birtu tölvupósta Macrons en það hafði engin áhrif.

Frakkar sýndu í þessum kosningum að þjóðernisöfga á að senda út í hafsauga þar sem þeir eiga heima.


mbl.is Macron fékk 66,2% atkvæða
Tilkynna um óviðeigandi tengingu við frétt

Ekki eitt orð hjá mogga um hver myrti hana

Ekki múslimi,ekki kommúnisti, ekki IRA, ekki Isis -  Nei það var þjóðernissinni og  Esb andstæðingur.  Þetta skítapakk hefur verið að eflast mjög í Evrópu að undanförnu og ófá hryðju- og nýðingsverkin má rekja til þeirra.  Útibú þessara villimanna á Íslandi er þjóðfylkingin og útvarp saga er röddin.  Athyglisverð þögn moggans um af hvaða sauðahúsi þessi vitleysingur var.

Starfsemi þjóðernisöfgaflokka á hiklaust að banna og það á að fylgja því eftir.  Heimurinn þarf ekkert að horfa á fleiri Hitlera komast til valda uppúr svona ruslatunnum.  Heimurinn þarf ekki fleiri breivika.  Öfgamúslimar eru hættulegir en þetta pakk er ekki hótinu skárra.

 


mbl.is Breska þingkonan er látin
Tilkynna um óviðeigandi tengingu við frétt

Og á ekkert að segja af sér?

Nei, auðvitað ekki, hann er sjalli!  Það hafa nú nokkrir sjallarnir og framararnir verið afhjúpaðir síðustu daga og Júlíus má reyndar eiga það að hann er sá eini sem "biðst velvirðingar" , þó að sjálfsögðu ekki að eiga reikninginn á í Panana heldur á að hafa "ekki látið vita" fyrr! 

Mogginn hamaðist eins og óður á starfsmanni Samfylkingarinnar sem sagði af sér ólíkt hunum skúrkunum og þó var hann ekki kjörinn fulltrúi eins og Júlíus, Bjarni, Ólöf og Sigmundur.  Hætt er nú við að þessi listi eigi eftir að lengjast talsvert næstu dagana og þá sérstaklega hjá hinum gjörspilltu ríkisstjórnarflokkum.

Það er algjörlega óboðlegt á Íslandi árið 2016 að fjöldi ráðherra og kjörinna fulltrúa eigi reikninga í alræmdum skattaskjólum. Það kemur reyndar ekkert lengur á óvart hvað varðar spillinguna og mafíustarfsemina hjá rikisstjórnarflokkunum.  Hundskist þið i burtu ræflarnir ykkar.


mbl.is Júlíus stofnaði sjóð í banka í Sviss
Tilkynna um óviðeigandi tengingu við frétt

Sjónhverfingar- þetta hefur verið reynt áður og hét þá 100% lán!

Það er að sjálfsögðu ekki verið að gefa neinum neitt.  Sá sem leggur fram féð (ríkið eða einkaaðilar) fá eignarhlut sem því nemur í fasteigninni og fá peningana til baka þegar hún er seld.  þetta heitir lán, ekki gjöf!  Enginn þarf að segja mér að einkaaðilar séu tilbúnir til að veita slíkt lán vaxtalaust og eflaust ekki ríkið heldur.  Þetta er í raun óþarfa flækjustigshugmynd á 100% láni. 


mbl.is Ný hugmynd fyrir fyrstu íbúðarkaup
Tilkynna um óviðeigandi tengingu við frétt

Árið byrjar vel

Þá hefur forseti sundrungar og konungur lýðskrumsins ákveðið að stíga til hliðar. Forseti á að vera sameiningartákn þjóðarinnar en ekki efna til illdeilna.  Ávarp Ólafs var á sömu nótum og ávarp forsætisráðherra í gær, þeir tveir björguðu að eigin sögn þjóðinni!  - Þeir hafa reynst auðmönnum og elítunni afar vel, um það verður ekki deilt.

Ólafur hefur setið marga kavíarveisluna með óþverrum , einræðisherrum og morðingjum. Ekki hefur hann verið þekktur fyrir að trufla þessi veisluhöld með einhverju hjali um mannréttindi, enda segi það sig sjálft að bestu vinir Ólafs koma frá Saudi Arabíu og Rússlandi meðan hann notar hvert tækifæri til að úthúða vinum okkar í vestur Evrópu,  þjóðum þar sem lýðræði og mannréttindi eru í heiðri höfð.  Svona hefur þessi forseti unnið  og ég segi bara , farið hefur fé betra.

Það væri nú vel við hæfi að Ólafur gerðist aðstoðarritstjóri LÍÚ tíðinda við hliðina á fyrrum fjandvini og nú pólitískum samherja uppi í Hádegismóum.  Það væri fullkominn endir á farsanum.


mbl.is Býður sig ekki fram til endurkjörs
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband