Breytingar í aðsigi í Thailandi

Þetta er sigur hinna "rauðu" en eins og flestir vita hafa "rauðir og gulir" verið að berjast um völdin í Thailandi undanfarin ár og á tímabili óttuðust margir borgarastyrjöld.  En hvað skýrir sigur hinna "rauðu" og hversvegna er brottrækur og að flestra mati gjörspilltur forsætisráðherra kosinn aftur til valda í gegnum systur sína sem leppar hann ?

Forsaga málsins er sú að Thaksin Shinawatra sem er frá  norðurhluta landsins, nánar tiltekið frá borginni Chiang Mai náði völdum í Thailandi í kosningum árið 2001.  Hann er talinn hafa notað völd sín óspart til að efnast og lofað íbúum landsbyggðarinnar betri lifskjörum kæmist hann til valda.  Frægt er að hann gaf nánast öllu sveitafólkinu farsíma sem að sjálfsögðu var svo í skiptum við símafyrirtækið hans!  Því verður nú samt varla á móti mælt að hann gerði heilmikið fyrir hin fátækari héruð Thailands og því er hann mjög vinsæll þar.

Íbúafjöldi Thailands er um 70 milljónir og þar af búa um 50 milljónir enn í sveitum eða smábæum.  Eftir að herinn steypti Thaksin af stóli í byltingu árið 2006 komust "gulir" til valda með aðstoð hersins en það eru fulltrúar millistéttarinnar og efnafólks einkum frá Bangkok svæðinu.  Vandamál þeirra er hversu fáir stuðningsmenn þeirra eru, þrátt fyrir að í Bangkok búi um 10 milljónir manna þá dugar það skammt gegn fjölmennum sveitum landsins sem almennt styðja Thaksin og hans fólk.  Að auki eru margir Bangkok búar upprunalega úr sveitunum og eru eins konar farandverkafólk í Bangkok og er áberandi þar í láglaunastörfum.  

Stóra spurningamerkið nú er hvað herinn gerir.  Hann styður ekki Thaksin, það er alveg ljóst.  Sennilega mun herinn aldrei líða það að Thaksin komi sjálfur aftur til Thailands og taki við völdum.  Það eru breytingar í aðsigi í Thailandi og spurning hvort þær gangi átakalaust fyrir sig.

Annað og kannski stærra mál er heilsa konungsins.  Hann nýtur gífurlegra vinsælda í Thailandi og hefur verið konungur í 60 ár, lengur en nokkur annar þjóðhöfðingi á jörðinni.  Hann er sá sem sameinar þjóðina sem er í raun margklofin og þegar hann fellur frá þá hafa sumir spáð því að áhrifin gætu orðið svipuð og þegar Tito féll frá í Júgóslavíu en eins og flestir vita klofnaði Júgóslavía í ein 8 ríki eftir það með tilheyrandi stríðsátökum á svæðinu.  Það er ólíklegt að svo illa fari í Thailandi en það verður mikið umrót, það er ljóst.   Myndina tók ég í Bangkok í mars sl. þegar rauðklæddir stuðningsmenn Thaksins marseruðu um stræti borgarinnar og létu mikið fyrir sér fara!

Shinawatra sigraði í Taílandi

Athugasemdir

[Óskar Helgi Helgason (IP-tala skráð) 3.7.2011 kl. 17:41]

Heill og sæll Nafni; jafnan !

Vitaskuld; á Herinn að taka völdin þar, hið fyrsta.

Stjórnmála hyskið; er svona áþekkt hér - heima á Íslandi; svikult og ómerkilegt, í allan máta. Nóg komið; af dekrinu við Helvítis hvítflibbana og blúndukerlingarnar, víða; um veröldu, nafni minn góður.

Við Íslendingar; erum alla vegana búnir að hljóta okkar búsifjar, af 1/2 þessarra Andskotans ræksna - sjálfsagt; Thailendingar einnig.

Má til; að leiðrétta lítilsháttar ambögu þína, nafni minn. Rama IX. (Bhumipol Aduladej; misminni mig ekki nafnið - gogglara leitarvélin hjálpar þér þá, enn frekar), settist á Konungsstól, árið 1946 - sama árið, og Þórunn Ágústa; ein eldri systra minna fæddist.

Svo; til haga mætti halda, ágæti drengur.

Með beztu kveðjum; úr Árnesþingi, sem áður - og fyrri /

Óskar Helgi Helgason   

[Óskar, 3.7.2011 kl. 17:56]

Takk nafni, rétt hjá þér. Bhumibol konungur Thailands var að vísu ekki krýndur konungur fyrr en 1950 en hann hafði tekið við völdum 1946 eins og þú segir og hefur því verið þjóðhöfðingi Thailands í 65 ár, geri aðrir betur!

[Óskar Þorkelsson, 3.7.2011 kl. 20:22]

konan mín hefur allavega miklar áhyggjur af landinu sínu þessa stundina.

Ef Thaksin kemst tilvalda í gegnum systur sína þá mun hann opna fyrir landsölu til útlendinga, enhingað til hafa útlendingar ekki getað át land í thailandi.. sem hefur bjarga ðthailandi frá að verða einhverskonar nýlenda í eigin landi. Thaksin er glæpamaður og fjársvikari af bestu gerð.. systir hans mun gera sitt til að breyta lögum landsins svo bróðir hennar komist "heim" til ða klára vrkið sem hann hóf árið 2001..

[Óskar, 3.7.2011 kl. 20:46]

Trúi því að hún hafi áhyggjur nafni... ég er nú samt ekki viss um að Thaksin muni opna fyrir landsölu til útlendinga, hann hefði getað gert það þegar hann var forsætisráðherra en gerði það einhverra hluta vegna ekki.  Svo spurning hvort það sé eitthvað verra en núverandi kerfi þar sem farið er í kringum hlutina eftir allskyns krókaleiðum, múturgreiðslum og rugli.  Útlendingar geta keypt land í gegnum skúffufyrirtæki með Tælenskum "dummy" hluthöfum (þ.e. "fá lánuð" nöfn) eða leigt land til 30 ára með 2 x 30 ára framlengingu.  Ég kynnti mér þessi mál vel fyrir nokkrum árum og komst þá að því að óteljandi leiðir eru til ef maður virkilega vill kaupa land í Thailandi.  Núverandi stjórnvöld hafa hinsvegar hert á þessum reglum og reynt að loka þessum krókaleiðum en ekki orðið mikið ágengt.  Verð á landi hefur hækkað gífurlega síðustu ár þarna og etv. ekki eins freistandi og áður að kaupa landskika enda eru fleiri lönd þarna í kring að opnast t.d. Kambódia sem er að byggja upp ferðamannaiðnað hratt og allt er margfalt ódýrara.  Þar mega útlendingar kaupa land. 

Óróinn í Thailandi síðustu ár hefur verið vatn á myllu nágrannaríkjanna sem eru farin að "stela" túristunum frá Thailandi og einnig hefur sterkur gjaldmiðillinn ekki hjálpað til. Það verður fróðlegt að sjá framhaldið, Thailand er alveg stórkostlegt land og maður óskar þessari þjóð alls hins besta.  Maður hefði viljað sjá þessar kosningar fara öðruvísi en ég held það hafi aldrei verið möguleiki á þvi.

[Óskar Þorkelsson, 3.7.2011 kl. 21:49]

túristarnir hverfa vegna þess að þeim langar að prufa eitthvað nýtt, flestir þessara asíu túrista enda aftur í thailandi vegna þeirra gæða sem þar eru í ferðamannaiðnaðinum.

en það er greinilegt að þú þekkir til þarna Nafni :)