Vafningurinn gleymir eigin þætti

Alltaf er þessi Vafningur jafn aumkunnarverður í sínum málflutingi.  Hann telur sig ekki þurfa að svara fyrir 12 milljarða sem skattgreiðendur urðu að borga úr sínum vasa vegna bruðls hans og Engeyinganna í Sjóvá.  Þessi "fína" ætt hans kostaði þjóðina stórfé, engin þjóðaratkvæðagreiðsa um það, bara taka upp veskin og borga.

Svo gleymir Bjarni Vafningur að sjálfsögðu því að sjálfstæðisflokkurinn á í raun Icesave með húð og hári.   Sjalli gaf sjöllum landsbankann , honum var stjórnað af sjöllum og sjallar stofnuðu Icesave og sjallar rændu bankann innanfrá og sjallar settu svo bankann á hausinn. - Svo má ekki gleyma að Árni Matt skrifaði uppá minnisblað fyrir Breta og Hollendinga um að borga Icesave með 7,4% vöxtum og borga strax!  ,,,Bjarni hver þarf að svara fyrir hvað,?  Sjálfstæðisflokkurinn, getur það verið ?

Sjallar þvælast svo fyrir björgunarstarfinu í þessu landi, m.a. með því að tefja icesave vandamálið sem þeir komu þjóðinni í hvað eftir annað.    Nú loks liggur ásættanlegur samningur á borðinu og EF SJALLAR KOMA Í VEG FYRIR AÐ HANN GANGI Í GEGN,  ÞÁ VERÐA AFLEIÐINGARNAR ALFARIÐ Á ÞEIRRA ÁBYRGÐ.  - En það má reyndar nú þegar heyra á Bjarna að hann þarf að hringja í kojubyttuna uppi í Hádegismóum til að fá að vita hvort hann á að vera með eða á móti.  Það kemur væntanlega í ljós næstu daga,  ekki dettur mér í hug að Bjarni Ben hafi sjálfstæðan vilja eða sjálfstæða skoðun.  Það væri hreinlega framandi.

„Þurfa að svara fyrir fyrri samning“

Athugasemdir

[Guðmundur Ingi Kristinsson, 9.12.2010 kl. 23:05]

Talandi um sjálfstæða skoðun ef Sjálfstæðisflokkurinn hefði enga skoðun hefðir þú enga.  Að vera svona háður þessum flokki er aumkunarvert.

[Óskar, 9.12.2010 kl. 23:07]

Guðmundur ég er bara að gera mitt til að vara fólk við þessum skipulögðu glæpasamtökum sem kallast sjálfstæðisflokkurinn og verð aldrei þreyttur á því.  Takk fyrir innlitið!

[Ólafur Ingi Hrólfsson, 10.12.2010 kl. 07:05]

Óskar - mikið mátt þú vera þakklátur fyrir tilveru Sjálfstæðisflokksins - hann gefur lífi þínu einhverskonar gildi ef marka má þann ómarktæka þvætting sem þú setur frá þér.

aumkunnarverður í sínum málflutingi. ( úr þinni færslu ).

Óskar - þessi lýsing þín á ekki jafn vel við nokkuð annað en það sem frá þér kemur. Með innsláttarvillu og öllum pakkanum.

[Óskar, 10.12.2010 kl. 11:38]

Athyglisvert að þið sjálfstæðismenn gerið enga tilraun til að svara efnislega.  Þegar fólk er rökþrota þá er bara að nota eitthvað annað en rök, það þekkið þið greinilega :)