ÆÆ, Icesave hefði horfið hefðu menn haft rænu á því að segja já!

Það var reyndar búið að benda á að allt benti til þess að eigur þrotabús Landsbankans væru stórlega vanmetnar.  Nei hjörðin hélt hinu gagnstæða fram, en reyndist hafa rangt fyrir sér í þessu sem og flestu öðru.

Iceland var mjólkurkýrin í þrotabúinu ogÞAÐ ER ALVEG LJÓST AÐ SELJIST KEÐJAN Á 1,7 - 2 MILLJARÐA PUNDA ÞÁ HEFÐI EKKI EIN ANDSKOTANS KRÓNA FALLIÐ Á ÍSLENSKU ÞJÓÐINA VEGNA ICESAVE.  NÚ ER STAÐAN BARA ALLT ÖNNUR. 

Enn og aftur, takk nei sinnar. ---  hm,, afhverju bloggar enginn nei sinni um þessa frétt nema einn kjáni sem bloggar um allar fréttir og ekki fréttir ?

Mikill áhugi á Iceland

Athugasemdir

[Jón Steinar Ragnarsson, 25.4.2011 kl. 23:07]

Vá! Er virkilega hægt að vera svona stjarnfræðilega illa gefinn?

[Óskar, 25.4.2011 kl. 23:15]

Jón Steinar með "öflug rök" eins og vanalega.  Er hægt að vera svo illa gefinn að maður skilur ekki að ef miklu meira fæst fyrir eigur þrotabúsins en talið var þá er hægt að greiða skuldina upp að fullu?  Jón þú mátt svara þessu.

[Jón Steinar Ragnarsson, 26.4.2011 kl. 01:30]

Með glöðu geði skal ég svara þessu Óskar.

Það var fullyrt af ríkistjórn í upphafi að líklega nægðu eignirnar fyrir skuldunum. Það eru engar nýjar fréttir. Spurningin er þá eftir: Ef til er fyrir þessari skuld, hvers vegna þarf jóðin þá að taka á sig sjálfskuldarábyrgð á því sem ekkert er?

Þetta voru meðal annars rökin fyrir nei-inu. 

Það sem þó vóg þyngra var það að með Já-i skapaðist þá óþarfa fordæmi að því að í framtíðinni væri hægt að skella gjaldþrotum einkafyrirtækja á almenning og um leið að gera ríkið (almenning) ábyrgt fyrir innistæðutryggingum allra banka þar með. Fram að þessu eru og voru tryggingasjóðir á vegum bankanna sjálfra og þannig á það að vera.

Engin þjóð getur gengið í sjálfskuldarábyrgð fyrir bankakerfið. Það er bara svo einfalt Óskar minn.  Það eru hvergi til peningar í þessum tryggingasjóðum, sem duga fyrir meiru en falli eins meðalstórs banka. (108milljón pund í Bretlandi t.d.)

Af þessum sökum er ekki líklegt að nokkur ríkistjórn vilji lögfesta slíka ábyrgð og þess vegna er afar ólíklegt að menn vilji fara í mál.

Ef þú skilur þetta ekki, þá er þér einfaldlega ekki við bjargandi.

Þetta greinarkorn þitt hljómar eins og þú haldir að þetta sé eitthvað áfall fyrir nei-sinna.  Þvert á móti ættu það að vera gleðifregnir fyrir þá sem aðra að fá staðfest að til sé fyrir ábyrgðinni. Það sýnir að nei-ið var eina rétta leiðin.

Getur þú sýnt fram á að við hefðum staðið betur í ljósi þessarar staðfestingar ef við hefðum játast undir ábyrgðina?  Komdu nú með eitthvað gáfulegt.

[Óskar Helgi Helgason (IP-tala skráð) 26.4.2011 kl. 02:31]

Sæll Nafni minn; sem og - aðrir góðir gestir, þínir !

Nafni minn; Haraldsson !

Ég hygg; að þú - sem margur annarra, getir lært talsvert mikið, af bræðrum mínum Kínverjum, þegar kemur að ályktunarhæfni, sem yfirvegun margvíslegri, ekki hvað sízt; í því máli, sem þú tekur hér fyrir.

Mig sárnar; ofstopi þinn - sem yfirlæti, í garð Sigurðar Þingeyings Har aldssonar, og mér þykir ekkert fyrir því að segja þér, að orða kast þitt, að honum missir algjörlega marks, ágæti drengur.

Ætli við; ég og þú, nafni minn, hefðum ekki mátt sýna Sigurði, sem öðrum vænum byltingarsinnum ívið meiri samstöðu, þá þau stóðu fyrir tunnu barsmíðunum, í Haust leið - og fram á Veturinn ?

Spyrja máttu þig; sem aðra, hver mestur er kjáninn, þegar upp er staðið, nafni minn góður - og horf þú í augu, við þig sjálfan, þegar þú rifjar upp, hverjir tóku við; af hverjum, þann 1. Febrúar 2009 (G. Haarde / I.S. Gísladóttir - J. Sigurðardóttir / S. J. Sigfússon).

Hvað hefir breyst; við þau mannaskipti, hér á Fróni, svo sem ?

Ígrunda þú vel; áður en þú heldur áfram köggla kasti þínu, að vinum mínum, eins og Sigurði Haraldssyni og öðrum kempum, nafni minn góður.

Atorkumaðurinn; Jón Steinar Ragnarsson kann að svara fyrir sig, enda vígfimur hið bezta - og hefir löngum verið, sem rökvís, einnig.

Með beztu kveðjum; öngvu að síður, úr Árnesþingi /

Óskar Helgi Helgason 

[Jón Flón (IP-tala skráð) 26.4.2011 kl. 10:29]

Snilld. Getum borgað Bretum og Hollendingum þessa lágmarksgreiðslu, en sleppum að sjálfsögðu vöxtunum sem okkur ber ekki að greiða. Ég fæ ekki séð hvernig þetta styrkir málstað Já-sinna.