Trassaskapur eða sparnaður olli slysi

Ég var á ferðinni í nótt.  Gríðarleg hálka var á höfuðborgarsvæðinu og var Kringlumýrarbraut og Hafnarfjarðarvegur þannig að aðstæður voru stórhættulegar tímunum saman og mikil umferð eins og þarna er alltaf.  það var spurning um hvenær, ekki hvort þarna yrði stórslys.  Það varð því miður milli 4 og 5 en þá höfðu aðstæður vverið svona i amk. 2 tíma á þessum vegaspotta.  Það eina sem hefði þurft var að saltbíll hefði rennt þarna í gegn.   Hann kom ekki og því varð slysið.  

Það hefur endalaust verið tuðað í borgarbúum að vera ekki á nagladekkjum.  Eins og þjónustan hefur verið á nóttunni síðastliðna vetur dettur mér sem atvinnubílstjóra ekki annað í hug en að vera á nagladekkjum.  Ég verð að viðurkenna að ég varð reiður þegar ég kom að þessu slysi í nótt vitandi það að mjög lúmsk og illa sjáanleg ísing hafði verið á þessum kafla í amk. 2 tíma án þess að einn andskotan saltbíll hafi rúllað þarna í gegn.  En þetta er ekki nýtt í vetur eða síðustu árin, þessi þjónusta eða réttara sagt skortur á þjónustu er farin að valda hér alvarlegum slysum.  Er það sparnaður?

Hringdi 200 sinnum í 112