Hag hvaða heimila ?

Jú, hjá fjölskyldunum 70 sem hirtu 40 milljarða í eigin vasa - földu féð á Kýpur, keyptu þyrlur og lúxusjeppa.  Það er skelfilegt að þessar 70 fjölskyldur þurfa að borga skatta eins og annað fólk.  Fyrir hinn venjulega Íslending er þetta hinsvega einhver björg í bú því ekki þarf að hækka skatta á almenning eins mikið fyrir vikið.

En við þekkjum sjálfstæðisflokkinn orðið svo vel.  Ef skattleggja á auðmenn, þá vælir náhirðin, LÍÚ og FLokkurinn!

Mun koma niður á heimilunum

Horfa framsóknarþingmenn virkilega á EM ?

Getur það verið að framsóknarþingmenn horfi á keppni þar sem flestar þátttökuþjóðirnar eru aðilar í hinu hræðilega skrímslabandalagi ESB ?

Gamla góða glíman eða mýrarbolti höfðar eflaust meira til torfkofaunnendanna í flokknum græna.

Þingmenn horfa á EM á Alþingi

Enn bætist í afrekaskrá hrun-Sjalla

Bjarni Ben ætti að hafa sig  hægan í þessu máli.  Hann talar um að einhver eigi að bera ábyrgð og telur það vera fjármálaráðherra.   Það þarf einhver að benda Bjarna á þessa frétt http://www.dv.is/frettir/2012/6/13/afskrifa-milljarda-hja-steinthori-og-jonmundi/

Varla kemur það nokkrum manni á óvart að Keflavíkurþjófarnir eru flestir ef ekki allir innvígðir og innmúraðir sjallar - tja nema kanski Bjarna.

Það er rannsóknarefni hversvegna 90% af glæpahyski hrunsins tengist sjálfstæðisflokknum með einum eða öðrum hætti- og reyndar restin framsókn.

Hér fær þjóðin sendan reikning uppá rúma 20 milljarða vegna sjálfstæðisflokksins en þetta er því miður dropi í hafið hvað tjónið varðar af völdum þessara glæpasamtaka sem kalla sig sjálfstæðisflokkinn.

Rétt ákvörðun hjá Steingrími

Fádæma frekja sægreifa

Sægreifadelarnir sem fela milljarða á milljarða ofan í skattaskjólum senda þjóðinni fingurinn hvað eftir annað. Nú beita þeir sjómannastéttinni fyrir sig í þeirri viðleitni sinni að borga helst ekki krónu fyrir að nýta auðlindina.

Mér finnst kominn tími til að grípa til harkalegri aðgerða gegn þessu "ríki í ríkinu" en hingað til hafa verið gerðar.   Þessum mönnum er ekki treystandi fyrir auðlindinni og það þarf að koma þessum skepnum i burtu.  Leið til þess að að innkalla allan kvótann og gefa upp á nýtt.   Í algjörri neyð kæmi til greina að ríkið tæki útgerðir og skip eignarnámi - ef það er eina leiðin til þess að þjóðin fá sanngjarnan arð af auðlindinni þá verður svo að vera.

Flotinn fari ekki úr höfn

Hættu þessu andskotans væli maður...

Afsakið orðbragðið en djöfull er maður orðinn þreyttur á þessu siðblinda hyski sem felur milljarða í skattaskjólum og vill helst ekki borga eina skitna krónu til samfélagsins hér þegar það þarf svo sannarlega á því að halda.  Á sama tíma dynur stanslaus auglýsingaáróður frá þessu pakki í öllum fjölmiðlum þar sem engu líkara er en að sægreifarnir séu á vonarvöl og börnin þeirra éta uppúr ruslatunnum.  Hvað ætli auglýsingaherferðin hafi kostað ?

Ég er með lausn fyrir Friðrik og Sægreifana.  Takið einn af þessum döllum ykkar, fjölmennið sægreifastéttinni á hann og siglið sem lengst í burtu og komið aldrei aftur.  Mín vegna megið þið taka með ykkur allt sem þið hafið stolið, bara ef þið komið aldrei aftur.

Eyðilegging á sjávarútvegi

Hvað hræðist Vigdís og co?

Jú að sjálfsögðu hræðist landráðapakki í framsókn og sjálfstæðisflokknum að við fáum GÓÐAN samning!  Þá nefnilega gæti lokið forréttindasjálftöku þessara flokka.

Það er fullkomlega eðlileg niðurstaða að þjóðin fái að sjá samning og taki svo afstöðu til hans.  

Tillaga Vigdísar felld

Allt skal gert til að koma hagsmunagæsluflokkunum til valda

Þær eru orðnar óteljandi tilraunirnar sem stjórnarandstaðan hefur gert til að koma stjórninni frá.  Allar mislukkaðar!  það er sagt að Edison hafi gert 6000 tilraunir áður en hann fann upp ljósaperuna.  Eini munurinn á hinum misheppnuðu tilraunum Edison og misheppnuðum tilraunum stjórnarandstöðunnar er sá að Edison var að láta gott af sér leiða og loksins kviknaði á perunni mannkyninu til heilla.

Stjórnarandstaðan er hinsvegar öllum til ógagns nema kanski sægreifunum, enda hefur sjálfstæðisflokkurinn heitið þvi að snúa kvótafrumvarpinu við og láta sægreifana áfram njóta alls ágóðans af sameign þjóðarinnar, hjálpa þeim að fela féð  á Kýpur og Tortólu svo þjóðin fái ekki krónu.

Nú er hafin undirskriftasöfnun til að koma hagsmunagæsluflokkunum til valda.  Núverandi ríkisstjórn hefur gert margt rétt, alls ekki allt og það er sjálfsagt erfitt að drattast með villikattafíflin í VG í stjórnarsamstarfi, þetta lið er í raun alls ekki stjórntækt.  En því miður er það illskárri kostur fyrir þjóðina að núverandi stjórn klári kjörtímabilið heldur en að hleypa hrunflokkunum aftur að kjötkötlunum.  Það vita allir að getur ekki endað með öðru en ósköpum.   - Væri gaman í svona viku en svo sæi þjóðin svart á hvítu fyrir hvaða óþverraöfl framsóknar og sjálfstæðisflokkurinn vinna fyrir.

Krafist þingrofs og kosninga

Fullkomlega fyrirsjáanlegt lýðskrum Hreyfingarinnar

Þetta var algjörlega fyrirsjáanlegt enda ekki í fyrsta sinn sem Hreyfingin stundar þann ljóta leik að þykjast ætla að starfa af ábyrgð en setja svo upp kröfur sem ekki er hægt að ganga að.  Það er engin hókus pókus lausn til í skuldamálunum, það er ekki hægt að afskrifa tugi eða hundruð milljarða án þess að það komi einhversstaðar illilega niður, t.d. í hærri sköttum því ekki er hægt að setja íbúðalánasjóð á hliðina.   Þetta sér hver maður en fólk virðist allt í einu halda að 2+2 séu 5 en ekki 4.

Hreyfingin er sem fyrr ábyrgðarlaust og fyrirsjáanlegt samansafn lýðskrumara.  Það hefur ekkert breyst.

Nú gæti svo farið að stjórnin falli á næstu dögum.  Hvað gerist þá?  Jú hrunflokkarnir komast til valda.  það þýðir td. ekkert kvótafrumvarp og vonandi dettur fólki ekki til hugar að þeir flokkar felli niður skuldir landsmanna!  það er nú ekki eins og hrunflokkarnir séu þekktir fyrir að taka afstöðu með almenningi gegn fjármagnseigendum.   Núverandi stjórn er einfaldlega besti og eini kosturinn í stöðunni.

Ekkert samkomulag um stuðning

Hóta fjárfestum - Það er að pissa í skóinn sinn Lilja

Kocoa puffs "hagfræðingurinn" Lilja kemur með reglulegu millibili fram með "aðgerðaáætlun" sem ekki er heil brú í , ekki einu sinni hálf brú.  Hvernig í andskotanum dettur manneskjunni í hug að hægt sé að hóta eigendum krónubréfa því að eign þeirra verði að engu ef þeir gera ekki það sem stjórnvöldum þóknast?

Það virkar kanski í praxis í mánuð en dettur manneskjunni til hugar að slíkt mundi efla traust á Íslensku viðskiptalífi og laða að fjárfesta í framtíðinni? Ónei, þetta er leið sem aðeins N-Kóreumönnum dytti til hugar að beita.  

Lýðskrum Lilju er ekki lengur bara heimskulegt, það er hreinlega hættulegt að ljúga svona rugli að þjóðinni og reyna að afla fylgis með þessum hætti útá óvinsæla ríkisstjórn eins og Lilja er hér að gera og það ekki í fyrsta skipti.  Lýðskrumari dauðans og ekkert annað.

Vill hóta eigendum snjóhengjunnar

Ögmundur hefur aldrei verið vitlausari

Oft hefur hann nú verið tregur blessaður,- en aldrei eins vitlaus eins og eftir að hann varð ráðherra.  Hann er sennilega eini ráðherrann í Íslandssögunni (að undanskildu Ingjaldsfíflinu honum Jóni Bjarnasyni) sem heldur að hann sé í stjórnarandstöðu!

Ögmundur tilheyrir rikis- forréttindaelítunni.  Hann þóttist á árum áður berjast fyrir verkalýðinn en gerði aldrei nokkurn skapaðan hlut nema blaðra frá sér allt vit og eitt er ljóst að ekki hefur vitið komið til baka.  

Varðandi málefnið, þá er það nú þannig að ESB andstæðingar telja alltaf vitlaust að ganga í ESB. Þegar hér var bullandi góðæri þá var það ekki hægt því við þyrftum að borga svo mikið með okkur til fátæku þjóðanna í ESB.  Nú er það ekki hægt vegna kreppunnar hér og lélegrar samningsstöðu okkar!  

Eins og virkur alki finnur alltaf ástæðu til að drekka þá finnur Ömmi litli alltaf ástæðu til að bulla.

„Aldrei vitlausara að ganga í ESB"