Vinsamlegast skoðið líka metanið

Vissulega er bensínið dýrt en þar er þó allt uppi á borðum.  Það sama verður ekki sagt um verð á metani sem nú er komið í 149 krónur rúmlítrinn.  Hræódýrt segja sumir -En á metaninu eru engir skattar, engin vörugjöld, engin hækkun í hafi, engin gengisóvissa, aðeins púra álagning - og OKUR!

í mars 2011 kostaði þessi samir líter 114 krónur og hækkunin er því 31% á rúmu ári!  - og ekki verður sagt að þjónustan hafi skánað í takt við hækkandi verð, þjónustan hjá N1 er í einu orði sagt hræðileg.  Sorpa og N1 vísa svo hvor á annan þegar kvartað er, N1 segir að framleiðslan anni ekki eftirspurn, Sorpa segir að ekki hafi komið sá dagur að þeir hafi ekki getað skaffað nóg metan.

Því miður sæta þessi fyrirtæki lagi og notfæra sér að ríkið tekur ekki krónu af metanverði með því að keyra upp álagninguna og hirða sjálf það sem annars færi sennilega til ríkisins.  - Skiptir engu fyrir metanbíleigandann, hann bara borgar og nú er svo komið að það borgar sig varla eða ekki nema fyrir atvinnubílstjóra sem keyra mikið að fara út í kostnaðarsamar breytingar á bílunum.

Bensín hækkað um 80% síðan 2009

Athugasemdir

[Hjördís Vilhjálmsdóttir, 15.10.2012 kl. 12:41]

Gott innlegg hjá þér og ég vona að þetta verði gert. Hlutlausir fjölmiðlar munu sinna því, svo sjáum til. En kannski ekki, það má ekki láta olíufélögin líta illa út...bara yfirvöld ;))

Olíufélögin þola ekki að þurfa að lækka % álagningu sína og sjá peningana í staðinn í sameign okkar; ríkissjóð. Svo það er emjað og grenjað í von um að ríkið lækki sinn hlut , til þess að þeir geti hækkað sinn. Umhyggja fyrir viðskiptavinum er ekki til staðar, þarf ekki að láta sér dreyma um það einu sinni.

[Óskar, 15.10.2012 kl. 15:36]

Það væri kanski best að ríkið skellti bara skatti á metanið, þá mundi N1 og sorpa neyðast til að lækka álagninguna því ekki gengur að minnka mikið meira bilið á milli bensínverðs og metanverðs.   Ég er sammála þér í því að ég vil frekar borga í sameiginlega sjóði landsmanna heldur en í vasann hjá Bjarna Ben og fjölskyldu.

[Þórður (IP-tala skráð) 15.10.2012 kl. 15:50]

Af metani er greiddur virðisaukaskattur. Stefnan hefur verið að verð á hvern rúmmetra metans sé um helmingur af verði bensínlítrans. Söluaðilar eru síður en svo að mokgræða á þessari sölu enda er markaðurinn lítill og framleiðslukostnaður á hverja einingu er hærri eftir því sem framleiðslan er minni.

[Hjördís Vilhjálmsdóttir, 15.10.2012 kl. 16:00]

Alveg rétt Óskar ;)

En Þórður, er það ekki þannig að salan hefur aukist og verðið samt hækkað ? Þeir væru ekki að stússast í þessu ef þeir græddu ekki á því...fjölmiðlafólk athugar þetta vonandi ef þau fá leyfi til. Gæti stuggað burtu auglýsendur, sem er það vald sem er ógnvænlegt en ekki talað um. 

[Óskar, 15.10.2012 kl. 17:18]

Þetta er vægast sagt furðuleg athugasemd frá Þórði og stenst ekki mikla skoðun því staðreyndin er sú , öfugt við það sem Þórður segir, að sala og framleiðsla hefur stóraukist síðustu ár en samt hækkar metanverðið langt umfram það sem eðlilegt gæti talist.  Einnig er verð á rúmmetra talsvert meira en helmingur af verði bensínlítrans svo það stenst ekki heldur.  Betri skýringar takk.

[Þórður (IP-tala skráð) 15.10.2012 kl. 19:55]

Sala hefur stóraukist en framleiðslugeta hefur staðið í stað. Þetta hefur verið og er í raun enn tilraunastarfssemi en verið er að skoða leiðir til aukinnar framleiðslu, slíkt er þó afskaplega dýrt. Verð á hvern rúmmetra metans er nú um 57% af verði lítra af bensíni og díselolíu.

[Óskar, 15.10.2012 kl. 20:42]

Þá held ég að metan.is ætti að uppfæra vefsíðuna hjá sér.  Þar stendur "Framleiðslugeta SORPU bs úr hauggasi frá urðunarstaðnum á Álfsnesi er aðeins nýtt að hluta í dag , 20-25% "

Ástæðan sem gefin var fyrir síðustu hækkun (úr 131 kr. í 149 kr. ) var sú að það seldist svo mikið að það þyrfti að fjárfesta í nýjum framleiðslubúnaði!  Venjulega þýðir mikil sala að hægt er að lækka verð en auðvitað ekki á einokunarmarkaði.  Neytendur fá mjög takmarkaðar upplýsingar um hvað er í gangi, hvenær eykst framleiðslan, hvenær fjölgar sölustöðum osfrv.  

Varðandi verðið þá er staðreyndin einfaldlega sú að ef skattar og vörugjöld væru tekin af bensíninu þá væri það ÓDÝRARA en metanið!  Þetta nær auðvitað engri átt og mér finnst að Sorpa og N1 skuldi okkur skýringar á þessu.  Hver er framleiðslukostnaðurinn ?