Lítil virðing fyrir náttúruöflunum

Þetta uppátæki þessara jackass jeppakarla er nú óneitanlega dálítið skondið þó maður hafi svona vafasaman fíling gagnvart því.  Auglýsingin sem landið fær á sjálfsagt eftir að skila nokkrum túristum í hús síðar meir en heldur finnst manni lítil virðing borin fyrir náttúruöflunum.  þeir virtu öryggisreglur - að vettugi! ,.,  en mér finnst þessar öryggisreglur reyndar hálfkjánalegar.  Að banna fólki að fara nær hrauninu en í 1 km. fjarlægð held ég að sé óþarfi.  Þetta er mjög seigfljótandi apalhraun á jafnsléttu, skríður kannski 1 meter á klukkustund eða svo og er víða reyndar hætt að renna.  Svo mun það farið að kólna það mikið að sumstaðar festir orðið snjó á því. 

Svona í lokin á þessu röfli mínu vil ég benda á nýja vefsíðu um eldgos - hún heitir að sjálfsögðu eldgos.is

Top Gear ók upp á heitt hraun

Athugasemdir

[Grefillinn Sjálfur - Koma svo! (IP-tala skráð) 9.4.2010 kl. 00:12]

Mjög flott, vel unnin og greinlega metnaðarfull síða, eldgos.is. Til hamingju með hana, þ.e. ef þú ert eigandinn. Ég skildi eftir komment á henni.

[Óskar, 9.4.2010 kl. 00:27]

Takk fyrir það Grefill.  jú ég er eigandi, höfundur, hönnuður og alltsaman!  Bæti efni á hana eftir því sem tími er til.  Ætlaði reyndar að setja efni um fleiri eldstöðvakerfi inn áður en ég opnaði hana,, hafði bara ekki þolinmæði að bíða lengur - en ætla að eyða nóttinni í að skrifa eitthvað um Kötlu gömlu og vonandi næst það áður en nóttin er öll :) jamm sá kommentið!

[Grefillinn Sjálfur - Koma svo! (IP-tala skráð) 9.4.2010 kl. 00:47]

Ekki yfirkeyra þig, góðir hlutir gerast hægar en maður vonar, en samt alveg nógu hratt ef maður heldur áfram að gera þá. Það er staðreynd.

[Óskar, 9.4.2010 kl. 01:01]

hehe neinei, nóttin er bara minn tími - þá vinn ég best!

[Ólafur Ingi Hrólfsson, 9.4.2010 kl. 04:10]

Tek undir með þér -

skoðaði síðuna þína - þakkir fyrir hana - hlakka til að fylgjast með þróun hennar -

Katla mun gjósa 2012 eða 2013. mín skoðun -