Græðgi kostaði næstum því tvö mannslíf

Ég var ekkert sérstaklega að horfa á eða hlusta á eftir veðurfréttum í gær.  Engu að síður fór það ekkert framhjá mér að spáð var norðan stórhríð sem mundi ná allt niður undir Faxaflóa.  Það dettur engum nema algjörum hálfvitum að fara í fjallaferðir vitandi af þessari veðurspá um hávetur.  Þessir jólasveina mega afsaka sig í bak og fyrir mín vegna en þeir stofnuðu mannslífum í hættu í stað þess að aflýsa ferðinni.  Menn mega greinilega ekki við því að missa smá profit í kreppunni.  það er ljóst að það er ekki ferðaskipuleggjandanum að þakka að ekki fór verr.

Sýslumaður rannsakar

Athugasemdir

[Hólmfríður Bjarnadóttir, 15.2.2010 kl. 15:04]

Þó ég hafi orðið hissa á því að farið var með ferðamenn á Langjökul í gær, þá get ég alls ekki tekið undir málflutning af þessu tagi sem hér er á ferðinni. Að kalla einhvern "hálfvita" og "jólasveina" er ekki sæmandi við þessar aðstæður. Ég er þess fullvissað ferðaskipuleggendurnir hafa metið aðstæður áður en farið var af stað og talið að þær væru viðunandi. Veðurfar á Íslandi er bara svo viðsjálvert að það kemur okkur sjálfum oft mjög á óvart.

Aðstandendur ferðaþjónustunnar sem fóru með hópinn, munu örugglega gera ráðstafanir til þess að svona endurtaki sig ekki. Einnig getur verið að regluverki utan um slíkar ferðir verði breytt í framhaldinu.

Gætum hófs í orðavali, skilaboð með vönduðu orðafari hitta yfirleitt betur í mark, en gífuryrðin.