Er hann nú orðinn jarðfræðingur líka?

Forsetinn virðist geta brugðið sér í hin ýmsu gervi.  Á útrásartímanum var hann helsti pr aðili útrásarvíkinganna, mærði þá í bak og fyrir, sótti veislur og sat við hlið þeirra í einkaþotum.  Hann kannast auðvitað ekki við neitt af þessu núna.

En varðandi eldgosið þá er þetta nú ekki svona.  Vissulega er þetta frekar lítið gos en þetta er samt "the perfect storm" varðandi flugmál.  Bæði er askan einstaklega leiðinleg, fíngerð og berst langt í háloftunum og svo hefur vindátt verið sérlega óhagstæð.  það hafa orðið miklu stærri öskugos hér, t.d. Gjálpargosið 1996 sem var um 4* stærra miðað við gosefnin sem nú eru komin upp.  það þurfti ekki að stöðva flug vegna þess.  Þá má benda forsetanum á að í langflestum Kötlugosum kemur upp basaltkvika sem er þyngri í sér og litlar líkur á að askan valdi viðlíka skaða í svo mikilli fjarlægð jafnvel þó gosið yrði miklu meira.  Einhvernveginnn finnst mér að forsetinn ætti nú að læra af reynslunni og láta rétta aðila um viðtöl um hluti sem hann veit ekkert um.

Hér er góð síða um eldgos  http://www.eldgos.is/  

Gosið nú lítið annað en æfing

Athugasemdir

[Landfari, 20.4.2010 kl. 11:02]

Er það rétt að Katla gjósi venjulega einu sinni á öld?

Ég stóð í þeirri meiningu að menn hefðu verið að gera ráð fyrir þessu á 50 ára fresti.

Er mig að misminna þetta svona um 50 ár eða svo?

[Óskar, 20.4.2010 kl. 11:09]

nei það er reyndar líka rangt hjá honum, ég gleymdi að nefna það.  katla hefur gosið að meðaltali tvisvar á öld frá landnámi.