Bolungarvík - aflaverðmæti 11 milljarðar- ekki til klink til að malbika götur

Einar eins og aðrir sjálfstæðismenn sjá því allt til foráttu að kvótagreifarnir skili svo mikið sem einni krónu til samfélagsins af gróðanum sem þeir hafa rænt þjóðina áratugum saman.  Sagan frá Bolungarvík er klassískt dæmi um skepnuskap hinna sívælandi kvótagreifa, þar var skipað á land aflaverðmæti uppá 11 milljarða í fyrra en bæjarfélagið á þó í miklum kröggum enda skilar varla brot af þessum fjármunum sér til bæjarfélagsins og ekki heldur í ríkissjóð ef einhver skildi halda það. 

Þetta er kerfið sem 43% þjóðarinnar vilja viðhalda samkvæmt nýjustu skoðanakönnun og sjálfsagt vilja þessi 43% hafa svipað fyrirkomulag í framtíðinni varðandi væntanlegan olíuauð, þ.e. arðurinn af auðlindinni hverfur allur á leynireikninga sem um 20 valinkunnar sjallafjölskyldur hafa einar aðgang að.  Einar K. Guðfinnsson er talsmaður þessara afla sem og allir aðrir sjálfstæðismenn á þingi.

Ekki grunnur til skattlagningar

Athugasemdir

[Hreinn Sigurðsson, 14.4.2012 kl. 19:14]

Hvar færð þú þær tölur að aflaverðmæti landaðs afla í Bolungarvík sé 11 milljarðar það þykir mér í hæsta máta ótrúlegt. Þetta sjávarútvegsfrumvarp er svo vitlaust að það eina sem ég hef séð vitlausara eru tillögur Hreyfingarinnar í sjávarútvegsmálum. Jafnvel frumvarp Jóns Bjarnasonar (Sem samráðherra hans líkti við bílslys) var skárra en þetta.

[sigkja (IP-tala skráð) 14.4.2012 kl. 20:02]

Sama má segja um Selfoss og Hveragerði, tugir milljarða voru fluttir þar í gegn án þess að mikið sæti eftir í bæjunum.

Og bændur skila ekki svo mikið sem einni krónu til samfélagsins af gróðanum og styrkjunum sem þeir hafa rænt þjóðina áratugum saman.

Verktakar og verslunareigendur skila ekki svo mikið sem einni krónu til samfélagsins af gróðanum sem þeir hafa rænt þjóðina áratugum saman.

Atvinnurekendur almennt skila ekki svo mikið sem einni krónu til samfélagsins af gróðanum sem þeir hafa rænt þjóðina áratugum saman.

Geta menn ekki skilið það að einstaklingar og fyrirtæki eiga að skaffa fjármagn, taka allar áhætturnar og bera tapið. En við sem ekki þorum að veðsetja allt, tökum ekki áhættuna af tapi og sköffum engum vinnu eigum að njóta gróðans.