Powerblogg

4.6.2010 | 20:58

Pásan búin ?

Er Eyjafjallajökull að fara aftur í gang ? Ég held reyndar ekki. Þessi órói er lítill, honum fylgja ekki skjálftar og ekki að sjá að fjallið sé að þenjast út skv. gps færslum. Sennilega einhverjar leifar að skila sér upp. Merki um öflugt gos væru djúpir skjálftar en þeir eru ekki sjáanlegir og því er þetta ekki gosefni sem er að koma djúpt að.

Hinsvegar, svona miðað við gosið á 19.öld þá er engann veginn hægt að gera ráð fyrir því að gosinu sé lokið. Það gætu vel komið 1-2 skot í viðbót með svipuðum krafti og um miðjan maí en það þarf ekkert að gerst strax, gæti alveg eins liðið hálft til eitt ár þangað til. Vonandi verður jökullinn til friðs í sumar og fer frekar í gang í vetur, sá árstími hentar mun betur fyrir eldgos bæði vegna bænda í nágrenninu og túrismans!