Fullkomlega vanhæf manneskja stýrir þessu embætti

Ásta Sigrún Helgadóttir stýrir embætti umboðsmanns skuldara og sýnir það enn og aftur að hún er fullkomlega vanhæf til að stýra embættinu.  Nánast ekkert gengur að vinna í málum skuldara, búið er að afgreiða aðeins brot af þeim málum sem embættinu hafa borist þrátt fyrir mikinn starfsmannafjölda og næga fjármuni til að sinna verkinu.

Ekki nóg með það - svo er embættið að senda viðkvæmar upplýsingar um skjólstæðinga sína út og suður í algjöru heimildarleysi.  Þessi manneskja á að segja af sér á stundinni.

Dreifði lista með skjólstæðingum

Frábær umfjöllun hjá Kastljósi

Það er alltaf sama sagan á Íslandi, sannleikurinn má ekki heyrast.  Ég starfaði hjá stóru ríkisfyrirtæki á árunum 2001-2008 og fátt í þessari umfjöllun kom mér á óvart.  Samskiptin við Skýrr voru kostuleg.  Linka yfirmanna stofnana gagnvart þessu fyrirtæki var sorgleg.   Allir vissu að Oracle kerfið var rusl og það dýrt rusl.  Allir sem vinna á skrifstofum ríkisins vita að ekki eitt andskotans atriði sem Skýrr lofaði hefur staðist, ekki eitt.

Ekki nóg með að Skýrr vélaði milljarða útúr ríkinu fyrir þetta ruslkerfi þá hirtu þeir allt besta starfsfólkið sem fyrirfannst á ríkisstofnunum, einfaldlega yfirbuðu rammfasta ríkistaxtana og eftir sátu ríkisstofnanir með sárt ennið og missti fólkið sem var að ná einhverjum tökum á þessu ruslkerfi til Skýrr.  Það var því hægt að ljúga hverju sem var, rukka fyrir hvað sem var og smyrja á allan kostnað án þess að menn hefðu nokkra rænu á að athuga fyrir hvað var verið að rukka fyrir og að sjálfsögðu datt engum í hug að benda þessum svindlurum á upphaflega samninginn. Eins og kom rækilega í ljós í Kastljósi þá stóð Skýrr ekki við eitt einasta atriði í þessum samningi.   

Að Skýrr hafi tekist að mjólka 4 milljarða útúr þessu Oracle braki er náttúrulega rannsóknarefni.  Það þarf að rannsaka margt, hversvegna ríkisendurskoðun liggur árum saman á skýrslunni - var þeim mútað ?  Ekki hefði það komið mér á óvart miðað við forsöguna.    Það þarf líka að rannsaka hvaða aðilar skrifuðu uppá hvaða ruglreikning sem var frá Skýrr og skelltu á skattborgara.  Þarna á að draga menn til ábyrgðar.

Trúnaðarskjali lekið til Kastljóss

Nauðsynlegt að halda sjálfstæðisflokknum frá því að vera í stjórn

Sjálfstæðisflokkurinn hefur hvorki breytt um stefnuskrá eða skipt út fólki frá hruni.  Á þingi fyrir hann sitja holdgerfingar spillingar og fjármálasukks, má þar nefna tvo kúlulánaþega, vafninginn, dæmdan þjóf, skattsvikara og menn með vægast sagt vafasama viðskiptagjörninga.  Aðeins einn af þessu liði hefur tilkynnt að hann bjóði sig ekki fram að nýju, það er skattsvikarinn og ástæðan er ekki skattsvikin heldur annir á öðrum sviðum!

Ekki hefur stefna flokksins heldur breyst frá hruni nema ef eitthvað er þá er hann orðinn enn lengra til hægri og eins og ein þingkona flokksins orðaði það réttilega, hin Íslenska teboðshreyfing.  

Það er því hagur þjóðarinnar að þetta lið komist ekki til valda á nýjan leik, slíkt er einfaldlega stórhættulegt fyrir þessa þjóð sem nú hefur fært miklar fórnir í 4 ár til þess að taka til eftir sukk frjálshyggjunnar og sjálfstæðisflokkinn.

Allir starfandi flokkar á alþingi ættu að gefa út yfirlýsingu um að þeir starfi ekki með þessum glæpasamtökum eftir kosningar.

Vill ekki ríkisstjórn með Sjálfstæðisflokki

Afturhaldið vill ekki leyfa þjóðinni að kjósa um samning

Afturhaldið á þinginu, framsókn, flóttafólkið úr VG og þjófarnir í sjálfstæðisflokknum vilja ekki fyrir nokkurn mun að þjóðin fái að sjá samning sem hún getur svo samþykkt eða hafnað.  Afturhaldið er líka á þingi fyrir sérhagsmunapakk, LÍÚ og bændaklíkunnar sem vill viðhalda haftastefnu til að covera óarðbæran landbúnað og að halda sjávarútvegsauðlindinni áfram í eigu nokkurra fjölskyldna.

Afturhaldið vill ekki að þjóðin fái að njóta kosta þess að vera í ESB og með alvöru gjaldmiðil.  Afturhaldið vill að Íslendingar borgi miklu hærri vexti en aðrar þjóðir af húsnæðislánum og öðrum lánum og afturhaldið vill að innflutningur og útflutningur verði áfram tollaður til andskotans.  Megi þetta afturhaldspakk fara fjandans til eftir næstu kosningar enda er ég bjartsýnn á að þjóðin sparki þessu rusli á haugana næsta vor.

Kosið verði um aðildarviðræður

Alveg stórfurðulegt að gjörspilltur sjálfstæðisflokkurinn fái ekki meir en þriðjung fylgis!!

Já Björn Bjarnason er aldeilis steinhissa á því að einn spilltasti stjórnmálaflokkur Evrópu sé bara ekki kominn í hreinan meirihluta.  Það er leitun að þingmanni í þessum flokki sem er með þokkalega hreint borð hvað spillingu varðar.  Sjálfur formaðurinn átti í mjög vafasömum viðskiptum svo ekki sé meira sagt og eru skattborgarar nú að greiða niður hluta þeirra "viðskipta" fyrir formanninn.  Illugi er sjálfsagt hinn vænsti maður en ekki kallaður Illugi níundi fyrir ekki neitt.

Svo má ekki gleyma kúlulánakóngnum Herbert og drottningunni Þorgerði Katrínu.  Þá er skattsvikarinn að vestan í þingflokknum og að sjálfsögðu konungur þjófanna frá Vestmannaeyjum.  

Ég er nú mest hissa á að þriðjungur þjóðarinnar sé svo illa gefinn eða upplýstur að þessu fólki detti til hugar að kjós þennan flokk sem er svo gjörspilltur frá toppi til táar að þetta  hlýtur að vera heimsmet miðað við höfðatölu.  Ég held reyndar að fólk muni átta sig fyrir kosningar og taki ekki sénsinn á að koma þessum hrungosum til valda á ný loksins þegar þjóðin er farin að sjá til sólar eftir að FLokkurinn slátraði efnahag þjóðarinnar.

Segir Sjálfstæðisflokkinn ekki ná vopnum sínum

Ragnheiður var rekin en Mogginn tiplar á tánum...

Í öllum öðrum fjölmiðlum kemur fram að mikil átök hafa átt sér stað í þingflokki sjalla sem enduðu með því að Ragnheiði var sparkað fyrir Illuga.   Mogginn tiplar auðvitað á tánum og minnist ekki einu orði á ástæður þess að Illugi er allt í einu orðinn þingflokksformaður aftur.  það má ekki falla kusk á silfrið.

Illugi aftur þingflokksformaður

Helbert kjaftæði

Atvinnuvæluliðið fer nú hamförum eins og venjulega þegar reynt er að tryggja að einhverjir aðrir en venjulegt launafólk greiði skatta og gjöld til að halda þessu þjóðfélagi gangandi.   7% Vaskurinn átti aðeins að vera tímabundinn og það vissu ferðaþjónustuaðilar.   Nú hefur þessi grein verið í mikilli sókn og er í raun að hluta til ríkisstryrkt sem sýnir sig í þvi að rikið endurgreiðir mun hærri skatta til hótela og gistiheimila heldur en þau innheimta í formi innskatts, þ.e. útskatturinn er hærri og stafar það eingöngu af mismun á virðisaukanum.  það gefur því auga leið að þessi grein situr ekki við sama borð og aðrar atvinnugreinar, hún er á ríkisstyrkjum sem á þessum tímum er algjör óþarfi.

Það þarf ekki nokkur maður að segja mer að eigendur hótela og gistiheimila geti ekki tekið þetta á sig án þess að skella því inn í verðskrána, held að menn ættu bara að skoða álagninguna í þessari okurstarfsemi.  Algengt verð á hótelherbergi er á bilinu 15-30000 nóttin og  af því greiðir rekstraraðilinn aðeins 7% vsk,, sem hann eins og áður segir greiðir í raun aldrei vegna innskattsins.

Þetta væl í þessum aðilum er óþolandi rétt eins og harmakveinin í LÍÚ sem þjóðin fær að upplifa í hvert sinn sem það kemur til tals að þessi mafía skili einhverju af hagnaðinum til þjóðarinnar.

Hækkun gerir hótel órekstrarhæf

Mogginn sko með þetta- tillagan var nefnilega samþykkt 89-1

89 með 1 á móti og fyrirsögn moggans er "ekki full sátt um ráðherraskiptin!!  Þessi fjölmiðill er náttúrulega djók.

Ekki full sátt um ráðherraskiptin

Æsispennandi keppni- hverjir væla meira, LÍÚ eða ferðaþjónustan?

LÍÚ hefur einokað vælutitilinn nánast svo lengi sem elstu menn muna.  Nú hafa sægreifarnir fengið harða samkeppni frá ferðaþjónustunni sem hefur fengið að búa að hluta til við ríkisstyrk í nokkur ár.  Það komu stórmerkilegar staðreyndir fram í þessu máli nýlega þegar í ljós kom að hótel og gistiheimili skila ekki krónu í virðisaukaskatt, þvert á móti fá þessir aðilar hundruð milljóna endurgreiddar frá ríkinu! 

Hvernig skildi standa á því ?  Jú innskatturinn er einfaldlega hærri en útskatturinn sem einfaldlega segir svart á hvítu að gistingin er kolvitlaust skattlögð miðað við aðrar atvinnugreinar í landinu.   En svo er náttúrulega það sem enginn þorir að tala um en er þó alþekkt í þessum bransa - það er freistandi að skrá sölu á annarri þjónustu sem gistingu og hirða þannig mismuninn á 7% og 25% vaski!  Tímabært að loka holunni, afnema ríkisstyrkinn og láta arðbærar atvinnugreinar greiða eðlileg gjöld til samfélags sem varla hefur efni á að halda uppi grunnþjónustu í landinu.

Hækkun skattsins slæm fyrir marga

Spáð 3,4% hagvexti - kreppan að gufa upp

Það markverðasta í spá Seðlabankans er að hagvöxtur á þessu ári verður um 3,4% sem er miklu meira en gert hafði verið ráð fyrir.  Einnig er verðbólgan að minnka og að sjálfsögðu atvinnuleysið líka.  Allt ber þetta þess merki að kreppan sé á hröðu undanhaldi, þrátt fyrir að sjálfstæðisflokkurinn og aðrir afturhaldstittir í stjórnarandstöðunni hafi gert allt til þess að spilla fyrir björgunarstarfinu eftir slátrun sjálfstæðisflokksins á efnahag þjóðarinnar. 

Ríkisstjórnin á hrós skilið fyrir frábæran árangur en ég geri ekki ráð fyrir því að mogginn hrósi henni mikið.

Spá 5% atvinnuleysi á næsta ári