Verðlaunahafarnir hjá Landsbankanum mættir aftur til að valda áframhaldandi skaða

Það hefur verið heldur hljótt um Indefence eftir að samtökin þáðu verðlaun kennd við Kjartan nokkurn Gunnarsson fyrrverandi framkvæmdastjóra sjálfstæðisflokksins og stjórnarmann Landsbankans fyrrverandi sem á "heiðurinn" af Icesave. 

En nú eru gamlir draugar vaknaðir.  Þessir draugar hafa valdið þjóðinni stórkostlegu tjóni.  Tjónið felst í því vegna þess að ekki er búið að ganga frá Icesave þá búum við ennþá við djúpa kreppu, 8% atvinnuleysi, pikkföst gjaldeyrishöft, skelfilegt gengi krónunnar, fyrirtæki hafa átt í miklum vandræðum með að fjármagna sig og svona væri lengi hægt að halda áfram.   Heykvíslahjörðin með Indefence, sjálfstæðisflokkinn (kannski eitt og hið sama) og forsetaidjótið í fararbroddi getur ekki skilið þetta og þessir aðilar virðast bundnir samtökum um að valda þjóðinni sem mestu tjóni.  Forsetinn opnar varla munninn án þess að valda skaða.

Ríkisstjórnin hefur átt erfitt með að einbeita sér að sínum helstu verkefnum með þessa baknagara og landeyður sífellt á bakinu.  Í raun er kraftaverk að ástandið er ekki verra en eitt er víst það er ekki landeyðunum í Indefence að þakka.   Meðfylgjandi mynd var tekin þegar Indefence þáði verðlaun frá Landsbankanum/sjálfstæðisflokknum og það er vel við hæfi að hún sé tekin við málverk af fyrrverandi formanni sjálfstæðisflokksins.  

Það er rétt að endurtaka einu sinni enn nokkrar sögulegar staðreyndir um Icesave.  Sjálfstæðisflokkurinn gaf flokkshollum glæpamönnum Landsbankann, Davíð Oddsson sá er síðar setti seðlabankann á hausinn stóð fyrir því.  Landsbankinn var rekinn af sjöllum sem komu svo á fót Icesave.   Sjallarnir settu bankann á hausinn að .  Svo komu enn aðrir sjallar- þáverandi fjármálaráðherra og forsætisráðherra sem lofuðu að borga Bretum og Hollendingum Icesave með 7,25% vöxtum!  En þetta sama lið vælir svo út í eitt yfir margfalt betri samningum.  Hyski er þetta og hyski skal það heita!

Óvissu- og áhættuþættir enn til staðar