Er Hreyfingin að setja upp leikrit ?

Einhvernveginn virðist það skína úr orðum Þórs.  Ég allavega treysti Hreyfingunni mjög tæplega til þess að varpa fram einhverjum raunhæfum hugmyndum til lausnar á skuldavanda heimilanna.  Það er til lítils að moka peningum í skuldsett heimili ef ekki á á sama tíma að endurreisa atvinnulífið í landinu.  Án fjárfestinga og bætts atvinnuástand munu heimilin fljótlega sökkva í sama farið aftur.

Mig grunar að þingmenn Hreyfingarinnar séu að setja upp leikrit til þess að auka vinsældir sínar.  Strax eftir helgi slíta þessir þingmenn viðræðunum á þeim forsendum að "stjórnin vilji ekki taka á skuldavandanum" eða eitthvað slíkt.  Hreyfingin gætir þess að setja upp algjörlega óaðgengilegar kröfur sem byggjast á lýðskrumi en ekki raunveruleika.  Þannig vinnur þetta fólk og þessvegna getur enginn starfað með þeim, ekki einu sinni lýðskrumsflokkarnir Sjálfstæðis- og Framsóknarflokkur, hvað þá egó kocoa puffs "hagfræðingurinn" Lilja Mós.

Ríkisstjórnin mun ekki geta treyst á Hreyfinguna frekar en aðra lýðskrumara á borð við Lilju og villikattagrenið í VG.

Aðstoða verður skuldsett heimili

Ríkisstjórnin sem gerir ekkert....

Hefur snúið þjóðaskútunni við svo nú er farinn að mælast hagvöxtur

hefur minnkað atvinnuleysið úr tæpum 10% í 6,5%

hefur fært niður skuldir fjölmargra heimila

hefur hækkað vaxtabætur um yfir 100%

....svona svo dæmi séu tekin.    Hvað ætli sjálfstæðisflokkurinn hefði hækkað vaxtabæturnar ykkar mikið?

Kynna nýjar áherslur í atvinnumálum

Þar sem það verður að koma Ólafi frá ...

Þá skora ég á aðra frambjóðendur en Þóru að draga framboð sín til baka.  Ég hafð ætlað að kjósa Ara Trausta en það er ljóst að þetta er einvígi milli Ólafs og þóru.  Önnur framboð eru að mínu mati líklegri til þess að taka fylgi frá Þóru en Ólafi.  Ari Trausti er að mínu mati langsterkasti frambjóðandinn en fjölmiðlar hafa stillt þessu upp sem einvígi milli Ólafs og þóru.  Ari Trausti tilkynnti framboð sitt of seint því miður.

Ég tel það nánast skildu kjósenda að koma Ólafi frá enda er hann á góðri leið með að eyðileggja þetta embætti og honum tekst það vafalaust fái hann umboð þjóðarinnar til að starfa áfram.  Ég skora því á Ara Trausta og "litlu nöfnin" að draga framboð sín til baka og lýsa yfir stuðningi við Þóru.

Þóra með mestan stuðning

Skora á Framsóknarflokkinn að leggja sjálfan sig niður

...og flytja sig í heilu lagi á þjóðmynjasafnið.  það mundi fara honum vel að vera á sýningarbás með afleiðingum af Svarta Dauða og Móðuharðindunum.  Risaplaggat ætti að vera af Halldóri Ásgrímssyni, höfundi kvótakerfisins og núverandi milljarðamærings vegna kerfisins sem hann hannað fyrir sjálfan sig og nokkra vini í sjálfstæðisflokknum.

Framsóknarflokkurinn er tímaskekkja, nýji formaðurinn er rugludallur og þessi flokkur hefur aldrei gert nokkurn skapaðan hlut sem hefur komið að gagni fyrir þjóðina.  Best er því að frekara tjóni verði afstýrt og flokkurinn leggi sjálfan sig niður.

Skorar á ríkisstjórn að biðjast lausnar

Forseti sundrungar og spillingarafla

...er herrra Ólafur Ragnar Grímsson.  Hann hefur í dag sem fyrr opinberað sitt eðli, þessi skækja útrásarvíkinga og sægreifa.  Svona forseta þarf þjóðin ekki á að halda.

Tjáir sig ekki um ásakanir forseta

Bessastaðaskækjan mætt til leiks með sitt skítlega eðli

Loksins heyrist eitthvað frá besta vini gullætnanna, sægreifanna og hinum sanna fulltrúa gamla Íslands.   Ólafur Ragnar Grímsson hefur starfað i flestum stjórnmálaflokkum sem stofnaðir hafa verið á Íslandi.  Nú allra síðustu ár hefur hann starfað fyrir sjálfstæðisflokkinn og verið með útibú frá Valhöll á Bessastöðum.  Hann hefur þó formlega aldrei gengið í sjálfstæðisflokkinn en þess verður varla langt að bíða enda er sjálfur Hannes grillmeistari farinn að mæra Bessastaðaskækjuna í bak og fyrir.

Ólafur sat við hlið útrásarvíkinga í einkaþotum, hann mætti með þeim í veislur þar sem gullkriddað heilgrillað svín var á matseðlinum.  Hann nældi í þá fálkaorður og þeir voru fastagestir í litla púttnahúsinu á Bessastöðum.

Alveg eins og í pólitíkinni forðum daga breyttust aðstæður og Óli þurfti að finna sér nýja vini- og óvini.  Eftir haustið 2008 var auðvitað mjög erfitt að bjóða landráðamönnunum til frekari veisluhalda á Bessastöðum.  Óli sá að róttækir þjóðernissinnar með Indefence í fararbroddi voru mjög að sækja i sig veðrið og auðvitað eins og sannri skækju sæmir, stökk hann á vagninn.

Í síðustu viku mærði Bessastaðaskækjan sægreifana og kvótakerfið í finu boði einhversstaðar í útlöndum- að vísu gerði hann ekki ráð fyrir því að einhverjir Íslendingar væru nálægt sem mundu "leka" þessum meinta nýja félagsskap skækjunnar.   Auðvitað þurfa sægreifar á hjálp Bessastaðaskækjunnar að halda enda blasir við þessum greyjum að þurfa að ganga á falda fjársjóði í skattaskjólum eða jafnvel fara í röðina hjá fjölskylduhjálpinni á miðvikudögum ef þeir verða látnir skila einhverju af ránsfeng síðustu áratuga til samfélagsins.

Bessastaðaskækjan er mætt til leiks með sitt skítlega eðli og eins og sönnun sjalla sæmir velur hann að ráðast á björgunarliðið sem hefur staðið vaktina með sóma við að koma þjóðinni uppúr kreppunni sem vinir og kúnnar Bessastaðaskækjunnar komu henni í.  Nú þekkjum við Ólaf Ragnar Grímsson.

Segir Jóhönnu í herferð gegn sér

Grikkir vita að vinstri stjórn bjargaði Íslendingum og feta sömu slóð

Vinstri stjórn er að bjarga Íslensku þjóðinni uppúr kreppunni sem nýfrjálshyggjupakk kom henni í.  Það er engu líkara en að Grikkir hafi fengið veður af þessu enda er mikil vinstri sveifla í þessum kosningum.  Sennilega er lausn Grikkja útúr kreppunni sú sama og hér, henda burt hægra ruslinu og koma til valda fólki sem þorir, kann og getur axlað ábyrgð.

Vill mynda vinstristjórn

Ísland á fleygiferð útúr kreppunni

Þrátt fyrir dómsdagsspárs Sigmundar Davíðs og óráðshjal Bjarna Ben þá eru villtustu draumar þeirra svo sannarlega að snúast upp í hræðilega martröð.  Þessari ríkisstjórn er nefnilega að takast það sem þeir vita að þeim mundi aldrei takast sjálfum, að koma þjóðinni útúr kreppunni.  Það sem meira er, það hefur tekist án þess að auka skattbirðar á meginþorra almennings, aðeins þeir tekjuhæstu hafa orðið fyrir skattahækkunum. -  Við getum verið nokkuð sjúr á því að þannig hefði ekki verið ástatt ef þessir tveir jólasveinar hefðu farið með stjórn landsins undanfarin ár. 

Umskipti á vinnumarkaði

Veruleikafyrrtur og staðnaður - Vill gjaldeyrishöft í áratugi

Það er algjörlega með ólíkindum að lesa þetta.  Það gera sér nánast allir grein fyrir því að krónan er ónýtur gjaldmiðill for good.  Henni verður ekki bjargað, ekki heldur með því að skipta um nafn á henni einsg og cocoa puffs hagfræðingurinn og útgerðarerfinginn Lilja Mósesdóttir leggur til.

Gjaldeyrishöft munu óhjákvæmilega vara allt tíð.  Menn skilja ekki hvernskonar álitshnekki krónan varð fyrir í og eftir hrunið.  Menn skilja ekki að hingað kemur engin erlend fjárfesting meðan við höfum þennan "gjaldmiðil".  Við VERÐUM að laða að erlenda fjárfestingu til þess að geta bætt lífskjör í þessu landi og að formaður stærsta stjórnmálaflokks landsins geti ekki skilið þetta er hreint og beint grafalvarlegt mál.

Hverjum þjónar krónan í dag?  Jú höfum það bara á hreinu, hún þjónar LÍÚ því það er auðveldara að arðræna þjóðina með krónu heldur en með öðrum gjaldmiðli, hún þjónar gjaldeyrisbröskurum - öðrum ekki.  Krónan er það alvarlega löskuð að henni verður ekki bjargað.  Menn verða bara að fara að skilja það.

Einhliða upptaka veikasti kosturinn

Er nema von að auðjöfurinn spyrji..

Já afhverju ætti Ísland að ganga í ESB?  Hér eru nokkrar ástæður af jaisland.is (í bland við mín eigins svör) :

• Hagur neytenda mun aukast vegna mun stærra markaðssvæðis og aukinnar samkeppni innan hans. Utan ESB njótum við þess ekki að vera fullir aðilar að innri markaðnum. Viðskiptakostnaður er mun hærri vegna tollafgreiðslu og umsýslukostnaðar ýmiss konar. Þá er mjög ólíklegt, eins og sagan sýnir okkur, að erlendir aðilar komi með rekstur hingað á meðan við erum ein með íslenska krónu sem gjaldmiðil. Viðskiptaumhverfið og gjaldmiðilinn skortir trúverðugleika og hefur beðið mikinn hnekki. Erlendir aðilar komu ekki hingað með starfsemi heldur á meðan viðskiptaumhverfið naut trausts. Forsenda þess að það muni verða er full aðild.
• Starfsumhverfi íslenskra fyrirtækja myndi batna til muna við aðild. Sá óstöðugleiki og kostnaður sem fylgir veikum gjaldmiðli - krónunni - heyði sögunni til og íslensk fyrirtæki myndu etja kappi á hinum frjálsa markaði við boðlegar aðstæður. Betri samkeppnisstaða og sú hagræðing sem evran hefði í för með sér myndi því á endanum koma hinum almenna borgara til góða.
• Þeirri mýtu er gjarnan haldið fram af andstæðingum ESB að við missum yfirráð yfir auðlindum okkar.  Þetta er ekkert minna en haugalýgi eins og flest sem frá þessu liði kemur. Auðlindir hvers ríkis innan ESB eru á forræði þess sjálfs. Gildir einu hvort um er að ræða námur, vatn, olíu, jarðvarma eða hvað annað sem telst til náttúruauðlinda. Sama mun gilda um Ísland verði það aðili að Evrópsambandinu.
• Vextir munu lækka, ekki lítill ávinningur fyrir almenning. Flestar rannsóknir benda til þess að vaxtaálagið myndi minnka við upptöku evru á Íslandi. Vegur þar þyngst að gengisáhættan gagnvart evrusvæðinu þurrkast út auk þess sem verðbólguáhættan til lengri tíma minnkar. Gera má ráð fyrir að vextir lækki um 2-3% þegar gott jafnvægi ríkir í þjóðarbúskapnum. Það gerist auðvitað ekki í einum vettvangi, en stöðugleiki ykist og áhætta minnkaði ef komið væri stöðugur gjaldmiðill.
• Dagar verðtryggingar verða taldir með upptöku Evru

• Aðild Íslands að ESB hefur grundvallaráhrif á viðskipti Íslendinga við ESB-lönd. Tollafgreiðsla vegna viðskipta við ESB-ríki heyrir sögunni til og viðskipti við þessi lönd verða eins og viðskipti á milli Akureyrar og Reykjavíkur. Viðskipti á netinu eins og að panta innanlands.

• Vöruverð mun lækka. Reynsla annarra landa segir okkur að framfærslukostnaður muni lækka umtalsvert.  Magnús Bjarnason fjallar í nýlegri bók sinni um framtíð Íslands á 21. öldinni. Niðurstöður Magnúsar benda til þess að neytendur muni hagnast mikið á lækkuðu matvæla- og vöruverði við inngöngu í ESB. Hann segir að matvælaverð mun lækka fljótlega eftir inngöngu um tíu til tuttugu prósent sem jafngildir tveggja til fjögurra prósenta launahækkun hjá vinnandi fólki. Í Svíþjóð og Finnlandi, lækkaði matvælaverð um tíu prósent ári eftir að þau gerðustu aðilar að sambandinu árið 1995. Hér á landi eru tollar og matvælaverð talsvert hærra og því meira svigrúm til lækkunar. Samkeppni á matvörumarkaði jókst einnig í þessum löndum þar sem erlendar verslunarkeðjur hófu starfsemi í landinu, eins og t.d. Aldi og Lidl.

Svo hversvegna er þjóðin mótfallin inngöngu samkvæmt skoðanakönnunum?  Ástæðan er í raun sáraeinföld.  ÞJÓÐIN HEFUR EKKI VERIÐ UPPLÝST UM KOSTI ESB AÐILDAR. Umræðunni hefur verið stjórnað af öfgaliði til vinstri og hægri sem vill viðhalda núverandi lífskjörum en þó á ólikum forsendum.  Vinstra liðið er haldið almennri útlendingafælni og heldur að ESB hafi eingöngu verið stofnað til að gera Íslendingum lífið leitt.  Í bland við þetta er svo einhvernskonar lopapeysuþjóðernishyggja.

Hægra liðið óttast að missa spón úr aski sínum, missa þau ofurtök sem LÍÚ hefur á landsmönnum, að eftirlit yrði haft með arðráni náhirðarskríls á auðlindum þjóðarinnar.  Þetta lið vill halda krónunni, ekki vegna þess að hún er góð heldur vegna þess að með henni er hægt að fela slóð rána á auðlindum þjóðarinnar.

Ein helstu rökin GEGN ESB eru einmitt að þá missum við auðlindir okkar.  Eins og áður er bent á er þetta haugalýgi og varðandi sjávarútveginn ÞÁ Á ÞJÓÐIN EKKERT Í ÞEIRRI AUÐLIND, HÚN ER Í HÖNDUM 20 Líú FJÖLSKILDNA.  Hvort sá sem stelur þessari auðlind heitir Sigurður eða Carlos skiptir mig bara engu máli en staðreyndin er sú að með inngöngu í ESB mun Íslenska þjóðin sennilega fyrst fá sanngjarnan hlut í arðinum af hennar helstu auðlind.

„Af hverju eruð þið að þessu?“