Glæsilegt Íslandsmet Bjarna B. í hræsni

Ég held að þetta hljóti að vera Íslandsmet ef ekki Evrópumet í hræsni.  Bjarni Ben hafði sjálfur mælt fyrir því haustið 2008 að borga Icesave með 6,7% vöxtum á 6 árum.  Það þóttu honum ásættanleg kjör og engin kúgun.  Sjálfstæðisflokkurinn sem er skilgetinn forfaðir Icesave í alla ættliði lenti svo til allrar hamingju í stjórnarandstöðu og hefur æ síðan verið að þvælast fyrir eins og grár köttur í björgunarstarfinu.

Sjálfstæðisflokkurinn gerði efnahagslega kjarnorkuárás á Ísland áður en hann skildi við.  Nú ræðst hann hvað eftir annað á björgunarliðið.

að lokum frétt frá 10 janúar sl. http://www.dv.is/frettir/2010/1/9/vidsnuningur-bjarna-ben/

Bjarni Benediktsson, formaður Sjálfstæðisflokksins, sagði þegar hann ávarpaði flokksmenn sína í Valhöll í morgun að hann myndi ekki gagnrýna ríkisstjórnina fyrir að skipta um skoðun, ákveddi hún að afnema Icesave-lögin, sleppa þjóðaratkvæðagreiðslunni og semja upp á nýtt. Hann hvatti í raun stjórnvöld til að falla frá þjóðaratkvæðagreiðslunni. Eitthvað virðist Bjarna hafa snúist hugur frá því hann studdi breytingartillögu Péturs Blöndal um að Icesave-lögin ættu að fara í þjóðaratkvæðagreiðslu þann 30. desember síðastliðinn.

þessi formaður sjálfstæðisflokksins snýst eins og vindhani eftir því hvernig almenningsálitið blæs.  Populisti og hræsnari dauðans sem hikar ekki við að blekkja eigin þjóð ef það hentar framapoti hans.

Þjóðin láti ekki kúga sig

Athugasemdir

[Ólafur Ingi Hrólfsson, 5.3.2010 kl. 02:13]

Sjaldan hef ég lesið annan eins endemis þvætting - mér virðist bloggarinn ekki þola nema einföldustu hluti þannig að -

fundurinn var EKKI í morgun heldur klukkan 15.30

Bjarni gerði grein fyrir því að landráðaliðið ( mitt orð - ekki hans ) gæti ekki komið í veg fyrir þjóðaratkvæðagreiðsluna - það væri búið að sjá fyrir því.

Leitaðu læknis Óskar

[Óskar, 5.3.2010 kl. 02:32]

lestu færsluna aftur og leitaðu bara sjálfur læknis.  Þetta feitletraða er úr frétt síðan 10.janúar sl. þegar Bjarni hafði ALLT AÐRA SKOÐUN HELDUR EN HANN HAFÐI Í DAG! 

[Gísli Ingvarsson, 5.3.2010 kl. 08:12]

Bjarni er tilbúinn foringi, ekki ekta vara.

[Árni Gunnarsson, 5.3.2010 kl. 11:55]

Það á ekki að atyrða hann Ólaf Inga fyrir hollustu við formanninn. Þetta er voða fallegt og lýsir frómu hjartalagi. Fáir pólitíkusar hafa jafn fallega hárgreiðslu og Bjarni Ben.

 Sjálfstæðismenn eru svolítið ráðvilltir. Þór Sigfússon gleymir oft að lesa það sem hann skrifar undir. Og þegar Bjarni fékk lánið úr bótasjóði Sjóvár þá vissi hann ekkert hvaðan þeir komu eða þannig, ég meina, semsagt svoleiðis var að honum kom þetta lán ekki nokkurn skapaðan hlut við eða svoleiðis.Það var fyrir einhverja Vafninga sem honum komu ekkert við og ekki Þór heldur og þótt Bjarni hefði einhvern veginn án þess að vita það verið í stjórn þessara Vafninga þá voru það einhverjir fjandans vafningar sem voru ekki hans vafningar, eða þannig, ég meina sko,- svoleiðis var það bara. 

En nú er að horfa til framtíðar!

Eða er ekki hægt að ræða þessi mál vafningalaust?

[Ólafur Als, 5.3.2010 kl. 14:34]

Hér stendur ekki steinn yfir steini. Skv. rökunum um að það tapist 75 milljarðar á mánuði er þá ekki ljóst að frágangur samninga fyrir rúmu ári upp á okurvexti, 6,7%, hefðu sparað enn meira en sem nemur samningi sem var lagður fyrir nær hálfu ári síðar, upp á 5,55% vexti ?????

Vitanlega er þessi 75 milljarða rökstuðningur fráleitur og í raun hefur enginn fært haldbær rök fyrir því að það spari að skuldsetja ríkissjóð um þær hundruðir milljarða sem hér um ræðir. Von stendur til þess að á ríkissjóð falli lítið, sem ekkert, og um það snýst m.a. þjóðaratkvæðagreiðslan. Í NEI-i þjóðarinnar munu felast skilaboð, sem umheimurinn tekur mark á - alltjent hefðu bresk og hollensk stjórnvöld ekki ljáð máls á að bjóða betri samning án hennar.

Núverandi yfirvöld hafa EKKI lagt í það að afnema Icesave-lögin. Það er rétt að halda því til haga og í ofanálag virðast forystumenn ríkisstjórnarinnar ekki ætla að kjósa, m.a. af því að forsætisráðherra telur atkvæðagreiðsluna markleysu. Sú afstaða lýsir skilningsleysi og þetta ætlar strumpaherdeildin að elta uppi. Það er vont til þess að vita að svo einörð sveit manna vinnur gegn hag íslenskra skattborgara og fyrir það munu skrif, m.a. þín Óskars, verða dæmd nú og framvegis.

Vont var það en versnað hefur það. Tittlingaskítur út í Bjarna er ekki málið þessa dagana, sú orrahríð bíður betri daga að væla út í stjórnarandstöðu, sem hefur lagt sitt af mörkum til þess að forða stórslysi. Hennar önnur asnaprik, gömul og ný, verða afgreidd þegar fram í sækir og umræðan fer í annan farveg. Þangað til verður rödd þín, Óskar, hjáróma og til marks um dindlahátt og þjónkun við máttlausa valdstjórn.

Meira að segja innan samfylkingarinnar eru sumir forystumenn farnir að skammast sín fyrir sum skrif meðlima strumpanna. Þeirra augu eru farin að beinast að ESB og hvernig á að bjarga því ferli. Þangað til munt þú, Óskar, halda áfram að gefa forvitnilega sýn inn í hug einstaklings sem er haldinn dindlaveiki á háu stigi. Forvitnilegt.