Fyrir Birgi Ármannsson: Hér er aðdragandi Icesave

1.  Ríkisstjórn sjálfstæðisflokks og framsóknarflokks gerir með sér helmingaskiptasamning sem í grófum dráttum þýðir að einkavæðing ríkisbanka skiptist jafnt á milli flokkanna, íhaldið fær að ráðstafa Landsbankanum að eigin vild og framsókn í staðinn Búnaðarbankanum/ Kaupþing.

2.  Sjálfstæðisflokkurinn selur mönnum sem högnuðust á bruggframleiðslu í Rússlandi Landsbankann fyrir klink.  Þessir menn höfðu á sér mjög vafasamt orðspor en það virðist ekki hafa skipt Davíð Oddsson leiðtoga sjálfstæðisflokksins á þeim tíma nokkru máli.

3.  Landsbankinn stofnar Icesave netreikningana með óeðlilega háum innlánsvöxtum.  Þáverandi ríkisstjórn, seðlabanki og fjármálaeftirlitið áttu að sjá til þess að farið væri að lögum og reglum, t.d. að innistæðutryggingasjóðurinn gæti bakkað bankann upp ef illa færi.  Þessir aðilar brugðust.

4.  Landsbankinn fer á hausinn haustið 2008 og Icesave verður strax milliríkjadeila.  Árni Matthiessen fjármálaráðherra sjálfstæðisflokksins undirritar minnisblað þar sem kveðið er á að Icesave verði greitt og miðað við 7,3% vexti og byrjað að borga strax!

5.  Ríkisstjórnarskipti í upphafi árs 2009 og ný ríkisstjórn tekur við þessari glæsilegu arleifð sjálfstæðisflokksins.  Sá sami flokkur gerir nákvæmlega allt til að torvelda lausn þessa máls.

Já Birgir, þannig var nú það.

Svörin gefa villandi mynd

Athugasemdir

[Guðmundur Pétursson, 25.6.2010 kl. 01:32]

Birgir gerir bara ógagn.  Hann og Siguðrur Kári eru viðrini sem hafa engan annan  tilgang í lífinu nema þann að vera öðru fólki til ama og leiðinda.  Hafa ber í huga að þeir eru rakkar Davíðs Oddssonar og getur hann sigað þeim eftir hentugleika sem og hann gerir í ríkum mæli.  Þetta gelt í þeim er hinsvegar frekar þreytandi og þeir vita það sjálfir en hafa ekki meiri sjálfsvirðingu en það að þeir láta þetta yfir sig ganga.  Því fyrr sem þeir hverfa af þingi, því betra fyrir alla og þá sjálfa líka.

[Umrenningur, 25.6.2010 kl. 09:40]

Ég mæli með að þegar þú tekur að þér söguskýringu að þú farir rétt með allar staðreyndir, einhverja hluta vegna skautar þú algjörlega yfir aðkomu kratadruslanna í hönnun hrunsins.

[Óskar, 25.6.2010 kl. 13:04]

Skafrenningur, ég mæli með því að þú lesir færslurnar sem þú commentar við áður en þú skrifar.   Ég var að tala um aðdraganda Icesave, ekki hrunsin þó í mörgum tilfellum sé það sama atburðarrás.

Varðandi krata og hrunið þá voru þeir í stjórn frá 2007 en ekki í áratugi þar á undan.  Kratar áttu ekki þátt í að skapa það lagaumhverfi og græðgisvæðingu sem gerðu Landsbankamönnum kleift að fremja glæpi sína gegn þjóðinni.  Þetta er klúður sjálfstæðisflokksins svona nánast frá A-Ö.