Mjög undarleg frétt

Í fréttinni segir að "en skjálftar af þessari stærð valda gjarnan flóðbylgjum, sem geta valdið miklu tjóni, hundruðum kílómetra frá upptökum skjálftans."  -  Þessi skjálfti var 6,6 stig og svo lítill skjálfti getur aldrei valdið hættulegri flóðbylgju.  Þeir þurfa að vera upp undir 8 stig eða ca 50 sinnum öflugri til að valda flóðbylgju sem teldist hættuleg.  Skjálftarnir við Sumötru 2004 og við Japan í fyrra voru báðir yfir 9 stig.  Þess má geta að margir eftirskjálftanna í Japan eru miklu stærri en þessi skjálfti við Loyalty eyju.

Annað í fréttinni: "Nýja-Kaledónía er á svæði sem kallast Eldhringurinn, en þar eru náttúruhamfarir tíðar vegna þess að svæðið er á plötuskilum."

Sko, öll meiriháttar jarðskjálftasvæði jarðar eru á plötuskilum, reyndar afskaplega sjaldgæft að stórir skjálftar verði utan þeirra.   Eldhringurinn er hinsvegar svæði umhverfis Kyrrahafsflekann þar sem hann rekst á fjölda annarra fleka, N-Ameríkuflekann, Filippseyjaflekann, Evrasíuflekann ofl.   Yfir 80% allra jarðskjálfta á jörðinni verða á þessum flekamótum, þ.e. í Eldhringnum.  

Sjá meðfylgjandi mynd sem sýnir Eldhringinn.

Hamfarir í Eldhringnum