Afhverju tjáir hinn dæmdi ritþjófur sig ekkert um þetta mál ?

Til að byrja með vil ég taka fram að ég er algjörlega sammála Brynjari - og það gerist ekki oft!  Háskólinn setur sjálfan sig í ruslflokk með þessu framferði, að eltast við hatursskrif þekktra dólgafemínista.  Jón Baldvin var aldrei dæmdur og gerði í raun lítið af sér nema skrifa klúr og klaufaleg bréf til unglingsstúlku sem tengdist konu hans fjölskylduböndum.  Þetta er vissulega siðlaust en tæplega ólöglegt enda eins og segir , hann var aldrei dæmdur fyrir þetta.  þar að auki er mjög langt um liðið frá því þessar bréfaskriftir áttu sér stað, rúmur áratugur.

Það er athyglisvert hverjir styðja Jón í þessu máli og ekki síður hverjir þegja!  Einn maður öðrum fremur hefur jafnan hátt þegar vinstri menn eru í umræðunni en nú heldur hann kjafti.  Það er að sjálfsögðu Háskólakennarinn Hannes Hólmstein Gissurarson.  Sá maður var dæmdur fyrir ritþjófnað en gungan sem er háskólarektor sá ekki einu sinni ástæðu til að áminna hann, hvað þá reka hann!  Verri glæpur er ritþjófnaður í akademísku samfélagi er vandfundinn.  

Háskólinn „huglaus smáborgari“

Þessi fyrirsögn á fullkomlega við ríkisstjórnina

Framsóknarflokkurinn lofaði fólki fé gegn atkvæði.  Þetta heitir mútur.  Fólkið kaus framsókn en fékk að sjálfsögðu ekkert í staðinn nema svikin loforð.  Sjálfstæðisflokkurinn lofaði skattalækkunum og bættum hag heimila landsins.  Hann hefur staðið við það fyrir SUM heimili, þ.e. heimili auðjöfra og útgerðareigenda, ekki annarra! 

Svona hefur þessi stjórn farið fram með svikum og prettum - nákvæmlega eins og segir í fyrirsögninni.

Hafði fé af fólki með svikum og prettum

Lygastjórnin skili umboðinu

Það er ljóst að hægri stjórnin hefur svikið þjóðina.  Hún lofaði bættum hag svo til strax, hún lofaði að heimili landsins mundu finna fyrir aðgerðunum strax í sumar!  Nú er sumarið á enda og hvaða heimili ætli hafi fundið fyrir aðgerðum ríkisstjórnarinnar?  Jú heimili sægreifanna og auðjöfra, EKKI ÖNNUR!

Svona fer þessi helferðarstjórn af stað , búin að kasta fyrir borð dýrmætum og nauðsynlegum tekjustofnum uppá tugi milljarða.  

Það er fullkomlega eðlilegt að væntingavísitalan hrynji enda búið að afhjúpa svikin.  Það er ljóst að í haust verður mikill hiti í pólitíkinni.  Kjarasamningar eru lausir og ríkisstjórnin þarf að koma saman fjárlögum.  Hún mun þurfa að skera niður til þess að fjármagna gjafir til kvótagreifa og auðjöfra.  Það verður ekki vinsælt.  Ég spái því að það verði búið að henda þessari stjórn útúr stjórnarráðinu fyrir áramót enda á hún ekkert betra skilið.

Svartsýnin að ná yfirhönd aftur

Óheppileg!!...

Bjarni Ben hefur semsagt troðið tusku upp í Vigdísi og segi ég nú bara þótt fyrr hefði verið.  Það er aumt hlutskipti sjálfstæðisflokksins að hafa látið framsókn teyma sig inn í stjórnarsamstarf þar sem bókstaflega allir ráðherra framsóknarflokksins eru gjörsamlega vanhæfir einstaklingar.

Ekki eru hinir venjulegu þingmenn framsóknar skárri, þar er hvert idjótið á eftir öðru, Vigdís er náttúrulega þjóðkunn fyrir vitleysisgang enda varla heil brú í höfðinu á manneskjunni.  En Bjarni , þetta situr þú uppi með og verður bara að taka afleiðingunum.

Sinni vinnu sinni í rólegheitum

Fylgið hrynur af stjórninni

Hvernig má annað vera en að fylgið hrynji af stjórninni eins og regndropar af rain x húðaðri rúðu?  Þessi stjórn eða öllu heldur óstjórn hefur á aðeins 3 mánuðum gert allt á skjön við það sem stjórnarflokkarnir lofuðu í kosningabaráttunni.  Við heyrðum Bjarna Ken gaula vatnsgreiddan í pontunni í Valhöll, Engar nefndir, bara efndir!!!  Nei þetta er ekki djók, hann sagði, eða réttara sagt hrópaði þetta mörgum sinnum við mikið klapp snobbhjarðarinnar og LÍÚ aðalsins á Háaleytisbraut 1.  Við vitum hvað varð um þessi orð! - 19 nefndir á fyrstu vikum stjórnarinnar varð niðurstaðan en aðeins efndir í einu máli, að færa LÍÚ  milljarða í staðinn fyrir múturfé sem LÍÚ greiddi í kosningasjóði framsóknar- og sjálfstæðisflokksins.   

Þegar þessu þarfasta verki stjórnarinnar var lokið hélt stjórnin svo í heilu lagi nánast til útlanda og sást varla það sem eftir lifði sumars.  Af og til birtust fréttir og myndir af ráðherrum í veislum á erlendri grundu, að sjálfsögðu allt fyrir skattfé.  Einn ráðherrann með frúna á hestamannamóti og annar að baða sig í frægðarljóma í Gimli.  Það var forsætisráðherrann sem er sennilega betri bakari en stjórnmálamaður.  Amk. eru kringlurnar hans bara nokkuð flottar eins og sést á myndinni , hann ætti kannski bara að fá kringlu í lúkuna og leika sér með hana næstu 4 árin, hann gerir örugglega mest gagn þannig.  Hin myndin er nú ekki leiðinlegri, þar sést Sigmundur aldeilis í essinu á sportbíl veifandi til mannfjöldans, enginn þekkir hann hinsvegar og fólk starir forviða á þennan monthana!  Hvaða vitleysingur er þetta eiginlega?  Jú forsætisráðherra Íslands

Skuldamál heimilanna voru grafin í nefndum.  Síðasta loforðið sem stjórnin sveik var að gefa það út að ekki yrði kosið um framhald ESB viðræðna sem þýðir einfaldlega að þjóðin verður í höndum þjóðrembunöttara, Bændasamtakanna, Kaupfélags Sauðárkróks og LÍÚ auðjöfra næstu 4 árin.  

Ég held reyndar að þegar að skuldadögum kemur og stjórnin getur ekki lengur logið sig útúr sviknum loforðaflaum þá verði henni hent útúr Alþingishúsinu.  Yrði satt að segja ekki hissa á því að silfurskeiðabandalagið verði liðið undir lok fyrir næstu áramót. 

 

Tæpur helmingur styður stjórnina

Sendillinn í Kaupfélagi Skagafjarðar stórskaðar Ísland

Sendill Kaupfélagsstjórans á Sauðárkróki hefur nú ásamt aðaldjammaranum í Gimli sem reyndar tekur laun sem forsætisráðherra Íslands, stórskaðað Ísland, haft af þjóðinni milljarða á milljarða ofan á örfáum mánuðum.  Þá þarf varla að taka fram að orðspor landsins sem ekki var nú of gott fyrir er á hraðri niðurleið eins og lækkað lánshæfismat "skammstafananna" sýnir.

Þessari ríkisstjórn hefur á 3 mánuðum tekist að:

* Stórskaða samband okkar við þær þjóðir sem 90% af gjaldeyristekjum okkar koma frá

* Færa auðjöfrum nokkra milljarða af fé sem ríkissjóður þurfti sárlega á að halda

* Klúðra  IPA styrkjunum og setja mörg innlend fyrirtæki og stofnanir í stórkostleg vandræði vegna þess.

* Setja alla vinnu varðandi náttúruvernd síðustu ár í uppnám

* Svíkja hreint ótrúlega mörg kosningaloforð á mettíma.

Dýr verður þessi hörmungarstjórn eftir 4 ár ef hún þá lifir svo lengi, - sem ég ætla rétt að vona ekki.

Ekki litið á Ísland sem ríki í umsóknarferli

Bless enski á stöð 2 - þetta læt ég ekki bjóða mér

Ég er mikill aðdáandi enska boltans og hef notið hans undanfarin ár.  Reyndar fannst mér þessi dúett Gumma Ben og Hjörvars orðinn frekar lame og þreyttur síðasta  árið , eins og þeir væru sjálfir hættir að hafa gaman af þessu.  Var af þeim sökum steinhættur að horfa á sunnudagsþáttinn þeirra.

Það er alveg sama hvað Ari Edwald reynir að afsaka þessa fáránlegu hækkun, þetta er einfaldlega ekki boðlegt.  Ég segi pass, pakka saman og reyni að horfa á leikina eftir öðrum leiðum t.d. á netinu frítt!  Takk fyrir samveruna stöð2 enski!

Enski boltinn hækkar um 28%

Umræðan um kynjahlutföll í ruglinu sem fyrr

Það er merkilegur andskoti að femínistar og aðrir þjóðfélagshópar með króníska minnimáttarkennd fari alltaf að tala um kynjahlutföll þegar þeir telja það henta þeim.  Í þessu tilviki eins og svo mörgum öðrum er það þannig að framboð af karlkyninu er miklu meira en af kvenkyninu.  Vissulega eigum við frambærilegar, jafnvel mjög góðar söngkonur rétt eins og söngvara en staðallinn í hljómsveitum almennt er að þær eru eingöngu skipaðar karlmönnum með fáum undantekningum.   Ef þetta er eitthvað issjú þá þarf að fá ungar konur/stelpur til að skipta um hugarfar og stofna sjálfar hljómsveitir.  Ég veit ekki betur en að svokallaðar kvennahljómsveitir hafi yfirleitt orðið vinsælar hér á landi, Grýlurnar og Dúkkulísurnar sem dæmi en ég hreinlega man ekki eftir fleiri hljómsveitum eingöngu skipuðum konum.  Q4U var að mig minnir með konur í meirihluta, allt voru þetta mjög frambærilegar og skemmtilegar grúbbur svo ekki skortir hæfileikana.

Þetta er svona svipað og ruglið um kynjahlutföll í forstjórastólum og stjórnum fyrirtækja.  Staðreyndin er sú að konur sækjast miklu síður eftir ábyrgð á þessum sviðum heldur en karlmenn og á þá að þröngva þeim í þessar stöður gegn eigin vilja ?  Hverjum er greiði gerður með því ?

Afhverju nefnir enginn skort á konum í stétt háseta eða í byggingarbransanum ?  - Nú eða vegavinnugerð ?  Í þessum starfsstéttum eru karlmenn sennilega um 99% starfsfólks en enginn segir múkk!

Konur eru 5% flytjenda á þjóðhátíð

Útlendingahræðsla bloggaranna á mbl alveg ótrúlega skemmtileg!

það er nú ekki á hverjum degi sem ég er sammála einhverju sem ráðherra sjálfstæðisflokksins framkvæmir en þessu er ég einfaldlega sammála enda glórulaust að banna öllum útlendingum að kaupa fasteignir hér á landi.  Margir virðast misskilja þessa frétt, hér er EKKI verið að heimila sölu á landi/jörðum, heldur eingöngu fasteignum.

Ég held að flestir Íslendingar mundu kvarta, kveina og grenja úr sér augun ef þeir þyrftu sérstakt leyfi til þess að kaupa fasteignir í Evrópu.  Svona lagað á einfaldlega að virka í báðar áttir.  Ef að menn halda að þessi breyting leiði til þess að hér standi Evrópubúar í biðröðum eftir að kaupa fasteignir þá er það mikill misskilningur.  

Hinsvegar er ég sammála því að viðhalda og jafnvel herða takmarkanir varðandi kaup útlendinga á landi.  Landið er takmörkuð auðlind, það er ekki hægt að framleiða meira af því.  Margar aðrar þjóðir hafa slíkar takmarkanir, þ.e. leyfa fasteignakaup útlendinga en banna kaup á landi.  Sem dæmi þá geta útlendingar ekki keypt land í Tælandi en þeim er heimilt að kaupa íbúð í fjölbýlishúsi EF meirihluti íbúða í húsinu er í eigu Tælendinga!  Þeir ganga því heldur lengra en við og ástæðan fyrir því er flestum kunn sem þekkja til þar,  Kínverjar væru búnir að kaupa upp Tæland ef þeir hefðu ekki þessi lög.  

Við höfum nefnilega ekkert að óttast gagnvart Evrópuríkjum en hér hefur verið einhver Kínverjadýrkun í gangi hjá sumum stjórnmálamönnum og jafnvel forsetanum sem er stórfurðuleg enda um að ræða einræðisríki sem kúgar eigin þegna.  Menn halda að Kínverjar séu einhverjir vinir okkar.  Kínverjar vingast ekki við NEINN nema þeir SJÁI SÉR HAG Í ÞVÍ! 

Nemur reglugerð Ögmundar úr gildi

Nei- jarðskjálfti þarf að vera 10x öflugri til að skapa hættulega flóðbylgju

"Engin flóðbylgju viðvörun var þó gefin út, en mikil hætta er jafnan á flóðbylgju í kjölfar svo öflugs skjálfta."

Þetta segir í fréttinni en er náttúrulega bull.  Flóðbylgja af völdum skjálfta af þessari stærð mælist í sentimetrum ef hún á annað borð verður til.  Að auki þurfa upptökin að vera á hafi úti.

Stóru skjálftarnir sem ollu flóðbylgjum við Japan 2011 og á Indlandshafi árið 2004 voru báðir yfir 9 af stærð sem þýðir að þeir voru um 500- 1000 sinnum öflugri en þessi skjálfti enda bæði Richter og M skalarnir lógarithmaskalar.   Jarðskjálftar  þurfa að vera a.m.k. yfir 7,5 af stærð til þess einhver flóðbylgjuhætta geti skapast og yfirleitt þarf reyndar mun stærri skjálfta til.

Öflugur skjálfti á Nýja-Sjálandi