Gott skref - flugvöllinn úr miðborginni takk

Flugvöllurinn tekur alltof mikið pláss á stóru svæði nærri miðborginni.  Flugvellir eiga ekki að vera nærri miðborginni þó ekki væri nema af öryggisástæðum.  Þar fyrir utan er nóg pláss fyrir innanlandsflugvöll á Hólmsheiði sem er í ásættanlegri fjarlægð frá borginni.

Höfuðborgarsvæðið er orðið alltof dreift og nauðsynlegt að þétta byggðina miðsvæðis í stað þess að byggja sífellt ný hverfi.  Allt væl landsbyggðarfólks í þessu sambandi er hjákátlegt, þetta er borgin okkar og við sem búum hér ákveðum að sjálfsögðu sjálf hvort við höfum flugvöll í miðborginni eða ekki.  Það væri ekkert stórmál að hafa rútu og leigubílaþjónustu frá nýjum flugvelli á Hólmsheiði, það er allavega hægt í Leifsstöð.

Kallaði eftir afskiptum Ögmundar

Athugasemdir

[Sturla Snorrason, 15.3.2013 kl. 19:41]

Sæll Óskar, skoðaðu þessa mynd og segðu okkur svo að flugvöllurinn sé í miðri borg eða skoðaðu kort af höfuðborgarsvæðinu. Seinipartinn í dag hefði Hólmseiðin verið illfær vegna sviptivinda norð-austan, ríkjandi vindátt.

 

[Óskar, 16.3.2013 kl. 02:30]

Ég veit ósköp vel að miðborg reykjavíkur er ekki beint miðsvæðis, liklega er miðdepillinn nær Skeifunni.  Það breytir því ekki að verðmætasta svæðið í Reykjavík nú og verður það áfram er að sjálfsögðu það sem við köllum miðbæinn og flugvöllurinn er í aðeins seilingarfjarlægð frá honum.   Nú ef Hólmsheiðin er ekki nógu góð þá á bara að flytja innanlandsflugið til Keflavíkur.  Þaðan er aðeins um 45 mínútna akstur til Reykjavíkur og samgöngur góðar.  Þetta er bara frekjukast í landsbyggðinni að skipta sér af þvi hvar Reykvíkingar setja flugvöll.  Ekki skipti ég mér af því hvar og hvernig Akureyringa setja niður sín mannvirki, bara gæti ekki verið meira sama.