Loka´nn inni og henda lyklinum

Það á nú ekki einu sinni að ræða meira við þennan vitfirring.  Bara henda honum i 2x2 klefa með engu nema kúkaræsi og henda svo lyklinum.  Samverkamenn hans ef einhverjir eru munu nást með eða án hans hjálpar.  Þetta virðist þó klikkaður sé vera eldklár andskoti og því meira sem hann fær að bulla í fjölmiðla eða í réttarhöldunum, því fleiri veikar sálir gætu farið að heillast af honum og viðbjóðslegum gjörðum hans.

Breivik setur skilyrði

Hægra öfgaruslið undir eftirlit strax takk.

Ég sendi mínar mestu samúðarkveðjur til Noregs.

Hér á landi veður uppi öfga hægri hyski og þjóðrembulið sem er til alls víst.  Ekki þarf annað en að lesa vefi eins og Amx,  jafnvel moggann á köflum í seinni tíð, skrif bloggara sem hafa hvatt til morða á stjórnmálamönnum til vinstri og nefni ég Loft Alice í því sambandi.   Omega hefur breitt út hatursboðskap í sömu átt og þessi fjöldamorðingi í Noregi.

það er ekki hægt að útiloka svipaða atburði af völdum hægra öfgarusls hér í framtíðinni.  Flest af þessu rusli hefur fundið farveg í sjálfstæðsiflokknum.   Ég mæli með því að ruslið verði sett undir eftirlit svo við þurfum ekki að horfa upp á þvilíkar hörmungar sem frændur okkar Norðmenn þurfa nú að þola.

	Reynt að eyða framtíð Noregs
Ábyrgðarmaður færslu Tenging við þessa frétt hefur verið rofin vegna kvartana.

Óvissuferðir með Iceland Express

Það eru svo sannarlega óvissuferðir sem fólk fer í þegar verslaður er flugmiði með Iceland Express.

Óvissan flest í eftirfarandi þáttum:

• Óvíst hve lengi þarf að dvelja í Leifsstöð fyrir ferð
• Óvíst hvort eitthvað vott eða þurrt fæst um borð þegar loks er komið í vélina
• Óvíst hvenær heimferð hefst
• Óvíst hve lengi þarf að dvelja á flugvelli erlendis
• Óvíst hvaða hóteli dvali er á ef IE þarf að útvega hótel því vélin kemst ekki í loftið.
• Óvíst hverjum þú sefur hjá því rekkjunautur er valinn handahófskennt.
• Óvíst hvert vélin fer sem á að flytja farþega heim þvi þeir bæta við millilendingum í tíma og ótíma.
• Óvíst hvort eða hvenær fólk fær farangurinn sinn aftir.  Ekki ólíklegt að farangur í vél til Íslands frá París lendi í Canada.
• Að lokum óvist hvort vélin kemst yfirhöfuð heim því hún er í verra ástandi en 30 ára gamall trabant.

Ef fólk vill alvöru óvissuferðir - þá á það að versla við Iceland Express!!

Ýmiskonar bilanir komu í ljós

Hvar eru nöldurseggirnir núna ?

Vegagerðin er hreinlega að vinna afrek.  Hlaupið var vart afstaðið þegar ferðaþjónustan og jafnvel þingmenn sjálfstæðisflokksins og svo ekki sé minnst á alla náhirðarbloggarana, hjóluðu í Vegagerðina og sökuðu hana um seinagang og kunnáttuleysi.  Ríkisstjórnin fékk svo sinn skammt af skömmum. 

Mér þætti gaman að sjá þetta lið sjálft byggja 120 metra langa brú á innan við viku!  Þeir sem verst létu eiga að skammast sín og taki það til sín sem eiga.

Brúin tilbúin um helgina

Munu lætin í ferðaþjónustunni kosta mannslíf ?

Krónur og aurar eru greinilega í meiri forgangi hjá ferðaþjónustuaðilum á svæðinu heldur en mannslíf.  Vegagerðin og ríkisstjórnin voru sett undir óbærilega pressu frá þessum aðilum um að leysa þetta mál helst þá mínútu sem flóðbylgjan stútaði brúnni.  Sjálfstæðismenn voru ekki lengi að nota málið afar ósmekklega í pólitískum tilgangi.

Í dag mátti engu muna að lætin í ferðaþjónustunni kostaði mörg mannslíf.  Nú á að segja við þessa aðila, "gjörið svo vel að steinhalda kjafti, þessu verður gefinn sá tími sem þarf til að koma á ÖRUGGUM samgöngum þar sem mannslíf eru ekki í hættu."

Lokað yfir Múlakvísl til 18

Ótrúlegt væl er þetta

Djöfull er maður orðinn þreyttur á mönnum sem væla út í eitt og kenna stjórnvöldum um nánast allt sem miður fer í þessu landi.  Gott ef ríkisstjórnin setti Kötlu ekki af stað. 

Ein 120 metra löng brú er mikið mannvirki sem allajafna tekur marga mánuði, jafnvel ár að reisa.  Verkfræðikunnátta þessara snillinga hlýtur að vera gríðarleg fyrst þeir halda að það sé hægt að henda upp svona mannvirki á nokkrum dögum, jafnvel bráðabirgðabrú.  Þeir ættu frekar að miðla af sinni snilldarþekkingu til Vegagerðarinnar heldur en að skæla í fjölmiðlum.  

Auðvitað grípur mogginn þetta á lofti enda kennir Mogginn ríkisstjórninni um nákvæmlega allt sem gerist í þessu landi.  Aumkunnarverður pappír.

„Finnst þetta með ólíkindum“

Breytingar í aðsigi í Thailandi

Þetta er sigur hinna "rauðu" en eins og flestir vita hafa "rauðir og gulir" verið að berjast um völdin í Thailandi undanfarin ár og á tímabili óttuðust margir borgarastyrjöld.  En hvað skýrir sigur hinna "rauðu" og hversvegna er brottrækur og að flestra mati gjörspilltur forsætisráðherra kosinn aftur til valda í gegnum systur sína sem leppar hann ?

Forsaga málsins er sú að Thaksin Shinawatra sem er frá  norðurhluta landsins, nánar tiltekið frá borginni Chiang Mai náði völdum í Thailandi í kosningum árið 2001.  Hann er talinn hafa notað völd sín óspart til að efnast og lofað íbúum landsbyggðarinnar betri lifskjörum kæmist hann til valda.  Frægt er að hann gaf nánast öllu sveitafólkinu farsíma sem að sjálfsögðu var svo í skiptum við símafyrirtækið hans!  Því verður nú samt varla á móti mælt að hann gerði heilmikið fyrir hin fátækari héruð Thailands og því er hann mjög vinsæll þar.

Íbúafjöldi Thailands er um 70 milljónir og þar af búa um 50 milljónir enn í sveitum eða smábæum.  Eftir að herinn steypti Thaksin af stóli í byltingu árið 2006 komust "gulir" til valda með aðstoð hersins en það eru fulltrúar millistéttarinnar og efnafólks einkum frá Bangkok svæðinu.  Vandamál þeirra er hversu fáir stuðningsmenn þeirra eru, þrátt fyrir að í Bangkok búi um 10 milljónir manna þá dugar það skammt gegn fjölmennum sveitum landsins sem almennt styðja Thaksin og hans fólk.  Að auki eru margir Bangkok búar upprunalega úr sveitunum og eru eins konar farandverkafólk í Bangkok og er áberandi þar í láglaunastörfum.  

Stóra spurningamerkið nú er hvað herinn gerir.  Hann styður ekki Thaksin, það er alveg ljóst.  Sennilega mun herinn aldrei líða það að Thaksin komi sjálfur aftur til Thailands og taki við völdum.  Það eru breytingar í aðsigi í Thailandi og spurning hvort þær gangi átakalaust fyrir sig.

Annað og kannski stærra mál er heilsa konungsins.  Hann nýtur gífurlegra vinsælda í Thailandi og hefur verið konungur í 60 ár, lengur en nokkur annar þjóðhöfðingi á jörðinni.  Hann er sá sem sameinar þjóðina sem er í raun margklofin og þegar hann fellur frá þá hafa sumir spáð því að áhrifin gætu orðið svipuð og þegar Tito féll frá í Júgóslavíu en eins og flestir vita klofnaði Júgóslavía í ein 8 ríki eftir það með tilheyrandi stríðsátökum á svæðinu.  Það er ólíklegt að svo illa fari í Thailandi en það verður mikið umrót, það er ljóst.   Myndina tók ég í Bangkok í mars sl. þegar rauðklæddir stuðningsmenn Thaksins marseruðu um stræti borgarinnar og létu mikið fyrir sér fara!

Shinawatra sigraði í Taílandi

Það verður að einkavæða Landsvirkjun...

Þetta heyrðist hvað eftir annað úr röðum sjalla og frjálshyggjupostula fyrir hrunið að það yrði að einkavæða Landsvirkjun svo fyrirtækið yrði arðbært!  Þjóðin má auðvitað ekki njóta góðs af sterkum fyrirtækjum í eigum ríkisins. 

Kannski hefði farið betur ef einkavæðingar æðið hefði ekki heltekið allt hér á síðasta áratug með alkunnum afleiðingum.  Kannski ætti þjóðin fleiri fyrirtæki sem hún nyti góðs af í staðinn fyrir að örfáir einkaaðilar hafi fengið þessi fyrirtæki fyrir spottprís, mergsogið þau og svo sett þau á hausinn.

Var einhver að tala um fé án hirðis ?

Allt að 112 milljarðar á ári

Kvótaerfingi talar...

Lilja ætti kannski að geta þess í leiðinni hverra manna hún er.  Faðir hennar er kvótagreifi í Grundarfirði.  Ansi margir hafa látið lýðskrum Lilju í Icesave málinu og á fleiri sviðum blekkja sig og halda að hér sé á ferðinni manneskja sem ber hag almennings fyrir brjósti. 

Skoðum aðeins áherslumál hennar: Hún vildi AGS aldrei inn í landið, vildi frekar hækka skattana ennfrekar.  Reynum að gera okkur i hugarlund ástandið hér ef AGS hefði ekki rétt okkur hjálparhönd eftir hrunið.

Nú sviptir Lilja endanlega hulunni af því fyrir hvaða öfl hún vinnur, jú nefnilega náhirðina og LÍÚ klíkuna sem hefur rænt þessa þjóð sjávarútvegsauðlyndinni og ætar sér að eiga hana áfram samhliða því að taka þjóðina í afturendann áfram.  Lilja Mósesdóttir er trúverðugur fulltrúi þessara glæpasamtaka.

Segir breytingar á kvótakerfinu óraunhæfar

Aðildarviðræður að betri lífskjörum hafnar

Til hamingju Íslendingar!  Það stefnir í það að landsmönnum bjóðist betri lífskjör í formi lægra matvælaverðs, lægri vaxta, alvöru gjaldmiðils og hærri kaupmáttar svo eitthvað sé nefnt.  Úrtölumenn staglast sífellt á því að við missum yfirráð yfir auðlyndum okkur t.d. sjávarútvegnum.  Þetta er auðvitað helbert kjaftæði enda engin dæmi þess að þjóðir innan ESB missi forræði yfir auðlyndum sínum. - Svona fyrir utan það að hinn almenni Íslendingu á hvort eð er ekkert í sjávarútvegsauðlyndinni, hún er einkaeign 20 fjölskyldna í LÍÚ klíkunni.

Aðildarviðræður hafnar