Eitthvað fyrir heykvíslahjörðina að smjatta á

Auðvitað og að sjálfsögðu fer pistlahöfundur ekki rétt með staðreyndir þar sem hann lýsir "background" Icesave.  Hann gleymir alveg að nefna að Íslendingum er aðeins ætlað að greiða fyrstu 20.000 Evrurnar á hverjum reikning, hann minnist ekki einu orði á gallað eftirlit Seðlabankans og FME svona svo dæmi séu tekin. Ekki stakt orð um Neyðarlögin sem mismuna innistæðueigendum eftir þjóðerni og gera það nánast vonlaust að vinna þetta mál fyrir dómstólum.

Það er greinilegt hvað hann ætlar sjálfur að kjósa og þetta er einfaldlega mjög leiðandi að "neiinu".  En heykvíslahjörðin hin Íslenska sem vill slíta vinsamlegum samskiptum við aðrar þjóðir , lengja og dýpka kreppuna hér og flytja okkur áratugi aftur í tímann á öllum sviðum mun smjatta á þessu eins og sést nú þegar. Bandaríkjamenn eru nú upp til hópa ekki skörpustu perurnar í seríunni, gott ef um 30% þeirra halda ekki að jörðin sé flöt.  En auðvitað smjattar náhirðarskeinipappírinn, Mogginn á þessu með heykvíslahjörðinni og þjóðremburugludöllum.

Kannar afstöðu lesenda til Icesave

Athugasemdir

[Óskar Helgi Helgason (IP-tala skráð) 25.3.2011 kl. 03:18]

Heill og sæll Nafni minn; æfinlega !

Rifa þú nú segl; fornvinur góður - og far þú, inn á síðu mína, þér til nokkurrar glöggvunar, á kjarna þessarra mála, allra.

Veit; að þú beinir ekki, þessum hnýfilyrðum að mér, nafni minn, sem þú viðhefir, hér að ofan - enda; veistu af öllum okkar kynnum, að fremur rekst ég illa í flokki, hvað þá; hjörðum, og vil helzt geta horft yfir sviðið, án þess að plagast, af einherjum manngrúa, umhverfis mig.

En; munum nafni minn - ekki er allt sem sýnist, eins og Galdra- Imba (17. öld), kvað forðum.

Með beztu kveðjum, sem áður - og fyrri /

Óskar Helgi   

[Óskar, 25.3.2011 kl. 11:17]

Sæll nafni- seint verðum við sammála en að sjálfögðu er engum fúkyrðum beint að þér!  Athyglisverðar sparnaðartillögur á síðunni þinni og ég get svosem verið sammála mörgum þeirra -- en ég tel samt að Nei við Icesave væri efnahagslegt sjálfsmorð þjóðarinnar, hreint brjálæði að taka svo mikla áhættu sem af dómstólaleiðinni leiðir.   Mér finnst í raun að spurningin á atkvæðaseðlinum ætti að vera svona:
a: Viltu borga Icesave?

b: Viltu borga Icesave tífalt?

Bestu kveðjur í Ölfusið nafni!

[Óskar Helgi Helgason (IP-tala skráð) 25.3.2011 kl. 12:22]

Heill, á ný, Nafni minn !

Dómstólaleið; svokallaða, þyrðu Bretar og Hollendingar ekki að fara; tæpast,, því skæðadrífa lögsókna, af hálfu fyrrum nýlendna þeirra, kynni að fylgja í kjölfarið, á hendur þeim sjálfum - nokkuð, sem þessi gerfi- Konungdæmi, þyldu vart.

Sjálfur; (þó kominn sé, á miðjan aldur) mun ég hverfa suður til Argentínu, eða annarra Sólríkra plássa, á Suðurhvelinu, yrðum við andstæðingar Icesave´s reikninganna undir, þann 9. Apríl, nafni minn - og; hugðist ég þó, bera beinin hér heima, að óbreyttu, reyndar.

En; tíma gæti tekið, sð safna í sarp þann, fyrir svo miklu ferðalagi, suður á bóginn, svo sem, en; ......... heldur gerði ég það, fremur en að búa við ok þrældóms Evrópskra nýlenduvelda, nafni minn kær.

Og; allra sízt, í þágu glæpamanna Landsbankans, sem ENN ganga lausir, nafni minn.

Með; ekki lakari kveðjum - en þeim fyrri /

Óskar Helgi 

[Sigurður Haraldsson, 25.3.2011 kl. 12:59]

Óskar hlustaðu á Óskar Helga hann er réttsýnn maður góður sannur íslandsvinur en ekki bundinn flokksræðinu!

[Óskar Helgi Helgason (IP-tala skráð) 25.3.2011 kl. 14:26]

Komið þið sælir; að nýju !

Sigurður Þingeyingur !

Þakka þér fyrir; drengilega liðveizluna, mér til handa, sem þér var vísast.

Ég hygg; að nafni minn, Haraldsson, muni við nánari skoðun, endurmeta allar kringumstæður, og það, til all langs tíma, gefi hann sér tóm til, Sigurður minn.

Með; þeim sömu kveðjum, sem áður - og fyrri /

Óskar Helgi

[Guðmundur Ásgeirsson, 25.3.2011 kl. 14:35]

"vill slíta vinsamlegum samskiptum við aðrar þjóðir"

Bretar slitu vinsamlegum samskiptum þegar þeir frystu gullforðann okkar. Þegar það var gert höfðu íslensk stjórnvöld ekki brotið gegn þeim á neinn hátt. Ef þetta hefði verið gert við gullforða Frakklands væru franskar freigátur núna á siglingu upp Thames ánna.

En heykvíslin mín er ennþá í skottinu á bílnum og er því miður farin að safna ryki. Ég ætti kannski að fara að brýna hana fyrir næstu mótmæli. ;)