Enn er Jóhönnustjórninni hrósað

Glöggt er gests augað og allt það.  Enn og aftur hrósa virtar alþjóðastofnanir á sviði viðskipta og efnahagsmála fráfarandi ríkisstjórn.  Meiraðsegja konungur lýðskrumaranna, forsteti Íslands, gat ekki á sér setið og hrósaði stjórninni þegar hún fór frá og afhenti silfurskeiðabandalaginu völdin, illu heilli.

Íslenska þjóðin er áhættusækin og samkvæm sjálfri sér, þessvegna ákvað hún að gefa hrunflokkunum tækifæri á ný í þeirri von að skuldir heimilanna yrðu afskrifaðar fyrir sumarlok.

Við höfum nú þegar séð hvernig silfuskeiðungar fara af stað, færa auðmönnum tugi milljarða sem annars hefðu runnið í ríkissjóð, ráða fjárglæframenn í mikilvæg embætti, fara í stríð við umhverfissinna, námsmenn, öryrkja og aldraða.  Svona stjórna silfurskeiðungar, lánamál heimilanna fryst í nefndum eins og ég reyndar bjóst við.   

Boðaður er halli á ríkissjóð enda silfurskeiðabandalagið að kasta frá sér tekjum á borð við veiðileyfagjaldið, auðleggðarskattinn og hækkunina á gistináttavaskinum.  Allt fullkomlega óþarfar og fáránlegar aðgerðir.  Það styttist í það að við förum svona almennt að sakna síðustu ríkisstjórnar sem ólíkt þessari tók stöðu með almenningi  en ekki auðmönnum.

Ísland heldur stöðu sinni

Athugasemdir

[Jóhann Kristinsson, 17.7.2013 kl. 15:47]

Er þetta ekki sama grúpan sem gaf Íslandi AAA lánshæfiseinkun fyrir hrun?

Kveðja frá Dubai.

[Óskar, 17.7.2013 kl. 16:50]

Og hvað, eru þeir þá ekki marktækir ? Það er ekki eins og þetta sé fyrsta stofnunin sem er að hrósa fyrrverandi ríkisstjórn, það hafa t.d. OECD, IMF og fjöldi óháðra stofnana og úttektaraðila gert.

[Óskar, 17.7.2013 kl. 16:50]

,,en já Sigmundur kallar þetta bara útlenskar skammstafanir enda maðurinn ekki jarðtengdur frekar en hinir vitleysingarnir í stjórninni.

[Jóhann Kristinsson, 18.7.2013 kl. 18:53]

Ja hvað finnst þér Óskar er eitthvað að marka það sem kemur frá þeim?

Kveðja frá Dubai.