Járntjaldið fallið

Það felast í þessu meiri tíðindi en ein lítil frétt nær að covera.  Málið er að skv. erlendum fjölmiðlum er þetta í fyrsta skipti sem þeldökkur maður nær kosningu í eitthvað alvöru embætti í Austur Evrópu að Rússlandi meðtöldu.  Þessi lönd hafa verið langt á eftir Vesturlöndum hvað mannréttindi og jafnrétti kynþátta varðar og er rasismi landlægur og áberandi víðast hvar í Austur Evrópu.  Fordómar gagnvart samkynhneigðum eru á svipuðu róli og þeir voru hér fyrir 50 árum eða svo.  En þessi frétt markar því tímamót og vonandi fellur nú þetta járntjald líka.

Afrískur læknir bæjarstjóri í Slóveníu

Athugasemdir

[Óskar Þorkelsson, 25.10.2010 kl. 08:38]

Slóvenía er varla austantjaldsland enda með landamæri að italíu :) þeir voru hinsvegar í kommunistablokkinni víðfrægu.

[Óskar, 25.10.2010 kl. 11:31]

Slóvenía tilheyrði Júgóslavíu og vestræn áhrif voru alltaf meiri þar heldur en í öðrum austantjaldsríkjum, sennilega eins og þú segir einmitt vegna nálægðar við Ítalíu.  Engu að síður var Slóvenía austan megin jarntjaldsins og þar ríkti kommúnísk einræðisstjórn áratugum saman.  Reyndar hefur maður lesið að fólk virðist almennt hafa verið sáttara í gömlu Júgóslavíu heldur en í öðrum kommúnistaríkjum á sínum tíma en svo vita svo sem allir hvað gerðist þetar Tito féll frá, þá varð algjör upplausn, styrjaldir og efnahagsóðreiða - og Júgóslavía varð að 7 ríkjum, eða eru þau 8 ?    .....  man að ca árið 1985 hitti ég Júgóslava hér á landi sem sagði mér "brandara",  að árið 2000 yrðu 10 ríki í Evrópu, 1  í  Vestur Evrópu, 1 í Austur Evrópu og 8 í Júgóslavíu!  Ég skildi auðtvitað ekki "brandarann" þá, áttaði mig ekkert á hvað hann var að tala um enda vissi almenningur hér ekki að Júgóslavía stóð saman af mörgum mjög ólíkum þjóðarbrotum og einn maður, Tito, hélt dæminu saman svo að segja.

[Vendetta, 25.10.2010 kl. 17:14]

Það er rétt, að Júgóslavar voru sáttari en aðrir í Austur-Evrópu, enda höfðu þeir allir ferðafrelsi ólíkt borgurum hinna austantjaldslandanna. Ferðafrelsi í þessu samhengi á að skiljast sem frelsi til að ferðast til þeirra landa sem maður vill þegar maður vill og ekki frelsi til að bóka sig í hópferð á ákveðna áfangastaði á vegum Flokksins.