þeirra 11.september

Þennan dag fyrir 38 árum myrtu brjálæðingar lýðræðiskjörinn forseta Chile, Salvadore Alliende.  Hann var drepinn ásamt þúsundum annarra Chilebúa af útsendurum Bandaríkjanna.   Sennilega hefðu Chilemenn síðar átt að bregðast við með því að hafa uppá þáverandi forseta Bandaríkjanna og henda honum í sjóinn eins og gert var nýlega við mann fyrir svipaðar,- og jafnvel minni sakir.  Sá maður hét Osama Bin Laden.

Gleymum því heldur ekki að á þessum tíma STUDDU öfl á Íslandi þessa brjálæðinga.  Að sjálfsögðu var þau öfl nær eingöngu að finna í sjálfstæðisflokknum.  Hannes H.G.  Skrifaði greinar í moggann þar sem hann lofaði morðingjana, enda voru þeir að eigin sögn hægri menn en að flestra annarra mati bara morðingjar og villimenn.

Ætli Bandaríkjamenn lesi líka upp nöfn þeirra sem Augusto Pinochet lét drepa með stuðningi CIA?

38 ár frá valdaráninu í Síle

Athugasemdir

[Svavar Bjarnason (IP-tala skráð) 11.9.2011 kl. 23:41]

Ekki gleyma lofgrein Jóns Vals Jenssonar um Pinochet og valdarán hans.

[Jón Valur Jensson, 12.9.2011 kl. 04:15]

Já, ég ætlaði nánast að segja það sama! Ekki man ég eftir fagnaðarlátum dr. Hannesar, en er nú ekki svo kalkaður að hafa gleymt minni grein! Hins látið þið vinstri mennirnir alltaf ógetið, að strax í 2. grein um málið í Mogganum sama ár-- og eins í Stúdentablaðinu -- var ég farinn að gagnrýna sumt sem fregnir fóru að berast af, eins og aftökur manna, og ég hygg að ekki hafi verið rituð harðari né betur heimildum studd málefnagagnrýni á þá en í grein minni 'Harðstjórn hersins í Chile' í Tímanum 11. sept. 1976. Tvær greinar mínar í Mogganum 1983 röktu svo enn frekar þróunina þar, ástand og horfur.

Mönnum getur skjátlazt, en þeim hinum sömu á að vera heimilt að átta sig, leiðrétta afstöðu sína og tjá sig þá aftur skýrt og greinilega, ekki satt?!

[Svavar Bjarnason (IP-tala skráð) 12.9.2011 kl. 10:46]

Já, það er rétt Jón Valur. Allir hafa rétt til að átta sig og  leiðrétta afstöðu sína og er það hið besta mál.

Og ég held líka að þú eigir eftir að átta þig og leiðrétta afstöðu þína ansi oft í framtíðinni um núverandi skoðanir þínar! 

[Óskar, 12.9.2011 kl. 12:43]

Svavar segir akkúrat það sem ég þarf að segja, óþarfi að endurtaka það.  Það er í mínum huga enginn vafi á því að þjóðernisofstæki Jón Vals og félaga hefur stórskaðað þjóðina.  Hversu mörg ár Jón Valur þarf til að sjá það sjálfur verður að koma í ljós.

[Jón Valur Jensson, 12.9.2011 kl. 16:39]

Hvaða "þjóðernisofstæki"? Heyr á endemi! Er það kannski þjóðernisofstæki að vilja ekki, að Ísland verði partur af Evrópusambandinu?

Nákvæm skilgreining á meintu þjóðernisofstæki mínu óskast!

PS. Svavar, ég vona að það eigi við um þig ekki síður en mig að geta bætt við þekkingu og endurskoðað fyrri afstöðu. Þið á vinstri kantinum eruð ekkert yfir það hafnir - eða hvað?!