Tusku troðið upp í forystu FLokksins!

Forystumenn flokksins Bjarni Ben, náhirðin svo maður tali nú ekki um allt háhirðarsorpið hér á blogginu hafa vælt og skælt mánuðum saman að það verði að draga umsóknina til baka.  Bjarni Ben þorir nú almennt ekki að taka ákvarðanir sem eru í andstöðu við skoðanir Hádegis-Móra svo hann hefur sótt málið hart og hamast á ríkisstjórninni.

Hvað gerist svo í dag?  Nokkuð sem ég verð að viðurkenna að ég hefði aldrei trúað að gæti gerst.  það reynist vera vitglóra í hinum almenna sjálfstæðismanni, landsfundurinn tróð tusku upp í forystuna og sagði hingað og ekki lengra!  

Sennilega er þessi atkvæðagreiðsla stórsigur fyrir ríkisstjórnina!

Felldu tillögu um að draga umsókn til baka

Athugasemdir

[Eyjólfur G Svavarsson, 20.11.2011 kl. 15:48]

Þetta er bara bull í þér óskar. þú ert búinn að standa á tánum og bíða eftir að kosningu ljúki svo að þú getir komið þessu fyrirfram séða bloggi þínu á framfæri! En ríkisstjónin er búinn að vera, Það er deginum ljósara. þess vegna lætur þú svona!!

[Gunnlaugur Ingvarsson (IP-tala skráð) 20.11.2011 kl. 16:11]

Sæll Óskar þetta er þvílíkt bull og vitleysa í þér.

1. Landsfundur Sjálfsstæðisflokksins ályktaði og var algerlega sammála um það að hagsmunum þjóðarinnar væri best borgið án ESB aðildar. Meðal annars Þorgerður Katrín sem hingað til hefur verið ein af örfáum áhrifamönnum flokksins sem daðrað hefur við ESB aðild. Takið vel eftir að hún kvittaði líka undir þetta.

2. Síðan var fundurinn einhuga um það að hann styddi ekki ESB aðildar- og aðlögunarviðræður Ríkisstjórnarinnar.

3. Alger samstaða var um það að stöðva ætti aðildarviðræður við Evrópusambandið sem allra fyrst.

Eini ágreiningurinn var á þá lund hvernig og með hvaða hætti ætti að gera það.

Annar hópurinn vildi stöðva þær nú þegar um óákveðinn tíma og að þær gætu ekki hafist aftur án undangenginnar þjóðaratkvæðagreiðslu þar sem meirihluti þjóðarinnar kysi um það og samþykkti það.

Hinn hópurinn vildi ganga enn lengra og slíta ESB aðildarviðræðunum þegar í stað, punktur.

Ég sé ekki stóran mun á þessum tillögum, sem báðar nutu mikils fylgis.

Báðar tillögurnar vildu jarða þessa ESB umsókn nú á Landsfundinum.

Eini ágreiningurinn var um aðferðir við aftöku þessarar ESB umsóknar.

Nú hefur aftakan verið ákveðinn með þessum hætti og ég er mjög sáttur við hana þó ekki sé ég stuðningsmaður Sjálfsstæðisflokksins en engu að síður gallharður andstæðingur ESB aðildar og þessi skýra afstaða Sjálfsstæðisflokksins skiptir miklu máli fyrir þjóðina alla.

Þetta var frábær sigur fyrir alla okkar sem unna fullveldi og sjálfsstæði íslensku þjóðarinnar án, ESB helsis.

Enda fór það svo að báðar fylkingar flokksins sættust á þessa niðurstöðu þegar hún lá fyrir.

[Sleggjan og Hvellurinn, 20.11.2011 kl. 17:38]

í fyrsta lagi er sjálfstæðisflokkurinn í stórnarandstöðu og þar með með öllu valdlaus þess vegna er ESB ferlið á flegi ferð og mun vera það.

Svo ef xd kemst til valda og það verður farið í þjóðaratkvæði um hvort við eigum að klára samninginn þá er meirihluti þjóðarinnar á því..

allt tal um að ESB ferlið er dauðadæmt er blekking.

hvells

[Gunnlaugur I., 20.11.2011 kl. 19:52]

@ Sleggjan & Hvellurinn.

Þið stundið stöðugan sjálfsblekkingar leik. Það verður gaman að tala við ykkur þegar þetta ESB rugl allt saman verður endanlega komið út af borðinu. Það styttist alltaf í það. Samfylkingin er ein og algerlega einagruð í ESB málinu og mikill meirihluti þjóðarinnar er líka algerlega andvígur ESB og svo hefur verið um langan tíma. Alveg sama hvaða sjálfsblekkingarleiki "JÁ ÍSLAND" og þið reynið að stunda og ljúga af sjálfum ykkur og öðrum.

Sannleikurinn á eftir að reynast ykkur og ESB trúboðinu á Íslandi dýrkeyptur áður en yfir líkur !

[Óskar, 20.11.2011 kl. 20:31]

Dálítið fyndið að sjá Gunnlaug segja að "Samfylkiginer ein og algerlega einangruð í ESB málinu" þega sjálfstæðisflokkurinn er klofinn niður í garnir í sama máli!!

[Anna Sigríður Guðmundsdóttir, 20.11.2011 kl. 21:07]

Hvernig er það, á ekki hagur þjóðarinnar allrar að vera aðalatriðið, en ekki hagur einstakra flokka og fylgismanna þeirra? Ég hef ekkert vit á flokkapólitík. Það er víst öllum vel ljóst, sem fylgst hafa með mínum skoðunum.

En ég hef nokkuð skynbragð, og þó nokkurt vit á, hvað telst réttlátt og hvað óréttlátt fyrir hag heildarinnar, sem er almenningur í þessu landi, sem stritar eins og þrælar, fyrir sérhagsmunum svikaflokkanna á Íslandi.

Það er enginn munur á hægri og vinstri flokkum. Þetta er allt sami grautur í sömu skál spilltrar stjórnsýslu á Íslandi. Hvenær verða staðreyndir opinberaðar um flokkana á Íslandi?

Við þurfum ekki fleiri dýra leiklistar-fundi í þágu sérhagsmuna-afla (flokks-klíka), heldur raunveruleikafundi í þágu heildarinnar.

Nú er Game Over (leikurinn búinn), eins og unga fólkið hefði kallað staðreyndirnar. Unga fólkið skynjar betur muninn á réttu og röngu, heldur en gömlu pólitísku sérhagsmunaklíkurnar sem öllu eru að tortíma, bæði hér á landi og erlendis. 

Ég óska Bjarna velfarnaðar í starfi sínu sem formaður Sjálfstæðisflokksins, en sé ekki að hann eigi neina sæludaga framundan í þessu ömurlega hlutverki í pólitísku leikriti fáránleikans gjörspillta.

Hönnu Birnu óska ég til hamingju með að hafa sloppið við þessa fjarstýrðu formanns-spillingarstöðu. Hún á börn sem hún gleðst örugglega óendanlega mikið yfir að fá að vera til fyrir áfram.

M.b.kv.