Hættu þessu andskotans væli maður...

Afsakið orðbragðið en djöfull er maður orðinn þreyttur á þessu siðblinda hyski sem felur milljarða í skattaskjólum og vill helst ekki borga eina skitna krónu til samfélagsins hér þegar það þarf svo sannarlega á því að halda.  Á sama tíma dynur stanslaus auglýsingaáróður frá þessu pakki í öllum fjölmiðlum þar sem engu líkara er en að sægreifarnir séu á vonarvöl og börnin þeirra éta uppúr ruslatunnum.  Hvað ætli auglýsingaherferðin hafi kostað ?

Ég er með lausn fyrir Friðrik og Sægreifana.  Takið einn af þessum döllum ykkar, fjölmennið sægreifastéttinni á hann og siglið sem lengst í burtu og komið aldrei aftur.  Mín vegna megið þið taka með ykkur allt sem þið hafið stolið, bara ef þið komið aldrei aftur.

Eyðilegging á sjávarútvegi

Athugasemdir

[Axel Jóhann Hallgrímsson, 29.5.2012 kl. 22:18]

Kristján Ragnarsson f.v. framkvæmdastjóri LÍÚ var frægur fyrir sinn króníska grát. En nú keyrir um þverbak, það þurfti að leggja nýtt 6 tommu dren þvert og endilangt um höfuðstöðvar LÍÚ til að taka við öllu táraflóðinu og dugir varla til.

[Tryggvi Þórarinsson, 29.5.2012 kl. 22:40]

Alveg ótrúlegt að lesa svona skrif eins og á þessu bloggi.

Getur þú sagt mér hvað sjávarútvegsfyrirtæki greiða í tekjuskatt og launatengd gjöld og veistu hvað þau kaupa mikla þjónustu?

Veistu hvað gerist ef hinir og þessir fara að vasast í þessari grein og verðfall verður á okkar afurðum vegna þessa að traustir markaðir tapast, hvað tapast margir tugir miljarða við það?

[Hreinn Sigurðsson, 30.5.2012 kl. 01:38]

ÉG er sammála þér Tryggvi Þórhallsson. En þig Óskar langar mig að spyrja Hvað hefur þú greitt til samfélagsins? Svona hatursáróður eins og þú stundar er ógeðfelldur, ætli þú myndir ekki væla eins og stunginn grís ef stjórnvöld myndu ráðast að atvinnu þinni með svipuðum hætti?

[Óskar, 31.5.2012 kl. 18:11]

Held að ummæli Hreins dæmi sig sjálf.  Að sjálfsögðu borga ég minn 40% tekjuskatt til samfélagsins ásamt ýmsum öðrum sköttum og gjöldum.  Þetta er enginn andskotans hatursáróður.  Þessir delar hafa falið tugi milljarða í erlendum skattaskjólum og þola alveg veiðigjaldið þó þeir haldi öðru fram.  Það er ekki verið að ráðast á neinn atvinnuveg eins og LÍÚ mafían stillir þessu upp, heldur verið að fá sjávarútvegsfyrirtækin sem vel standa til að greiða meira til samfélagsins fyrir auðlindina en þau gera.  - sem er mjög eðlileg krafa.