Gosið að breytast?

Ef askan er dekkri en hún var í upphafi gossins þá kann að vera að þessi svokallaði súri vasi sem var einhversstaðar undir toppgígnum sé orðinn tómur og nú streymir upp hreint basalt líkt og á Fimmvörðuhálsi í mars.  Það sem vekur athygli við þetta er að gosið virðist ekkert minnka við þessa breytingu.  Kvikan er komin dýpra að en í upphafi ef þetta er raunin og virðist eiga greiða leið upp í toppgíginn.  GPS færsllur sýna að enn streymir kvika undir fjallið og meðan svo er þá má gera ráð fyrir því að gosið haldi áfram, jafnvel mánuðum saman sem er auðtvitað ekki gott fyrir bændur í nágrenninu eða ferðamannaiðnaðinn.  ELDGOS.IS

Svört aska fellur á ný

Stórhættulegt eldfjall að ræskja sig...

Þessir skjálftar eru í Bárðarbungukerfinu norðanverðu.  Það hafa verið viðvarandi skjálftar í Bárðarbungu lengi, reyndar nokkra áratugi án þess að til goss hafi komið.  Gosið í Gjálp 1996 tilheyrði Grímsvötnum þó svo að stór jarðskjálfti í Bárðarbungu hafi komið því af stað.

Bárðarbunga er hættuleg eldstöð.  Með reglulegu millibili verða miklar gos og rekhrinur í kerfinu þar sem opnast margra tuga kílómetra langar gossprungur á svæðinu milli Mýrdalsjökuls og Vatnajökuls og gjörbreyta landslagi á þessum slóðum en þarna eru flestar vatnsaflsvirkjanir Íslands og gæti gos af þessu caliberi á þessum stað valdið gífurlegum vandræðum.  Síðast gerðist þetta árið 1480 og þar á undan árið 870.  Það gæti því verið tekið að styttast í næstu hrinu.  Hér má fræðast meira um þetta.  Hm,,ætli Óli forseti viti af þessu ? :) www.eldgos.is

Jörð skelfur við Kistufell

Fékk 130 millur fyrir að halda kjafti - það tókst í tæp 5 ár

Þessi kona seldi æruna þegar hún tók við mútufé upp á 130 milljónir.  Afhverju er hún að segja frá þessu fyrst núna ?  Afhverju var ekki hægt að toga eitt einasta orð uppúr henni frá hausti 2005 og þar til nú ?  Allir vita að starflokasamningurinn hennar eftir nokkurra mánaða starf var um 130 milljónir og allir vita líka að þá upphæð fékk hún fyrir að halda túllanum á sér saman.

Í kjölfar skýrslunnar sér hún sig tilneydda til að opna á sér túllann en auðvitað harðneitar hún að þessir peningar hafi verið fyrir að halda sér saman, sjálfsagt bara eðlilegt að taka við 130 millum í starfslokasamning eftir nokkurra mánaða starf.  Þessi kona er dæmi um viðbjóðinn sem hefur þrifist í Íslensku viðskipalífi árum saman.  Hún ætti bara að halda áfram að halda kjafti og láta lítið fyrir sér fara. 

Staðfestir millifærslu frá FL

Er hann nú orðinn jarðfræðingur líka?

Forsetinn virðist geta brugðið sér í hin ýmsu gervi.  Á útrásartímanum var hann helsti pr aðili útrásarvíkinganna, mærði þá í bak og fyrir, sótti veislur og sat við hlið þeirra í einkaþotum.  Hann kannast auðvitað ekki við neitt af þessu núna.

En varðandi eldgosið þá er þetta nú ekki svona.  Vissulega er þetta frekar lítið gos en þetta er samt "the perfect storm" varðandi flugmál.  Bæði er askan einstaklega leiðinleg, fíngerð og berst langt í háloftunum og svo hefur vindátt verið sérlega óhagstæð.  það hafa orðið miklu stærri öskugos hér, t.d. Gjálpargosið 1996 sem var um 4* stærra miðað við gosefnin sem nú eru komin upp.  það þurfti ekki að stöðva flug vegna þess.  Þá má benda forsetanum á að í langflestum Kötlugosum kemur upp basaltkvika sem er þyngri í sér og litlar líkur á að askan valdi viðlíka skaða í svo mikilli fjarlægð jafnvel þó gosið yrði miklu meira.  Einhvernveginnn finnst mér að forsetinn ætti nú að læra af reynslunni og láta rétta aðila um viðtöl um hluti sem hann veit ekkert um.

Hér er góð síða um eldgos  http://www.eldgos.is/  

Gosið nú lítið annað en æfing

Lítil virðing fyrir náttúruöflunum

Þetta uppátæki þessara jackass jeppakarla er nú óneitanlega dálítið skondið þó maður hafi svona vafasaman fíling gagnvart því.  Auglýsingin sem landið fær á sjálfsagt eftir að skila nokkrum túristum í hús síðar meir en heldur finnst manni lítil virðing borin fyrir náttúruöflunum.  þeir virtu öryggisreglur - að vettugi! ,.,  en mér finnst þessar öryggisreglur reyndar hálfkjánalegar.  Að banna fólki að fara nær hrauninu en í 1 km. fjarlægð held ég að sé óþarfi.  Þetta er mjög seigfljótandi apalhraun á jafnsléttu, skríður kannski 1 meter á klukkustund eða svo og er víða reyndar hætt að renna.  Svo mun það farið að kólna það mikið að sumstaðar festir orðið snjó á því. 

Svona í lokin á þessu röfli mínu vil ég benda á nýja vefsíðu um eldgos - hún heitir að sjálfsögðu eldgos.is

Top Gear ók upp á heitt hraun

Atvinnumiðlun fanga ehf.

Þessi kona virðist vera alveg einstaklega hugmyndarík og sýnir hvað eftir annað ótrúlega sjálfsbjargarviðleitni.  Hún virðist vera margfalt afkastameiri í mansalinu heldur en Litháarnir sem verið var að dæma í 5 ára fangelsi.  Þessi ein og sér virðist hafa gert um tug kvenna út, tekið af þeim passana og hótað þeim öllu illu.  Það er athyglisvert að Stígamót og önnur femínistasamtök hafa lítið sem ekkert tjáð sig um mál þessarar atorkusömu konu en ekki vantaði yfirlýsingarnar þegar karlmenn voru grunaðir um svipað athæfi.  Hefur einhver annar tekið eftir þessu ?

Bauð samfanga vinnu við vændi

Jarðvísindamenn sváfu á verðinum- áhugamaður sá gosið fyrir

Nú hrósa þeir sér af því að hafa mælt færslu kvikunnar.  En mér finnst að jarðvísindamenn skuldi nágrönnum eldfjallsins skýringar á því afhverju þeir sáu gosið ekki fyrir með nokkurra klukkustunda fyrirvara.  Kanski finnst einhverjum ég kröfuharður en skoðum aðeins málið:

Í kringum eldfjallið er allt morandi af tækjabúnaði sem komið hefur verið fyrir undanfarin ár og sérstakar fjárveitingar settar í þau verkefni svo hægt væri að vara við gosi í tæka tíð.

Áhugamaður um jarðskjálfta virðist hafa séð gosið fyrir 3 klst áður en það kom upp.  Bendi á innlegg no 153 á þessum þræði á malefnin.com  Þar bendir hann réttilega á kl. 20 49 í gærkvöldi að lágtíðniskjálftar sem fylgja eldsumbrotum verða kl 18 24  og 19 11 í gærkvöldi ásamt því að mjög grunnir jarðskjálftar mælast, í raun yfirborðsskjálftar nokkrum klukkustundum fyrir gos.  Þetta áttu hámenntaðir og þrautþjálfaðir jarðvísindamenn einfaldlega að sjá og láta uppfæra hættustigið upp úr kl. 20 í gærkvöldi.

En hversvegna skiptir þetta máli?  Jú, til allrar hamingju kom þetta gos upp á milli jöklanna en ekki undir Eyjafjallajökli sjálfum.  Hefði það gerst þá hefði hlaup hugsanlega brotið sér leið undan jöklinum áður en til eldsins sást því bráðnun á sér stað meðan eldurinn er að éta sig í gegnum jökulinn.  Slíkur atburður hefði því getað komið mönnum algjörlega í opna skjöldu OG Í VERSTA FALLI HEFÐU MÖRG HUNDRUÐ MANNSLÍF VERIÐ Í HÆTTU VEGNA ÞESS AÐ MENN SVÁFU Á VERÐINUM.  Mér finnst þessir menn skulda nágrönnum eldfjallsins skýringar.

Mældu færslu kvikunnar

Gríðarleg endurnýjun...

jájá þarna er allt gamla settið.  Svo er bætt við tengdasyni fyrrverandi borgarstjóra og dóttur fyrrverandi varaformanns sjálfstæðisflokksins og formstjóra Landsvirkjunar.  það verður ekki af sjálfstæðisflokknum skafið að hann hefur aldreilis gert upp fortíð sína - sem sýnir sig best að á þingi sitja fyrir flokkinn tveir kúlulánaþegar, einn dæmdur þjófur, einn vafningur, einn sjóður 9, einn sem þekkir ekki mun á launum og arðgreiðslum og svo ein Icesave drottning.  Já þessi flokkur er alveg einstakur!

Listi sjálfstæðismanna í Reykjavík kynntur

60% Íslendinga vilja 20 stiga hita og sól alla daga

Já ef lífið væri svo einfalt að hægt væri bara að kjósa um draumastöðuna og þá kæmi hún upp eins og kölluð!  Auðvitað viljum við ekki heldur borga skuldir okkar, ég meina greidd skuld er glatað fé.

Mér finnst að veðrið ætti alltaf að vera gott.  Mér finnst líka að ríkið ætti að gefa mér eins og einn BMW bara fyrir að vera til.

Auðvitað vill fólk ekki að við ábyrgjumst þessar greiðslur.  Vandamálið er bara að þrjár ríkisstjórnir frá hruni hafa lofað að ábyrgjast þær og verið kvittað uppá siðferðislega bindandi minnisblöð þar af lútandi.  Það er því ekki option að ábyrgjast þetta ekki, eða kanski jú- en hvar stæði sú þjóð í samfélagi þjóðanna sem gefur þau skilaboð að henni sé ekki betur treystandi en þetta?  Jú, á svipuðum stað og Norður Kórea.

60% telja að Íslendingum beri ekki að ábyrgjast greiðslur

Nú ? hvað varð um 2000 milljarðana sem framsókn ætlaði að redda ?

Lygamörðurinn Höskuldur og lýðskrumarinn sem er formaður hans voru vígreifir hér í haust og fullyrtu að Norðmenn ætluðu að lána okkur 2000 milljarða, það eina sem þyrfti að gera væri bara að taka upp símann!  Þeir gerðu sig náttúrulega að algjörum fíflum eins og oft vill verða þegar framsóknarmenn opna munninn en kanski meira en vanalega í þetta skiptið.

Það væri virkilega gaman ef Íslenskir blaðamenn hefðu meira en 3ja daga minni og tækju Sigmund aðeins á teppið útaf þessum 2000 milljörðum sem Norðmenn voru svo æstir í að lána okkur.  Að vísu er Sigmundur enn að fagna kosningaúrslitunum , einhvernveginn hefur honum tekist að túlka þau sem sérstakan sigur fyrir stjórnarandstöðuna.  Það tók að visu enginn eftir því að það hafi verið spurt á kjörseðlinum hvort stjórnin ætti að fara frá en sennilega hefur Sigmundur fengið nettan delerium tremens inn í kjörklefanum með þessum afleiðingum.  Það er alþekkt að sjónin vill fara úr skorðum við slíkar aðstæður.

En btw. afstaða Norðmanna er mjög skiljanleg.  Hér hefur þjóð gert sig að athlægi í augum umheimsins með gjörsamlega fáránlegri kosningu sem fæstir skildu um hvað snérist enda er búið að túlka úrslitin á allavega 10 mismunandi vegu í dag ef ekki meira.  þessi þjóð virðist engan áhuga hafa á því að standa við skuldbindingar sínar og þarf því ekkert að vera hissa á því að aðrar þjóðir eru tregar til að veita slíkum þjóðrembum og frekjudósum einhverja aðstoð.

Ekki frekari lán til Íslands