Hvernig má það vera að 17000 króna herbergi skili að eins 7% vaski ?

Miðað við verðlagninguna í gistibransanum þá er það með ólíkindum að virðisaukaskatturinn sé aðeins 7%.   Það er alveg kristaltært að ef einhver atvinnugrein í dag þolir að borga fullan vask þá er það ferðaþjónustan.  Þar græða menn á tá og fingri um þessar mundir því ef verð á gistingu eru skoðuð þá er verðlagningin gjörsamlega glórulaust.  Algengt verð á hótelherbergi í borginni er 15-30.000 sólarhringurinn og þar af aðeins 7% vaskur!  Það sjá allir að þessi álagning nær ekki nokkurri átt.

Að auki bíður mismunandi vaskur uppá allskyns rugl og vel þekkt dæmi er að skrá sölu á annarri þjónustu á hótelum eða gisiheimilum sem gistingu og skila þannig 7% vaski þegar hann ætti að vera 25%!

Tímabært að afnema afslátt

Athugasemdir

[Guðmundur Björn, 13.8.2012 kl. 19:57]

Hótelherbergi eru dýr á sumum stöðum, en þú verður að taka inn almennar verðhækkanir á vöruverði og svo launahækkanir.  Ég er samt sammála um að sum hótel eru fjandi dýr og það furðulega.  Samt sem áður er ruglið í kerlingunni með ólíkindum, þar sem hún er að afsaka þessa hækkun með afsláttarrugli.  Hvenær líður þá að því að tekjur af menningar- og listviðburðum verði skattskyldar? Tekjur björgunarsveita sem ekki flokkast sem styrkur?  Ja, þ.e.a.s. ef þetta hefur allt verið á afsláttarkjörum skv. skilgreiningunni hjá henni?

[Björn Geir Leifsson, 13.8.2012 kl. 20:00]

Auðvitað skelfilegt ef einhver er farinn að þéna á þessum bransa.

[Njáll Skarphéðinsson (IP-tala skráð) 13.8.2012 kl. 20:04]

Hótel þurfa að halda uppi rekstri allt árið. Það er þó aðeins rétt yfir sumartímann þar sem tekjunar koma inn. Á veturnar eru tekjunar lægri svo um munar en þá þurfa hótelrekendur enn að halda rekstrinum gangandi og eins og þú ættir að skilja þá standa vetrar mánuðirnir í mínus.

Ef hótel græða á „tá og fingri“ þá skilar það sér auðvitað í ríkiskassann: auknar gistingar þýða aukinn gistináttsskattur og því borga hótel meiri VSK. Því arðbærari sem gististaðirnir verða því hærri tekjuskatt skila þau í ríkiskassann. Ekki má heldur gleyma bæði auðlegðarskattinum og skattgreiðslum af arði sem EINNIG skilar sér í ríkiskassann.

Skildu hótel landsins þurfa að hækka gistináttsverð um 17%, rúm, þá myndi ferða mannastraumurinn snar minnka þar sem við erum í alþjóðlegri samkeppni. Þetta er einföl hagfræði sem ungir krakkar ættu jafnvel að ná tökum á að skilja. Færri greiðslur myndu berast af gistináttskatti, færri gistinætur myndu skila sér í því að 25,5% skattlagningin myndi ALDREI skila sér öll inn í kassan. Fæst hótel gætu skilað hagnaði af rekstri og því myndi tekjuskatturinn af gististöðum verða lítill sem enginn. Og ekki má gleyma arðgreiðslum. Ef enginn er hagnaður er lítið um arð og því verður ekki greiddur neinn skattur af arðgreiðslum.

[Guðborg Eyjólfsdóttir, 13.8.2012 kl. 20:23]

Ferðaþjónustan þénar kanski á tá og fingri á sumrin sem betur fer, en þeir eru nú ansi margir mánuðirnir sem þarf að halda úti þessum gistihúsum og starfsfólki án þess að það sé mikill ferðamanna straumur og það er dýrt

Mér finnst út í hött að hækka þennan skatt þegar við erum að komast á skrið með ferðamanninn það stofnar því einungis í hættu

[Þorsteinn Sigfússon (IP-tala skráð) 13.8.2012 kl. 20:35]

Óskar væntanega viltu fá morgunverð með 17 þúsund kr herberginu og kannski sér bað líka?

[sigkja (IP-tala skráð) 13.8.2012 kl. 21:38]

Þá mætti einnig segja;...Miðað við verðlagninguna í matvælaibransanum þá er það með ólíkindum að virðisaukaskatturinn sé aðeins 7%. Það er alveg kristaltært að ef einhver atvinnugrein í dag þolir að borga fullan vask þá er það matvælaframleiðslan. Þar græða menn á tá og fingri um þessar mundir því ef verð á matvælum er skoðuð þá er verðlagningin gjörsamlega glórulaust. Algengt verð á nautalund er 3-5.000 krónur kílóið og þar af aðeins 7% vaskur! Það sjá allir að þessi álagning nær ekki nokkurri átt.

Að auki bíður mismunandi vaskur uppá allskyns rugl og vel þekkt dæmi er að skrá sölu á annarri vöru í verslunum sem matvöru og skila þannig 7% vaski þegar hann ætti að vera 25%!

[Arnar (IP-tala skráð) 14.8.2012 kl. 07:06]

Á hvaða forsendum ætti fólk að fara annað? Hótel á Íslandi eru nú þegar dýrari en á mörgum öðrum mun vinsælli ferðamannastöðum þannig að fólk er varla að leggja það fyrir sig.

Hvað sem því líður... þá er mjög einkennandi fyrir alla skattahækkana umræðu þessar öfgar um afleiðingar hækkunnar. Vísa ég þá bæði í auðlindagjaldið sem til stendur/stóð að setja á sjávarútveginn - og nú þetta. Þó ég sé persónulega á móti skattahækkunum, þá finnst mér jafn ólíklegt að ferðamannabransinn á Íslandi verði eyðinlagður með þessari hækkun og að allir sjómenn á Íslandi missi vinnuna á einu bretti. Það er ekki hægt að taka mark á fólki sem að heldur þessu fram.

[Óskar, 14.8.2012 kl. 12:10]

Tek undir með Arnari.  Um leið og það fer einhver umræða í gang um að láta atvinnuvegi sem blómstra greiða eðlilega rentu til samfélagsins þá fer í gang alveg skelfilega vitlaus hræðsluáróður um að allt helvítis draslið fari á hausinn.  Þetta sér hver maður að er í besta falli hlægilegt.  Ég veit vel að ferðamannatíminn hér er stuttur en þó er það nú þannig að hingað koma sífelt fleiri ferðamenn yfir veturinn.  VSK lækkunin á sínum tíma var aldrei hugsuð til framtíðar, heldur meðan verið væri að treysta undirstöður greinarinnnar.  Nú er svo komið að þessi atvinnugrein stendur undir sér og gott betur en það , það eru því engin rök lengur að hún sé á einhverri sérstakri undanþágu.  Held að menn ættu frekar að skoða hjá sér verðlagninguna, álagninguna á gistingu sem er algjörlega glórulaus og ef eitthvað fælir frá þá er það hamslaus græðgi í þessari atvinnugrein um þessar mundir.

[Þorsteinn Sigfússon (IP-tala skráð) 14.8.2012 kl. 18:49]

Óskar ,þú hefur uppi stór orð án röksemda og talar um glórulausa álagningu eg refst þess að þú færir rök fyrir máli þínu enda ertu maður að minnu ef þú gerir það ekki, eins vil eg þú svarir spurningu minni frá í gær.

Eins mætti færa rök fyrir því að laun þín séu hamslaus græðgi..................ef þú ert þá á ekki á frammfæri vinnandi manna

[Óskar, 14.8.2012 kl. 19:14]

Þorsteinn svo ég byrji á spurningunni í gær, morgunmatur er nú ekki alltaf innifalinn - en hvað heldur þú að kostnaðurinn við hann sé af 20-30.000 kr. hótelherbergi ? Sér bað , so what ?   Ég kalla það glórulausa álagningu þegar hótelherbergi í Reykjavík kostar 20-30.000 krónur sem er mjög dýrt á alþjóðamælikvarða.   Ég veit ekki betur en mörg hótel séu keyrð á erlendu starfsfólki á lúsalaunum svo varla er það afsökun.  Nei ég er ekki á framfæri vinnandi manna og borga mína skatta með glöðu geði.