Meinlaust gos líklegt

Gos sem verða af völdum Grímsvatnahlaupa eru jafnan lítil og svona hálfgerð "nett aftöppun" á eldstöðinni.  Gosið 1996 var allt annars eðlis enda urðu þá hlutverkaskipti - gosið sjálft olli Grímsvatnahlaupi en ekki öfugt eins og nú eru líkur á að verði. Sjá á eldgos.is   Allavega erum við ekki að fara að sjá neitt í líkingu við lætin í Eyjafjallajökli í vor.

Grímsvötn eru virkasta eldstöð landsins og kanski ekki allir sem vita það að eitthvert versta eldgos sem Íslendingar hafa þurft að eiga við "Skaftáreldar" á rætur að rekja í Grímsvatnaeldstöðina.  En það er ekkert slíkt í aðsigi, - frekar að Grímsvötn séu svona rétt að minna á sig.

Líkur á eldgosi í Grímsvötnum

Athugasemdir

[Sigurður Haraldsson, 31.10.2010 kl. 23:51]

Ertu spámaður?

[Óskar, 1.11.2010 kl. 00:55]

Nei Sigurður ég er ekki spámaður.  Ef ég set eitthvað fram sem ég segi að sé líklegt þá byggir það á sagnfræðilegum og vísindalegum staðreyndum.  það er td. staðreynd að það gýs oft í kjölfar Grímsvatnahlaupa og það er líka vísandaleg staðreynd að þau gos eru alltaf lítil.  Því þarf enga spámannshæfileika til að segja að líkur séu á litlu gosi.

[Guðmundur Ásgeirsson, 1.11.2010 kl. 03:27]

...og þar með fellur þú í þá gryfju að álykta að óorðnir atburðir séu alltaf í beinu samhengi við það sem á undan er gengið. Raunveruleikinn er hinsvegar ekki alltaf svo línulegur:

[Óskar, 1.11.2010 kl. 11:16]

Nei Guðmundur ég fell ekki í neina gryfju.  Ef Barcelona og Grótta spila í fótbolta, eru þá ekki 99,99% líkur á að Barcelona vinni?  Má þá ekki segja að það sé "mjög liklegt" að Barcelona vinni ?  Það er nákvæmlega það sem ég er að gera.  Við búum í eldfjallalandi og auðvitað er aldrei hægt að útiloka meiriháttar hamfarir.  Líkurnar á þeim úr Grímsvötnum núna eru bara sáralitlar og það er það sem ég er að segja.

[Guðmundur Ásgeirsson, 2.11.2010 kl. 02:01]

Ég veit, ég er bara að benda á gagnstæða sjónarmiðið. (og stríða þér aðeins í leiðinni). Óvæntir atburðir (tölfræðileg frávik) eru það sem gefur lífinu gildi, þeir eru jafn spennandi og þeir geta verið hættulegir. Góðar stundir.