Þessi félagsskapur er að valda þjóðinni stórtjóni

Hvenig væri nú að þessir framsóknarmenn sem stjórna indefence létu reikna út fyrir sig hvað það kostar að leysa EKKI Icesvemálið?  Nei þeir hafa engan áhuga á því.  Röksemdafærslurnar í tengdri frétt eru sumar beinlínis sprenghlægilegar svo vitlausar eru þær t.d sú að "enginn sveigjanleiki er ef önnur áföll falla á Ísland t.d. hrun fiskistofna eða jarðskjálftar".  Halló,, afhverju nefna bjánarnir ekki kjarnorkustyrjöld líka nú eða innrás frá geimverum ?

Það er yfirleitt þannig í samningum að þeir nást ekki nema báðir aðilar séu sáttir við þá.  Það er alveg ljóst og INDEFENCE HAMRAÐI ÍTREKAÐ Á ÞVÍ AÐ VEXTIRNIR VÆRU AÐALMÁLIÐ, nú allt í einu eru þeir ekki aðalmálið.  Þetta guðsvolaða útþynnta zero IQ framsóknarhyski tókst að blekkja hálfa þjóðina og forsetann með og með hverjum deginum eykst tjónið af völdum þessa liðs.  

9% atvinnuleysi sem fer vaxandi,  framkvæmdir að stöðvast, erlent fjármagn kemur ekki inn í landið, lánshæfsimat ríkissjóðs í rusli, gengisvísitalan 230, þetta allt er að gerast núna að stórum hluta vegna þess að þetta mál er ekki leyst.  ÞETTA ÁSTAND KOSTAR ÞJÓÐINA TUGI MILLJARÐA Á MÁNUÐI OG ER ÞEGAR ORÐIÐ MIKLU DÝRKEYPTARA HELDUR EN ICESAVESKULDIN MEÐ VÖXTUM OG HÖFUÐSTÓL.  

Breytt vaxtakjör nægja ekki

Athugasemdir

[Arnar (IP-tala skráð) 22.2.2010 kl. 00:56]

Þú vilt útreikninga. Hvar eru þínir?

[Axel (IP-tala skráð) 22.2.2010 kl. 01:08]

Það getur alltaf eitthvað komið upp á og atriðin, "hrun fiskistofnsins" og "jarðskjálftar" voru bara nefnd sem dæmi til að sýna hvað þeir ættu við.

Það er enginn að tala um að leysa ekki icesave-málið. Það er öllum ljóst að þetta er mál sem þarf að leysa en það þarf bara að gera það á réttan hátt. Ég held að uppbygging okkar efnahags og trausts til lengri tíma litið sé háð því að við leysum málin á réttan hátt, sérstaklega við svona aðstæður þar sem virkilega reynir á. Ef Icesave skuldin er skuld sem við eigum að borga, þá gerum við það sannarlega og það yrði slæmt fyrir þjóðina ef við gerðum það ekki. Á sama hátt borgum við alls ekki skuld sem okkur ber ekki að borga, það yrði líka slæmt fyrir okkur til lengri tíma.

[Einar Björn Bjarnason, 22.2.2010 kl. 02:56]

Dæmigert - ef fólk eins og þú virkilega nennti, að staldra aðeins við og hugsa, þá væri það því alveg augljóst að forsenda fyrir því að Ísland hafi lánskjör í framtíðinni, er að skuldabyrðin sé viðráðanleg.

Þ.e. mér ekki ljóst, hvernig það bætir okkar ástand, að hækka skuldirnar enn meira.

Kv.

[Óskar, 22.2.2010 kl. 09:31]

Einar, Icesave skuldin mun vera um 7% af skuldum þjóðarinnar. Staldra við og hugsa, ef við ráðum ekki við að borga það þá getum við sagt okkur á sveitina strax.  En menn eins og þú eru að sjá til þess að þessi 7% skuld er að valda okkur margföldu tjóni vegna þjóðernisrembu og heimsku.

Axel það mætti halda að þú sért úr röðum Incefence,, verður að leysa málð en samt viljið þið enga samninga.  Hvað heldur þú að efnahagur þjóðarinnar þoli þetta ástand lengi?  Er ekki bara málið að um leið og þú og hinir framsóknarmennirnir í incefence komist í stjórn þá kvittið þið sjálfir undir hvaða samning sem er?  Við þekkum svona vinnubrögð, þau hafa sést áður.

[Axel (IP-tala skráð) 22.2.2010 kl. 10:32]

Óskar, ég ætla að biðja þig fyrir það fyrsta að kalla mig ekki framsóknarmann, aldrei hef ég kosið þann flokk og mun sennilega aldrei gera. Ég styð hins vegar heilshugar við margt það sem Indefence gerir (þó ekki allt) og mér er svoleiðis nákvæmnlega sama hvaða stjórnmálaflokk meðlimir Indefence kjósa eða tilheyra.

Til að mynda var ég ekki einn þeirra rúmlega 50 þúsund íslendinga sem skrifuðu undir áskorun til forsetans, ég mætti aldrei niður á Austurvöll til mótmæla vegna þess að mín skoðun er ekki sú að við eigum ekki að greiða þessa skuld, heldur sú að við eigum að fá skýrara svar um það hvað okkur ber að gera áður en við tökum ákvörðun. Því miður eru allt of margir auðtrúa Íslendingar sem halda að allt fari bara í lag við það að Icesave samningarnir sem bretar og holledingar rétta okkur verði undirritaðir. Þetta virkar bara ekki svona.

Vandamál okkar íslendinga í dag eru fyrst og fremst þau að við skuldum mikla peninga, þess vegna lækkar kaupmátturinn, þess vegna lækkar gegnið, þess vegna er atvinnuleysi, vegna þess eins að við skuldum mikla peninga. Hátt gengið krónunnar á sínum tíma, há laun, lítið atvinnuleysi, mikill falskur kaupmáttur Íslendinga blindaði marga og gerði það að verkum að fólk skuldsetti sig langt umfram það sem það réði við til lengri tíma. Við verðum bara því miður að lifa við það í nokkurn tíma og ástandið hér fer ekki að batna fyrr en við erum búin að greiða niður hluta af okkar skuldabyrðum og við höfum náð að endurheimta traust.

Icesave er að sjálfsögðu mál sem þarf að leysa eins og svo margt annað en það verður ekki gert með samningum nema að Bretar og Hollendingar mæti okkur á móti. Við verðum að fá dómsúrskurð fyrst sem sker úr um það hvað okkur ber að gera í raun og veru. Ef í ljós kemur að þessi skuld er okkar að greiða skal ég fyrstur Íslendinga kjósa með því.

[Anna Einarsdóttir, 22.2.2010 kl. 11:39]

Ég hef eftir traustum heimildum að áætlaður kostnaður okkar vegna "ófrágengis Icesave" sé um 50 milljarðar á mánuði.  Jafnvel allt að 70 milljarðar.  Þetta er sá kostnaður sem fyrirtæki, sveitarfélög, ríkissjóður og aðrir eru að greiða í formi hærri vaxta.

Stjórnarandstaðan notar Icesave til að freista þess að ná völdum.  Þeir vilja ekki semja um eitt eða neitt.  Það er löngu orðið augljóst.

[Axel (IP-tala skráð) 22.2.2010 kl. 12:18]

Þetta er auðvitað bara bulláróður sennilega uppruninn frá kröfuhörum. Hvaða vextir eru það sem lækka svona svaklega við að Icesave verði samþykkt??

Ef þú ert að tala um vexti sem safnast upp við skuldina þá hækka þeir parabólískt og því ekki hægt að koma með nákvæma tölu nema þá bara sem hlutfall af fyrri mánuði en einfaldir útreikningar sýna okkur að miðað við 600 milljarða skuld eru það um 2.8 milljarðar á mánuði sem biðin kosta okkur og nýju vaxtakjörin sem verið er að reyna að semja um núna covera það að öllum líkindum.

600*10^9*1.055^(1/12)-600*10^9 = 2.6830e+09 kr.

Annars væri auðvitað fróðlegt að fá að sjá þessa útreikninga frá þessum "traustu heimildum" en það er auðvitað forsenda þess að hægt sé að taka mark á því.

Annars skil ég ekki afhverju fólk þarf að gera öll mál pólitísk. Þetta mál á auðvitað ekki að hafa neitt með pólitík að gera.

[Sigurður Eggert Halldóruson, 22.2.2010 kl. 12:18]

Auðvitað á ekkert að semja um þessa skuld. Þetta er hárrétt sem Axel segir, og ef þeir standa strangir á að vilja ekki fara með þetta í dómstól þá geta þeir hirt Landsbankann.

Það að því fylgi kostnaður að málið sé ófrágengt eru ekki rök til að drífa í því að yfirtaka skuld sem er ekki þjóðarinnar.

[Halldóra Hjaltadóttir, 22.2.2010 kl. 12:26]

Ég hef það eftir traustum heimildum að lagalega og siðferðislega beri Íslendingum ekki skilda til þess að borga svo mikið sem eina evru. Bretar og Hollendingar geta tekið þetta þrotabú og látið þar við sitja eða sótt sitt mál fyrir dómstólum.

Það er ekki um neitt að semja og er þetta mál skrípaleikur frá A-Ö. Icesave- málið skal ekki notað sem afsökun stjórnarliða fyrir frekari skattpíningum á fyrirtæki og einstaklinga.

[Óskar, 22.2.2010 kl. 12:37]

ég vil minna Halldóru og þá sem halda uppi þessum málflutningi á að þrjár Íslenskar ríkisstjórnir hafa LOFAÐ AÐ STAÐIÐ YRÐI VIÐ ÞESSAR SKULDBINDINGAR.  Árni Matt skrifaði undir minnisblað um drög að samkomulagi þar sem talað var um 7,4% vexti og byrja að borga strax!  Við Íslendingar getum einfaldlega ekki og höfum ekki efni á því að standa ekki við það sem við segjum.  Margir aðilar hér, ss ríkisstjórn , seðlabanki og landsbankinn fullyrtu við Breta og Hollendinga að Íslendingar mundu borga þetta.  Verði ekki staðið við það þá verður þessi þjóð álitin ómerkileg, stendur ekki við samninga og ekki treystandi í viðskiptum.  Því höfum við einfaldlega ekki efni á.

[Einar Björn Bjarnason, 22.2.2010 kl. 15:14]

Axel - hvaða helvítis þvættingur er þetta, um 7%.

Skv. reikningum Anne Sibert, sem er ráðgjafi ríkisstjórnarinnar:

-----------------------------------

http://voxeu.org/index.php?q=node/4611

"Recent estimates are that close to 90% of Landsbanki’s assets will be recovered. In this case, the estimated net present value of the end of 2015 Icesave debt burden is only about 14% of Icelandic GDP. This amounts to a net present value is 3,600 euros per capita and the average payment burden is less than 1% of GDP per year from 2016 until the debt is fully paid in 2024. If the asset recovery rate turns out to be only 75% then the average payment burden would be 1.2 of GDP from 2016 to 2026. "

------------------------------------

Anne Sibert

Professor and Head of the School of Economics, Mathematics and Statistics at Birkbeck College, London and a member of the a member of the Monetary Policy Committee of the Central Bank of Iceland. CEPR Research Fellow.

--------------------------------------

Er heildardæmið miðað við 90% fáist upp í, 14% af VÞF - þ.e. alls ekki 7%.

Veit ekki hvaðan þú þykist fá helmingi minna.

---------------------------------------

En, stóra málið er samt ekki þessi kostnaður, heldur sú staðreynd að í dag, án þess að bæta við frekari skuldum, er þjóðfélagið Ísland ekki með nægar tekjur til að eiga þó ekki nema fyrir vaxtagreiðslum af núverandi skuldum.

Á síðasta ári, þrátt fyrir methagnað á vöruskiptaverslun e-h í kringum 90 milljarða, var í heildina halli á utanríkisreikningi Íslands upp á cirka 50 milljara.

Þetta er án þess, að bæta við greiðslum af Icesave eða öðrum lánum, sem enn hefur ekki verið gengið formlega frá.

-------------------------

Þetta er málið, þ.e. Ísland er að stefna hraðbyri í gjaldþrot, er fullkomið ábyrgðaleysi að samþykkja frekari skuldbindingar, af nokkru tagi.

Skiptir engu máli, hverjar þær eru.

Þetta er kjarni málsins.

------------------------------

Þetta blaður um að standi á um atvinnu-uppbyggingu, er þvættingur.

Þ.e. engin atvinnu-uppbygging rétt handan við hornið.

Ekkert af verkefnum, sem plön eru á um, hafa enn verið fjármögnuð.

Vandinn með þá fjármögnun, hefur ekkert með Icesave að gera, heldur einfaldlega þá ofangreindu staðreynd að Ísland, hefur ekki greiðslugetu fyrir viðbótarskuldbindingum, af nokkru tagi.

-------------------------

Án greiðslugetu, lánar enginn okkur. Flóknara er það ekki.

Kv.

[Halldóra Hjaltadóttir, 22.2.2010 kl. 15:30]

Hvaða skuldbindingar?

Þær eru ekki til þessar skuldbindingar! Þó að einhvertíma hafi einstaklingur illa þjakaður af ofbeldi Breta og Hollendinga skrifað upp á minnisblað, þá hefur það ekkert gildi.

Þeir geta hirt þrotabúið og pillað sér, eða sótt sitt mál fyrir dómstólum.

mbkv

[Axel (IP-tala skráð) 22.2.2010 kl. 18:41]

Þetta um 7% kom frá Óskari en ekki mér