Æsispennandi keppni- hverjir væla meira, LÍÚ eða ferðaþjónustan?

LÍÚ hefur einokað vælutitilinn nánast svo lengi sem elstu menn muna.  Nú hafa sægreifarnir fengið harða samkeppni frá ferðaþjónustunni sem hefur fengið að búa að hluta til við ríkisstyrk í nokkur ár.  Það komu stórmerkilegar staðreyndir fram í þessu máli nýlega þegar í ljós kom að hótel og gistiheimili skila ekki krónu í virðisaukaskatt, þvert á móti fá þessir aðilar hundruð milljóna endurgreiddar frá ríkinu! 

Hvernig skildi standa á því ?  Jú innskatturinn er einfaldlega hærri en útskatturinn sem einfaldlega segir svart á hvítu að gistingin er kolvitlaust skattlögð miðað við aðrar atvinnugreinar í landinu.   En svo er náttúrulega það sem enginn þorir að tala um en er þó alþekkt í þessum bransa - það er freistandi að skrá sölu á annarri þjónustu sem gistingu og hirða þannig mismuninn á 7% og 25% vaski!  Tímabært að loka holunni, afnema ríkisstyrkinn og láta arðbærar atvinnugreinar greiða eðlileg gjöld til samfélags sem varla hefur efni á að halda uppi grunnþjónustu í landinu.

Hækkun skattsins slæm fyrir marga

Athugasemdir

[Óskar Guðmundsson, 25.8.2012 kl. 15:38]

ÞArf með sömu rökum ekki að afnema "ríkisstyrk" og aðrar niðurgreiðslur af landbúnaði, grænmetisframleiðslu og almennt af atvinnuvegum landsins?

[Óskar, 25.8.2012 kl. 21:29]

Jú - besta leiðin til þess er að ganga í ESB.  Bændur vilja það ekki reyndar af einhverjum óskiljanlegum ástæðum því þá mundi opnast fyrir þá markaður með mörg hundruð milljónum íbúa.