Gullaldartíminn liðin ?

Líklega já.  Eini maðurinn sem eitthvað gat í liðinu var gamalmennið Ólafur Stefánsson.  Aðrir voru bara farþegar- jú reyndar verður að minnast á Alexander Petterson sem fór meiddur útaf snemma í leiknum en var samt næst markahæstur í Íslenska liðinu!

Það er stutt í kynslóðaskipti í landsliðinu og því miður eru ekki nógu margir afburðaleikmenn sem geta leyst af þá eldri sem eru komnir á síðasta snúning.  Aron Pálmarsson er auðvitað gríðarlegt efni en þá er það líka upptalið- nokkrir þokkalegir leikmenn að koma upp en ekki í sama gæðaflokki og mennirnir sem þeir eiga að leysa af hólmi, reyndar langt frá því.

Markmannsvandræði hrjá okkur enn og aftur, Hreiðar er bara lélegur markvörður en samt með þeim betri sem við eigum og Björgvin er ekki nógu stöðugur, á góða leiki en svo arfaslaka allt of oft.  Ég held að landslið Íslands í handbolta sé ekki að fara vinna nein afrek næstu árin eða næsta áratug.

Fimm marka tap í Austurríki

Athugasemdir

[Karpi (IP-tala skráð) 30.10.2010 kl. 21:18]

verð því miður að vera sammála þér. Mér fannst þetta samt allt vera í hausnum í dag. Menn voru ótrúlega óöruggir og stressaðir. Ástæðan? Jú það vantaði 2-3 menn úr ólympíuliðinu og gummi spilar alltaf sama liðinu og treystir bara þeim. Menn finna svo á sér eitthvert óöryggi þegar vantar þessa menn og þá hrynur þetta gjörsamlega.

[Jón Flón (IP-tala skráð) 30.10.2010 kl. 21:34]

Ekki sammála. Oddur Grétarsson var meðal bestu manna íslenska liðsins. Aron og Oddur eru báðir gríðarlega öflugir strákar og munu ekki eiga í nokkrum vandræðum með leysa af þessa eldri. Ég hef engar áhyggjur af því.

Ég held að aðaláhyggjuefnið úr þessum leik sé bæði markvarslan og hugmyndaleysi í sókninni. Ég hef bara ekki séð annað eins í langan tíma.

En það má ekki taka af Austurríki að liðið þeirra er orðið sterkt, enda helmingur leikmanna innfluttir.

[Kristján Eldjárn Þorgeirsson, 30.10.2010 kl. 21:58]

Ísland tapaði þessum leik fyrst og fremst á lélegum varnarleik í þessum leik.  Þetta austurríkislið er gott en ekki svona gott að það eigi að eiga svona auðvelt með að skora mörk hjá okkur.  Allt tal um að gullaldartíminn sé liðinn er einfaldlega blaður

[Karpi (IP-tala skráð) 30.10.2010 kl. 22:10]

Það er eitt að vera efnilegur. Annað að verða síðan góður. Hver man ekki eftir þvílíku efnunum Snorra Stein, Ásgeiri Erni, Arnóri Atlasyni. Rosa efnilegir á sínum tíma. Í dag? Miðlungsleikmenn í hæsta lagi í dag.

Að ég tali nú ekki um mikil efni á sínum tíma: Heimir Örn Árnason, Arnar Pétursson, Gunnar Berg Viktorsson, Andra Stefan, Jason Ólafsson, Kristján Andrésson, Leó Örn Þorleifsson, Páll Þórólfsson, Ragnar Óskarsson, Vilhjálmur Halldórsson.  Árna Þór Sigtryggsson, Sigfús Pál Sigfússon, Hlyn Jóhannesson, Gunnar Andrésson, Gylfi Gylfason, Hilmar Þórlindsson.

[Karpi (IP-tala skráð) 30.10.2010 kl. 22:18]

Það sem vantar í íslenska landsliðið er þrennt.

1. Meiri breidd. Við erum jú fámenn. 

2. Meiri hæð. Hvað er langt síðan við áttum alvöru sleggju sem var graður, lyfti sér upp og boltinn söng í netinu?

3. Meiri leikskilningur. Leikskilningurinn er ágætur, en þegar við mætum þeim bestu þá skilur yfirleitt liðin að. Gott dæmi um þetta er þegar við erum einum fleiri í sókninni. Alltaf dæmdur einhver ruðningur á okkur! Það virðist enginn kunna að höndla þær aðstæður almennilega. Þetta hefur verið viðvarandi vandamál í mörg ár. 

Að framansögðu er ótrúlegt hvað íslenska liðið hefur náð langt undanfarið. Allt tal um að við eigum að gera kröfur um verðlaunasæti er því miður óraunhæft markmið til lengdar. Þökkum fyrir að komast á stórmót. 

[Sigurþór (IP-tala skráð) 31.10.2010 kl. 00:17]

Afsakaðu en ég verð að vera ósammála þér, við eigum t.d mjög gott u-21 árs lið sem hefur verið inn á öllum stórmótum og keppt til úrslita á hm ef að ég man rétt. Þar eru menn eins og Aron Pálma, Ólafur Guðmundsson, Oddur Grétarsson, Ragnar Jóhannson og margir fleiri mjög góðir leikmenn, þannig allt tal um að við eigum ekki nógu efnilegaleikmenn er bara kjaftæði!

[Skarfurinn, 31.10.2010 kl. 14:46]

Svei mér þá mér finnst svo stutt síðan Ísland var að vinna Austurríki með 15-20 mörkum, er þetta ekki rétt munað hjá mér, og ef svo er hvað hefur þá eiginlega gerst ? 

[þórarinn (IP-tala skráð) 31.10.2010 kl. 15:01]

við eigum gott lið í handbolta og eigum efnilega leikmenn, það er staðreynd. hinsvegar eru tveir leikir núna búnir og báðir slakir reyndar mjög slakir. ég held að það skrifist á það að liðið hefur ekki spilað landsleik í soldinn tíma og tími til að stilla strengi lítill. við eigum að gera kröfu á að við vinnum þessa leiki á móti minni spámönnum eins og lettum en hins vegar þá eru austuríkismenn bara orðnir góðir. hverju er það að þakka jú degi sigurðssyni, þar er maður sem hefur nýtt sína reynslu sem leikmaður og er að gera frábæra hluti sem þjálfari sérstaklega þar sem hann var leikstjórnandi sem leikmaður og þekkir því fjöldan allan af leikfléttum. verður gaman að sjá hvernig honum vegnar áfram.

[Óskar, 31.10.2010 kl. 17:59]

Þórarinn kemur að vissu leiti inn á vandamálið.  Við erum kannski ekki verri en áður, hinir eru bara að verða betri!  Hver man handboltann í kringum 1980 ?  Frakkar og Spánverjar voru með djók lið þá sem við unnum auðveldlega. Það var aðeins Austurblokkin , skandinavía og V-Þýskaland sem gátu eitthvað og við gátum unnið alla á góðum degi.  Síðan þá hafa miklu fleiri lið komið sterk inn, Frakkland, Spánn, Sviss,  S-Kórea, Japan og nú síðast Austurríki og Lettland er á hraðri uppleið..  Okkar vandamál er fámennið, eftir því sem handboltinn verður vinsælli erlendis því erfiðara verður fyrir okkur að halda í við þessi lið.  

Ég er samt líka á því að það séu erfiðir tímar framundan vegna lítillar nýliðunar.  Jafnvel þó u21 árs liðið hafi gert það gott þá er það lið borið upp af fáum burðarstólpum.