Ef þú getur verið þingmaður þá ertu ekki öryrki

Ég hefði haldið að það að vera þingmaður sé fullt starf og erfitt starf að auki.  Þessvegna furða ég mig á því að fólk sem hefur verið 100% á örorkubótum treysti sér til þess að starfa sem þingenn.  Afhverju var þetta fólk þá bara ekki í venjulegri vinnu áður?

Einng  Guðmundi finnst alveg skelfilegt að missa bæturnar sínar þegar hann fer að fá á aðra milljón í mánaðarlaun! Ekki nóg með að ég og hinir skattborgararnir eigum að borga honum þingmannalaunin heldur ætlast hann helst til þess að við borgum honum áfram bætur. Vá!

Fá ekki örorkubætur á Alþingi

Athugasemdir

[Guðmundur Ásgeirsson, 1.11.2017 kl. 15:10]

"Ef þú getur verið þingmaður þá ertu ekki öryrki"

Reyndu að segja það við Freyju Haraldsdóttur !

Annars hlýtur að vera fínt fyrir skattgreiðendur, sem hefðu hvort sem er þurft að greiða laun fyrir þessi tvö þingsæti, að spara sér greiðslu tvennra örorkubóta. Með þessu er Flokkur fólksins líka strax byrjaður að efna kosningaloforðin, þau eru nú þegar búin að hækka tekjur tveggja öryrkja þó ekki sé einu sinni búið að mynda ríkisstjórn. ;)

[Óskar, 1.11.2017 kl. 15:45]

ég leyfi mér að halda því fram að þessi flokkur, þar sem flestir frambjóðendur hafa starfað fyrir sjálfstæðisflokkinn, er ekki að fara að gera neitt fyrir öryrkja. Ingu vantaði bara betri laun.

Það sést nú best á þvi að hún sem þóttist berjast gegn spillingu vill helsta fara í stjórn með panamapakkinu.  Já á móti spillingu!!  og hvenær hafa sjallar og simmaliðið gert eitthvað fyrir öryrkja eða aðra sem minna mega sín?

[Guðmundur Ásgeirsson, 1.11.2017 kl. 16:29]

Og hvað hefurðu fyrir þessum fullyrðingum þínum Óskar?

Vinstrisinnuð Inga Sæland snýr baki við Sigmundi: „Fannst þetta lúmskt galið“ - DV

[Guðrún Sæmundsdóttir, 2.11.2017 kl. 13:21]

Hefur Guðmundur eitthvað verið að kvarta yfir því að hann missi örorkulífeyrinn þegar hann fer á þingmannslaun? Það held ég ekki, hann hefur verið að benda á að hann muni lenda í skuld við TR þegar að árið 2017 verður gert upp, ekki vegna lífeyris sem hann hættir að fá núna þegar hann fer á þingmannalaun heldur vegna lífeyris sem hann fékk fyrr á árinu 2017.

Við þurfum fyrst og fremst viturt og reynslumikið fólk á alþingi, Guðmundur starfaði áður sem lögreglumaður og sú reynsla mun klárlega nýtast vel á alþingi þegar að fjallað er um málefni tengd löggæslu, Guðmundur hefur einnig starfað í verslunarstjórn sem er góð reynsla og svo hefur Guðmundur reynslu og þekkingu af lífeyristryggingakerfinu og málefnum öryrkja og sú þekking mun nýtast alþingi vel.

Allir þingmenn fá skrifstofur nálægt þinghúsinu þar sem þeir hafa sjónvarp og geta þar fylgst með umræðum úr þingsal þegar þeir eru lasnir og síðan fara þeir í þingsalinn og flytja sínar athugasemdir ef þeir hafa einhverjar og greiða atkvæði um málefnin sem verið er að fjalla um hverju sinni. Önnur störf þingmanna er hægt að vinna við þær aðstæður sem henta hverjum og einum. Það ætti að vera kappsmál okkar að alþingismenn komi úr öllum greinum þjóðfélagsins því þá geta öll sjónarmið komið fram í ákvörðunum alþingis.

[Þorsteinn Sch Thorsteinsson, 2.11.2017 kl. 23:08]

Sæll Óskar

Af hverju öskruðu menn ekki upp hástöfum og mótmæltu þegar að hann Helgi Hjörvar gerðist þingmaður (fyrir Samspillinguna S.) ? Nú og af hverju öskruðu menn ekki upp hástöfum og mótmæltu þegar að hún Freyja Haraldsdóttir gerðist þingmaður (fyrir Bjagaða framtíð BF.)? Þið hefðu átt að mótmæla þessu öllu á sínum tíma, en hvað er ekki málið bara að finna eitthvað á Flokk fólksins?

En þið ættuð að lesa þetta, því að "Þetta er ástæðan fyrir því að Guðmundur treystir sér að starfa á Alþingi en ekki almennum vinnumarkaði",  Þú???

KV.

[Óskar, 3.11.2017 kl. 06:31]

Guðrún, já hann nefnilega vælir heil ósköp yfir því að hann missi bæturnar!  Mér finnst bara þingmannsstarfið þess eðlis að aðeins fólk með fulla starfsorku eigin að sinna því.

Þorsteinn, Helgi Hjörvar hefur held ég aldrei verið á örorkubótum þrátt fyrir að vera blindur og reyndar miklu meira blindur heldur en Inga sem virðist sjá alveg ágætlega þegar hún þarf þess.  Hun er lika helvíti góð í að grenja þegar það hentar. Svo er hún lika öryrki þegar það hentar, en þegar það er ekki nógu fínt þá er hún allt í einu orðin lögfræðingur. Þessi kona er kamelljón, skiptir um gerfi eftir aðstæðum.

Varðandi Freyju þá var auðvitað galið að hún skildi verða þingmaður.  Hafði enga burði til þess.

[Guðrún Sæmundsdóttir, 3.11.2017 kl. 21:04]

Hvar er hann að væla yfir bótamissi?

Eftir því sem ég kemst næst(er nú ekki sérfróð) er málið það að þau fara á þingmannalaun sem eru það há að þegar að allt árið 2017 verður gert upp hjá TR þá verða þingmannagreiðslurnar lagðar saman við lífeyrisgreiðslurnar og frítekjumarkið er það lágt að þau lenda líklega í því að þurfa að greiða til baka lífeyri sem þau fengu fyrr á árinu áður en þau urðu þingmenn. Mér dettur í hug að það þýði að þau þurfi mögulega að greiða til baka lífeyri sem þau fengu fyrir júlí og ágúst  og það er ósanngjarnt.

Mér finnst að alþingi eigi að endurspegla þjóðina svo að öll sjónarmið komist að þegar að ákvarðanir eru teknar. Við höfum séð þingmenn fara í fæðingarorlof og varaþingmenn koma þá inn í staðinn og enginn hefur kvartað yfir því. Þingmenn hafa líka tekið sér veikindafrí í lengri eða skemmri tíma án þess að það þyki fréttaefni. Því miður hafa of margir fullfrískir þingmenn ekki reynst hæfir á þingi svo að ég held að hæfni fari ekki eftir heilsu fólks og sagan segir af fólki með fötlun sem hefur gegnt háum embættum eins og t.d. Franklin Roosevelt fyrrum forseti Bandaríkjanna.